ຂ່າວສານ

ລັດຖະມົນຕີກະຊວງອຸດສາຫະກຳແລະການຄ້າເຈີ່ນຕວ້ນແອງພົບປະກັບຫົວໜ້າຜູ້ຕາງໜ້າການຄ້າອາເມລິກາ

01/06/2017

ວັນທີ 30 ພຶດສະພາ, ໃນຂອບເຂດການຢ້ຽມຢ້າມຢ່າງເປັນທາງການຂອງ ນາຍົກລັດຖະມົນຕີ ຫງວຽນຊວນຟຸກ, ລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ເຈີ່ນຕວ້ນແອງ ແລະ ຫົວໜ້າຜູ້ຕາງໜ້າການຄ້າ ອາເມລິກາ Robert Lighthizer ໄດ້ມີການເຮັດວຽກກັບປະທານສະພາການຄ້າ ແລະ ການລົງທຶນ ຫວຽດນາມ-ອາເມລິກາ (ສະພາ TIFA).

ທີ່ການພົບປະລະຫວ່າງ 2 ຝ່າຍ
(ພາບ: moit.gov.vn)

ນະທີ່ນີ້, ຫົວໜ້າຜູ້ຕາງໜ້າການຄ້າ ອາເມລິກາ ຢືນຢັນວ່າ ສະພາການຄ້າ ແລະ ການລົງທຶນ ຫວຽດນາມ-ອາເມລິກາ ແມ່ນກົນໄກເຈລະຈາສຳຄັນເພື່ອແກ້ໄຂບັນດາບັນຫາເສດຖະກິດ, ການຄ້າ ແລະ ການລົງທຶນລະຫວ່າງສອງປະເທດ.

ທ່ານ ລັດຖະມົນຕີກະຊວງອຸດສາຫະກຳ ແລະ ການຄ້າ ເຈີ່ນຕວ້ນແອງ ສະເໜີ ຫົວໜ້າຜູ້ຕາງໜ້າການຄ້າ ອາເມລິກາ ສືບຕໍ່ປະກອບສ່ວນ ໃຫ້ການເພີ່ມທະວີການພົວພັນດ້ານເສດຖະກິດ, ການຄ້າ ແລະ ການລົງທຶນ ລະຫວ່າງສອງປະເທດກວ່າອີກ.
ດ້ວຍຈິດໃຈການຮ່ວມມື, ເຈລະຈາຢ່າງກົງໄປກົງມາ, ທ່ານ ລັດຖະມົນຕີ ເຈີ່ນຕວ້ນແອງ ແລະ ຫົວໜ້າຜູ້ຕາງໜ້າການຄ້າ ອາເມລິກາ Robert Lighthizer ໄດ້ພ້ອມກັນປຶກສາຫາລືເພື່ອແກ້ໄຂບັນດາອຸປະສັກທາງດ້ານເສດຖະກິດ, ການຄ້າ ລະຫວ່າງສອງປະເທດ. ປະທານຮ່ວມສະພາ TIFA ໄດ້ມີຄວາມເປັນເອກະພາບນຳກັນ ວ່າຈະເພີ່ມທະວີການເຄື່ອນໄຫວຂອງສະພາການຄ້າ ແລະ ການລົງທຶນ ຫວຽດນາມ-ອາເມລິກາ ກວ່າອີກ ເພື່ອແນໃສ່ແກ້ໄຂບັນດາບັນຫາທີ່ເກີດຂຶ້ນ ແລະ ຊຸກຍູ້ການພົວພັນດ້ານເສດຖະກິດ, ການຄ້າ ແລະ ການລົງທຶນ ລະຫວ່າງສອງປະເທດໃນໄລຍະຈະມາເຖິງກວ່າອີກ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.