ຂ່າວສານ

ລັດເຊຍ ພ້ອມແລ້ວທີ່ຈະເປັນກາງໄກ່ເກ່ຍລະຫວ່າງ Israel ແລະ Hezbollah

03/11/2024

Israel ໄດ້ເພິ່ງໃຫ້ລັດເຊຍ ເປັນກາງໄກ່ເກ່ຍໃນການເຈລະຈາສັນຕິພາບກັບ Hezbollah ແລະ ຮຽກຮ້ອງໃຫ້ ລັດເຊຍ ເຂົ້າຮ່ວມຂໍ້ຕົກລົງຢຸດຍິງຢູ່ Lebanon.

(ພາບ: THX/TTXVN)

ວັງ Kremlin ປະກາດວ່າ ພ້ອມແລ້ວທີ່ຈະເປັນກາງໄກ່ເກ່ຍລະຫວ່າງ Israel ແລະ ຂະບວນການ Hezbollah. ໃນການປະຊຸມໃນຕອນເຊົ້າວັນທີ 1 ພະຈິກ, ທ່ານ Dmitry Peskov ເລຂາສື່ມວນຊົນຂອງທ່ານປະທານາທິບໍດີ ລັດເຊຍ ໃຫ້ຮູ້ວ່າ: ລັດເຊຍ ໄດ້ຮັກສາການຕິດຕໍ່ພົວພັນກັບທຸກຝ່າຍ ໃນການປະທະກັນ, ລວມທັງ Israel, Iran, Lebanon ແລະ ຝ່າຍອື່ນໆ. ດັ່ງນັ້ນ, ຖ້າຫາກວ່າ ບັນດາຄວາມມານະພະຍາຍາມຂອງລັດເຊຍບັນລຸປະສິດທິຜົນ, ລັດເຊຍ ພ້ອມທີ່ຈະເປັນກາງໄກ່ເກ່ຍລະຫວ່າງ Israel ແລະ ຂະບວນການ Hezbollah.

ກ່ອນໜ້ານັ້ນ, Israel ໄດ້ເພິ່ງໃຫ້ລັດເຊຍ ເປັນກາງໄກ່ເກ່ຍໃນການເຈລະຈາສັນຕິພາບກັບ Hezbollah ແລະ ຮຽກຮ້ອງໃຫ້ ລັດເຊຍ ເຂົ້າຮ່ວມຂໍ້ຕົກລົງຢຸດຍິງຢູ່ Lebanon ພວມຖຶກພັດທະນາດ້ວຍການໜູນຊ່ວຍຂອງທ່ານ Amos Hochstein ແລະ Brett McGurk ທີ່ປຶກສາຂອງປະທານາທິບໍດີ ອາເມລິກາ.

(ແຫຼ່ງຄັດຈາກ VOV)

ຫວຽດນາມ ຕັ້ງໜ້າສ້າງອະນຸພາກພື້ນແມ່ນ້ຳຂອງພັດທະນາຢ່າງວັດທະນາຖາວອນ

05/11/2024
ຂ່າວສານ

ໂດຍໄດ້ຮັບຄຳເຊີນຂອງທ່ານນາຍົກລັດຖະມົນຕີ ແຫ່ງ ສປ. ຈີນ ຫຼີຊຽງ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ຈະເຂົ້າຮ່ວມກອງປະຊຸມສຸດຍອດການຮ່ວມມືອະນຸພາກພື້ນແມ່ນ້ຳຂອງ ເປີດກວ້າງ ຄັ້ງທີ 8 (GMS 8), ແຕ່ວັນທີ 5 – 8 ພະຈິກ ຢູ່ ຈີນ. ໂດຍແມ່ນປະເທດສະມາຊິກທີ່ຕິດພັນກັບຜົນປະໂຫຍດຂອງກົນໄກຮ່ວມມືນີ້, ຫວຽດນາມ ຍາມໃດກໍມານະພະຍາຍາມ, ຕັ້ງໜ້າຊຸກຍູ້ການຮ່ວມມື, ເພື່ອແນໃສ່ສ້າງອະນຸພາກພື້ນແມ່ນ້ຳຂອງສັນຕິພາບ, ສະຖຽນລະພາບ ແລະ ພັດທະນາຢ່າງວັດທະນາຖາວອນ.