ພາບປະກອບ: TTXVN
ຕາມເວັບໄຊສະຖິຕິ Worldometers.info, ໄລ່ຮອດຕອນເຊົ້າວັນທີ 30 ພຶດສະພາ (ຕາມເວລາ UTC), ທົ່ວໂລກມີ ຜູ້ຕິດເຊື້ອ Covid – 19 ລວມທັງໝົດກ່ວາ 6 ລ້ານຄົນແລ້ວ, ໃນນັ້ນມີ ຜູ້ເສຍຊີວິດກ່ວາ 366.000 ຄົນ. ອາເມລິກາ ຍັງແມ່ນປະເທດມີຈຳນວນຜູ້ຕິດເຊື້ອ Covid – 19 ແລະ ເສຍຊີວິດຫຼາຍທີ່ສຸດໃນໂລກ, ຖັດມາແມ່ນ ອັງກິດ ແລະ ບຣາຊິນ.
ສ່ວນຢູ່ຫວຽດນາມໄລ່ຮອດເວລາ 6 ໂມງເຊົ້າຂອງວັນທີ 30 ພຶດສະພາ, ຫວຽດນາມໄດ້ຢັ້ງຢືນມີຜູ້ຕິດເຊື້ອໃໝ່ຕື່ມອີກ 1 ຄົນ. ຜູ້ຕິດເຊື້ອຄົນທີ 328 ແມ່ນເພດຊາຍ, ອາຍຸ 1 ປີ ເປັນຜູ້ໂດຍສານໃນຖ້ຽວບິນ VN0062 ກັບຄືນມາຫວຽດນາມ ຈາກລັດເຊຍ, ແລະໄດ້ຮັບການແຍກຕົວປິ່ນປົວທັນທີ ພາຍຫຼັງເຂົ້າເມືອງ, ເປັນການສະກັດກັ້ນການແຜ່ລະບາດອອກສູ່ຊຸມຊົນ. ປັດຈຸບັນ, ຄົນເຈັບດັ່ງກ່າວໄດ້ຮັບການແຍກຕົວ ແລະ ປິ່ນປົວຢູ່ໂຮງໝໍພະຍາດເຂດຮ້ອນນະຄອນ ຫ໋າຍເຢືອງ.
(ແຫຼ່ງຄັດຈາກ VOV)
