• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ມອບຈົດໝາຍທາງການທູດຄັດຄ້ານ, ຮຽກຮ້ອງໃຫ້ຈີນຊົດເຊີຍບັນດາຄວາມເສຍຫາຍຂອງຊາວປະມົງຫວຽດນາມຢ່າງສົມເຫດສົມຜົນ

      ເຮືອຫາປາໝາຍເລກ QNg 90617 TS ແລະຊາວປະມົງຫວຽດນາມພວມເຄື່ອນໄຫວເປັນປົກກະຕິຢູ່ເຂດທະເລຂຶ້ນກັບໝູ່ເກາະຮ່ວາງຊາຂອງຫວຽດນາມ ຖືກກ່ຳປັ່ນຕຳຫຼວດທະເລຈີນກີດຂວາງແລະຕຳໃສ່ໃຫ້ຈົມນ້ຳ.

ທ່ານນາງເລທິທູຮັ່ງ, ໂຄສົກກະຊວງການຕ່າງປະເທດຫວຽດນາມ
(ພາບ: TTXVN)
      ວັນທີ 03 ເມສາ, ເມື່ອຕອບຄຳຖາມຂອງນັກຂ່າວກ່ຽວກັບຂໍ້ມູນຂ່າວທີ່ວ່າເຮືອຫາປາໝາຍເລກ QNg 90617 TS ພ້ອມກັບຊາວປະມົງຫວຽດນາມ 8 ຄົນຖືກອຸບັດຕິເຫດຢູ່ເຂດເກາະຟູ໊ເລິມ, ໝູ່ເກາະຮ່ວາງຊາຂອງຫວຽດນາມ, ທ່ານນາງເລທິທູຮັ່ງ, ໂຄສົກກະຊວງການຕ່າງປະເທດຫວຽດນາມໃຫ້ຮູ້ວ່າ: ເຮືອຫາປາໝາຍເລກ QNg 90617 TS ແລະຊາວປະມົງຫວຽດນາມພວມເຄື່ອນໄຫວເປັນປົກກະຕິຢູ່ເຂດທະເລຂຶ້ນກັບໝູ່ເກາະຮ່ວາງຊາຂອງຫວຽດນາມ ຖືກກ່ຳປັ່ນຕຳຫຼວດທະເລຈີນກີດຂວາງແລະຕຳໃສ່ໃຫ້ຈົມນ້ຳ.
ຄືດັ່ງການຢືນຢັນເປັນຫຼາຍຄັ້ງແລ້ວວ່າ, ຫວຽດນາມມີພະຍານຫຼັກຖານດ້ານປະຫວັດສາດແລະນິຕິກຳຢ່າງພຽງພໍເພື່ອຢັ້ງຢືນອະທິປະໄຕຂອງຫວຽດນາມສຳລັບ 2 ໝູ່ເກາະຮ່ວາງຊາແລະເຈື່ອງຊາແມ່ນເໝາະສົມກັບກົດໝາຍສາກົນ.ການກະທຳຂອງກ່ຳປັ່ນຕຳຫຼວດທະເລຈີນໄດ້ລ່ວງລະເມີດອະທິປະໄຕຂອງຫວຽດນາມສຳລັບໝູ່ເກາະຮ່ວາງຊາ, ກໍ່ຄວາມເສຍຫາຍທາງດ້ານຊັບສິນ, ນາບຂູ່ເຖິງຊີວິດອິນຊີແລະຜົນປະໂຫຍດອັນຊອບທຳຂອງຊາວປະມົງຫວຽດນາມ, ໄປຝືນກັບຄວາມຮັບຮູ້ລວມຂອງການນຳຂັ້ນສູງ 2 ປະເທດກ່ຽວກັບບັນດາການປະພຶດມະນຸດສະທຳສຳລັບຊາວປະມົງແລະຂໍ້ຕົກລົງວ່າດ້ວຍບັນດາຫຼັກການພື້ນຖານຊີ້ນຳການແກ້ໄຂບັນດາບັນຫາຢູ່ທະເລຫວຽດນາມ - ຈີນ.ການກະທຳນີ້ກໍ່ໄດ້ໄປຝືນກັບເນື້ອໃນຈິດໃຈຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ (DOC), ກໍໃຫ້ເກີດສະພາບການຊັບສົນແລະບໍ່ມີຜົນປະໂຫຍດຕໍ່ການພົວພັນລະຫວ່າງ 2 ປະເທດ, ກໍຄືຮັກສາສັນຕິພາບ,ສະຖຽນລະພາບ, ຄວາມໝັ້ນຄົງແລະການຮ່ວມມືຢູ່ທະເລຕາເວັນອອກ.
ວັນທີ 03 ເມສາ 2020, ຜູ້ຕາງໜ້າກະຊວງການຕ່າງປະເທດຫວຽດນາມໄດ້ພົວພັນຕິດຕໍ່ກັບຜູ້ຕາງໜ້າສະຖານທູດຈີນແລະມອບຈົດໝາຍທາງການທູດ ເພື່ອຄັດຄ້ານ, ຮຽກຮ້ອງໃຫ້ຝ່າຍຈີນສືບສວນເຮັດແຈ້ງ, ລົງໂທດຕໍ່ພາລະກອນກ່ຳປັ່ນລັດຖະການແລະກ່ຳປັ່ນຕຳຫຼວດຈີນດັ່ງກ່າວຢ່າງເຂັ້ມງວດ, ບໍ່ປະໃຫ້ເກີດບັນດາການກະທຳທີ່ຄ້າຍຄືກັນ, ພ້ອມທັງຊົດເຊີຍບັນດາຄວາມເສຍຫາຍໃຫ້ແກ່ຊາວປະມົງຫວຽດນາມຢ່າງສົມເຫດສົມຜົນ.
 (ແຫຼ່ງຄັດຈາກ VOV)

ມີ​ບໍ​ລິ​ສັດ ຫວຽດ​ນາມ 160 ແຫ່ງ​ເຂົ້າ​ຮ່ວມ​ງານ​ຕະຫຼາດ​ນັດ​ສະ​ບຽງ​ອາ​ຫານ ແລະ ເຄື່ອງ​ດື່ມ​ແຖວ​ໜ້າ ອາ​ຊີ

ມີ​ບໍ​ລິ​ສັດ ຫວຽດ​ນາມ 160 ແຫ່ງ​ເຂົ້າ​ຮ່ວມ​ງານ​ຕະຫຼາດ​ນັດ​ສະ​ບຽງ​ອາ​ຫານ ແລະ ເຄື່ອງ​ດື່ມ​ແຖວ​ໜ້າ ອາ​ຊີ

ການເຂົ້າຮ່ວມງານຕະຫຼາດນັດ THAIFEX ຈະຊ່ວຍໃຫ້ວິສາຫະກິດ ຫວຽດນາມ ເພີ່ມຄວາມສາມາດຊອກຫາຄູ່ຮ່ວມມືດຳເນີນທຸລະກິດ, ພ້ອມທັງກຳນົດໄດ້ບັນດາບຸລິມະສິດພັດທະນາຜະລິດຕະພັນໃນໄລຍະຈະມາເຖິງ.

Top