(ພາບປະກອບ)
ວັນທີ 04/02, ຢູ່ເມືອງພູດອຍ ຍືຊວນ ແຂວງ ແທງຮ໋ວາ, ສະມາຄົນນັກຂ່າວແຂວງ ແທງຮ໋ວາ, ພະແນກວັດທະນະທຳ, ກິລາ ແລະ ທ່ອງທ່ຽວ, ພະແນກຖະແຫຼງຂ່າວ ແລະ ສື່ສານແຂວງ ແທງຮ໋ວາ ໄດ້ສົມທົບກັນຈັດຕັ້ງບຸນໜັງສືພິມລະດູບານໃໝ່ ແລະ ວາງສະແດງວັດຖຸເອກະສານ “ຮ່ວາງຊາ, ເຈື່ອງຊາຂອງ ຫວຽດນາມ - ບັນດາພະຍານຫຼັກຖານປະຫວັດສາດ”. ນີ້ແມ່ນການເຄື່ອນໄຫວທີ່ມີຄວາມໝາຍໃນຕົ້ນປີລະກາ 2017 ມຸ່ງໄປເຖິງສະເຫຼີມສະຫຼອງ 70 ປີແຫ່ງວັນທຳທີ່ອິດລຸງໂຮ່ມາຢ້ຽມຢາມ ແທງຮ໋ວາ (20/02/1947 – 20/02/2017). ໃນບໍລິເວນຈັດຕັ້ງບຸນໜັງສືພິມລະດູບານໃໝ່, ບັນດາວັດຖຸເອກະສານ “ຮ່ວາງຊາ, ເຈື່ອງຊາຂອງ ຫວຽດນາມ - ບັນດາພະຍານຫຼັກຖານປະຫວັດສາດ” ຖືກ້ວາງສະແດງຢ່າງສົມກຽດດ້ວຍເອກະສານ, ວັດຖຸພັນ, ສື່ສິ່ງພິມ ແລະ ແຜນທີ່ເກືອບ 100 ແຜ່ນເຊິ່ງໄດ້ຮັບການປະກາດນັບແຕ່ກ່ອນມາຮອດປະຈຸບັນຂອງບັນດານັກຄົ້ນຄວ້າ, ນັກຮຽນຮູ້ພາຍໃນປະເທດ ແລະ ຕ່າງປະເທດກ່ຽວກັບ 2 ໝູ່ເກາະຮ່ວາງຊາ ແລະ ເຈື່ອງຊາຂອງ ຫວຽດນາມ; ບັນດາ, ຮູບພາບກ່ຽວກັບພາລະກິດປະຕິບັດອະທິປະໄຕ ແລະ ສູ້ຊົນປົກປັກຮັກສາອະທິປະໄຕ ຮ່ວາງຊາ, ເຈື່ອງຊາ; ບັນດາກິດຈະກຳຄົ້ນຄວ້າ ກ່ຽວກັບອະທິປະໄຕທະເລໝູ່ເກາະຂອງ ຫວຽດນາມ…ນີ້ແມ່ນບັນດາພະຍານຫຼັກຖານທີ່ໝັ້ນຄົງກ່ຽວກັບອະທິປະໄຕຂອງ ຫວຽດນາມ ສຳລັບ 2 ໝູ່ເກາະ ຮ່ວາງຊາ, ເຈື່ອງຊາ.
(ແຫຼ່ງຄັດຈາກ VOV)
