ຂ່າວສານ

ລາວຍົກເລີກຂໍ້ກຳນົດແຈ້ງໃບຢັ້ງຢືນສັກວັກຊີນປ້ອງກັນ ໂຄວິດ 19 ເມື່ອເຂົ້າປະເທດ

28/12/2022

ວັນທີ 26 ທັນວາ, ລັດຖະບານລາວໄດ້ຍົກເລີກບັນດາຂໍ້ກຳນົດ ກ່ຽວກັບການແຈ້ງໃບຢັ້ງຢືນສັກວັກຊີນປ້ອງກັນ ໂຄວິດ 19 ແລະ ການກວດຫາເຊື້ອໂຄວິດ 19 ດ້ວຍເຄື່ອງກວດແບບໄວ ພາຍໃນດ 48 ຊົ່ວໂມງ ກ່ອນເດີນທາງເຂົ້າປະເທດ.

ພາບປະກອບ: TTXVN

ວຽກງານດັ່ງກ່າວແມ່ນໜຶ່ງໃນບັນດານະໂຍບາຍໃໝ່ຂອງລາວ ສະແດງອອກເຖິງການຄວບຄຸມໂລກລະບາດໂຄວິດ 19 ໄດ້ດີ ຂອງລັດຖະບານລາວ ໃນໄລຍະຜ່ານມາ ແລະກໍ່ເພື່ອຊຸກຍູ້ ແລະ ພັດທະນາເສດຖະກິດຂອງປະເທດຊາດໃນໄລຍະຫຼັງໂຄວິດ 19.

ກ່ອນໜ້ານີ້, ວັນທີ 9 ພຶດສະພາ 2022, ລັດຖະບານລາວໄດ້ປະກາດເປີດປະຕູທຸກດ່ານຊ່າຍແດນສາກົນ ແລະ ອະນຸຍາດໃຫ້ພົນລະເມືອງລາວ, ຄົນຕ່າງປະເທດ, ຜູ້ບໍ່ມີສັນຊາດ ໄດ້ເຂົ້າ-ອອກ ລາວ; ພົນລະເມືອງບັນດາປະເທດທີ່ມີຂໍ້ຕົກລົງຍົກເວັ້ນວີຊາກັບ ລາວ ສາມາດເຂົ້າປະເທດໂດຍບໍ່ຈຳເປັນຕ້ອງຂໍວີຊາ. ແນວໃດກໍ່ຕາມ, ເມື່ອເຂົ້າປະເທດຕ້ອງມີໃບຢັ້ງຢືນສັກວັກຊີນປ້ອງກັນ ໂຄວິດ 19 ແລະ ຜົນກວດດ້ວຍເຄື່ອງກວດແບບໄວ ພາຍໃນໄລຍະ 48 ຊົ່ວໂມງ.

(ແຫຼ່ງຄັດຈາກ VOV)

ອັດກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

12/12/2025
ຂ່າວສານ

ພາຍຫຼັງໄດ້ດຳເນີນເປັນເວລາ 40 ວັນຢູ່ຫໍ່ປະຊຸມສະພາແຫ່ງຊາດຢູ່ນະຄອນຫຼວງ ຮ່າໂນ້ຍ, ຕອນບ່າຍວັນທີ 11 ທັນວາ, ກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15 ໄດ້ຈັດວາລະອັດກອງປະຊຸມ.