ນັບແຕ່ເວລາ 16 ໂມງຂອງວັນທີ 28 ທັນວາ ຫາເວລາ 16 ໂມງຂອງວັນທີ 29 ທັນວາ, ຫວຽດນາມ ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ຕື່ມອີກ 13.889 ກໍລະນີ, ໃນນັ້ນ ມີ 16 ກໍລະນີເຂົ້າເມືອງ ແລະ 13.873 ກໍລະນີຢູ່ພາຍໃນປະເທດ. ໄລ່ມາຮອດປັດຈຸບັນ, ຫວຽດນາມ ມີຜູ້ຕິດເຊື້ອໂຄວິດ - 19 ລວມທັງໝົດ 1.694.874 ກໍລະນີ.
ໃນວັນດຽວກັນ, ມີຜູ້ຕິດເຊື້ອໂຄວິດ - 19 ເກືອບ ກວ່າ 38.260 ກໍລະນີໄດ້ຮັບການປິ່ນປົວຫາຍດີໃນວັນທີ 29 ທັນວາ ແລະ ຍົກຈຳນວນຜູ້ຫາຍດີຢູ່ຫວຽດນາມ ຂຶ້ນເຖິງ 1.302.542 ຄົນ. ກໍໃນວັນດຽວກັນ, ຫວຽດນາມ ຢັ້ງຢືນມີຜູ້ເສຍຊີວິດຍ້ອນໂລກລະບາດດັ່ງກ່າວຕື່ມອີກ 245 ກໍລະນີ.
ໄລ່ຮອດຕອນບ່າຍວັນທີ 29 ທັນວາ, ຍອດປະລິມານວັກຊິນທີ່ໄດ້ສັກໄປແລ້ວແມ່ນກວ່າ 148,1 ລ້ານໂດສ, ໃນນັ້ນ ເຂັມທຳອິດແມ່ນກວມເອົາ 99%, ເຂັມທີ 2 ແມ່ນກວມເອົາ 88,8% ຈຳນວນປະຊາກອນແຕ່ 18 ປີຂຶ້ນໄປ ແລະ ມີ 39 ແຂວງ, ນະຄອນ ພວມຜັນຂະຫຍາຍການສັກວັກຊິນເຂັມທີ 3.
(ແຫຼ່ງຄັດຈາກ VOV)
