ນັບແຕ່ເວລາ 16 ໂມງຂອງວັນທີ 7 ພຶດສະພາ ຫາ 16 ໂມງ ຂອງວັນທີ 8 ພຶດສະພາ, ຫວຽດນາມມີຜູ້ຕິດເຊື້ອພະຍາດໂຄວິດ-19 ໃໝ່ທັງໝົດ 2.269 ຄົນ (ຫຼຸດລົງ 1.077 ກໍລະນີເມື່ອທຽບໃສ່ມື້ກ່ອນ) ຢູ່ໃນ 51 ແຂວງ, ນະຄອນ. ນີ້ແມ່ນ ແມ່ນຈຳນວນໜ້ອຍທີ່ສຸດໃນ ເກືອບ 300 ວັນທີ່ຜ່ານມາ ນັບແຕ່ວັນທີ 10 ກໍລະກົດປີກາຍນີ້. ນັບແຕ່ເມື່ອ ເກີດໂລກລະບາດ, ຫວຽດນາມ ມີ ຜູ້ຕິດເຊື້ອໂຄວິດ -19 ລວມທັງໝົດ10.676.184 ຄົນ
ໃນວັນທີ 8 ພຶດສະພາ ມີຄົນເຈັບ 2.066 ຄົນ ໄດ້ຮັບການປິ່ນປົວໃຫ້ຫາຍດີ, ອັນໄດ້ຍົກຍອດ ຈໍານວນກໍລະນີໄດ້ຮັບການປິ່ນປົວຫາຍດີຂຶ້ນເຖິງ 9.320.591 ຄົນ.
ກ່ຽວກັບສະພາບການພະຍາດໂຄວິດ -19 ຢູ່ໃນໂລກ
ໄລ່ຮອດວັນທີ 8 ພຶດສະພາ ທົ່ວໂລກໄດ້ຢັ້ງຢືນມີຜູ້ຕິດເຊື້ອໂຄວິດ - 19 ຈຳນວນ 516,9 ລ້ານຄົນ ໃນນັ້ນມີຜູ້ເສຍຊີວິດ 6,27 ລ້ານຄົນ. ໃນ 24 ຊົ່ວໂມງທີ່ຜ່ານມາ ໂລກໄດ້ມີຜູ້ຕິດເຊື້ອຕື່ມອີກກວ່າ 406,6 ພັນຄົນແລະຫຼາຍກວ່າ 1.000 ຄົນໄດ້ເສຍຊີວິ. ອາເມລິກາ ສືບຕໍ່ແມ່ນປະເທດຮັບຜົນກະທົບຮ້າຍແຮງທີ່ສຸດ, ຖັດມາແມ່ນ ບຣາຊິນແລະອິນເດຍ.
ຢູ່ອາຊີຕາເວັນອອກສຽງໃຕ້, ວັນທີ 7 ພຶດສະພາ ກຳປູເຈຍເປັນຄັ້ງທຳອິດຢັ້ງຢືນບໍ່ມີຜູ້ຕິດເຊື້ອໂຄວິດ - 19 ໃໝ່ນັບແຕ່ເວລາເກີດໂລກລະບາດໃນຊຸມຊົນເມື່ອເດືອນ ກຸມພາ ປີກາຍນີ້.
