ຕອນບ່າຍວັນທີ 04 ກໍລະກົດ, ຢູ່ຮ່າໂນ້ຍ, ທ່ານນາຍພົນເອກ ໂງຊວນລິກ, ລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ຕ້ອນຮັບ ທ່ານພົນເອກ ໄຈຈານ ຊ້າງມົງກົນ, ເລຂາທິການຜູ້ປະຈຳການກະຊວງປ້ອງກັນປະເທດ ໄທ, ເນື່ອງໃນໂອກາດເດີນທາງມາເຂົ້າຮ່ວມ ກອງປະຊຸມປຶກສາຫາລືນະໂຍບາຍການຕ່າງປະເທດ ຫວຽດນາມ-ໄທ ຄັ້ງທຳອິດຢູ່ຫວຽດນາມ. 

ທ່ານ ທ່ານພົນເອກ ໄຈຈານ ຊ້າງມົງກົນ ແລະ ທ່ານນາຍພົນເອກ ໂງຊວນລິກ
(ພາບ: ສຳນັກຂ່າວສານ ຫວຽດນາມ)

      ທ່ານພົນເອກ ໂງຊວນລິກ ຢືນຢັນວ່າ ການຮ່ວມມືໃນຂົງເຂດການທະຫານ, ການປ້ອງກັນປະເທດ ລະຫວ່າງ ຫວຽດນາມ ແລະ ໄທ ໄດ້ມີບາດກ້າວພັກທະນາຮອບດ້ານ, ມີປະສິດທິຜົນໂດຍຜ່ານບັນດາເນື້ອໃນການຮ່ວມມືປະກອບສ່ວນເພີ່ມທະວີການພົວພັນມິດຕະພາບ, ຄວາມເຂົ້າອົກເຂົ້າໃຈເຊິ່ງກັນ ແລະ ກັນ ລະຫວ່າງກະຊວງປ້ອງກັນປະເທດສອງປະເທດ. ໄລຍະຈະມາເຖິງ, ສອງຝ່າຍຄວນເພີ່ມທະວີການສົມທົບຢ່າງຮອບດ້ານໃນບັນດາຂົງເຂດຄື: ການຮ່ວມມືດ້ານກອງທັບເຮືອ, ການລາດຕະເວນລວມໃນທະເລ, ຮັບປະກັນຄວາມປອດໄພໃຫ້ຊາວປະມົງ; ແລກປ່ຽນບົດຮຽນໃນການຄຸ້ມຄອງ, ປ້ອງກັນເຂດຊາຍແດນ, ສ້າງເສັ້້ນຊາຍແດນແຫ່ງສັນຕິພາບ, ມິດຕະພາບ, ຮ່ວມມື ແລະ ພັດທະນາ; ຍູ້ແຮງບັນດາການເຄື່ອນໄຫວພົບປະ, ແລກປ່ຽນຄະນະຜູ້ແທນທຸກຂັ້ນ, ແລກປ່ຽນບົດຮຽນລະຫວ່າງບັນດາເຫຼົ່າຮົບ, ເຫຼົ່າຮົບຂອງສອງປະເທດ
        ໃນວັນດຽວກັນ, ທ່ານພົນເອກ ໄຈຈານ ຊ້າງມົງກົນ ໄດ້ເຈລະຈາກັບ ທ່ານພົນໂທ ຫງວຽນຈີວິ້ງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ; ສອງຝ່າຍໄດ້ຕີລາຄາສູງໝາກຜົນການຮ່ວມມື ລະຫວ່າງກອງທັບສອງປະເທດ ໃນໄລຍະຜ່ານມາ ແລະ ເປັນເອກະພາບດ້ານເນື້ອໃນ, ທິດທາງ, ມາດຕະການຊີ້ນຳການຮ່ວມມືໃນໄລຍະຕໍ່ໜ້າ.

 (ແຫຼ່ງຄັດຈາກ VOV)