ຂ່າວສານ
ພື້ນຖານເສດຖະກິດ ຫວຽດນາມ ສືບຕໍ່ບັນລຸການເຕີບໂຕໂດຍບໍ່ຫົວຊາຕໍ່ບັນດາສິ່ງທ້າທາຍຍ້ອນໂລກລະບາດໂຄວິດ-19
ກອງປະຊຸມຖະແຫຼງຂ່າວ (ພາບ: VGP)
ທ່ານ Andrew Jeffries ຜູ້ອຳນວຍການແຫ່ງຊາດ ADB ປະຈຳ ຫວຽດນາມ ໃຫ້ຂໍ້ສັງເກດວ່າ ການໃຊ້ສອຍພາຍໃນປະເທດໄດ້ຫຼຸດລົງ ແລະ ຄວາມຕ້ອງການໃນທົ່ວໂລກກໍ່ຫຼຸດໜ້ອຍຖອຍລົງຍ້ອນໂລກລະບາດໂຄວິດ-19 ໄດ້ສົ່ງຜົນສະທ້ອນເຖິງພື້ນຖານເສດຖະກິດ ຫວຽດນາມ ຫຼ່າຍກວ່າການຄາດຄະເນ. ແຕ່ເສດຖະກິດສືບຕໍ່ບັນລຸການເຕີບໂຕໃນປີ 2020, ສ່ວນຫຼາຍແມ່ນອີງໃສ່ຜົນສຳເລັດຂອງລັດຖະບານ ຫວຽດນາມ ໃນການຄວບຄຸມການແຜ່ລະບາດຂອງໂລກລະບາດໂຄວິດ-19. ການເຕີບໂຕເສດຖະກິດຈະໄດ້ຮັບການໜູນຊ່ວຍຍ້ອນສະຖຽນລະພາບດ້ານເສດຖະກິດມະຫາພາກຂອງ ຫວຽດນາມ, ເພີ່ມທະວີການໃຊ້ຈ່າຍພາກລັດ ແລະ ບັນດາການປະຕິຮູບພວມດຳເນີນແນໃສ່ປັບປຸງສະພາບແວດລ້ອມແຫ່ງການດຳເນີນທຸລະກິດ.
ADB ຄາດຄະເນວ່າ ການເຕີບໂຕເສດຖະກິດຂອງ ຫວຽດນາມ ຄາດວ່າຈະໄດ້ຟື້ນຟູໃນປີ 2021, ຍ້ອນມີການຍູ້ໄວການລົງທຶນພາກລັດ, ເພີ່ມທະວີການຮ່ວມມືດ້ານການຄ້າລະຫວ່າງ ຫວຽດນາມ ກັບ ອີຢູ ແລະ ຈີນ ພ້ອມກັບການຫັນປ່ຽນຂອງບັນດາລະບົບມູນຄ່າທົ່ວໂລກມາ ຫວຽດນາມ. ການເຕີບໂຕຕ່ຳຈະກົດໝ່ວງອັດຕາເງິນເຟີ້ຢູ່ລະດັບ 3,3% ໃນປີ 2020 ແລະ 3,5% ໃນປີ 2021.ກໍ່ຕາມ ADB ແລ້ວ, ຫວຽດນາມ ພວມສະແດງຄວາມສາມາດຂອງຕົນໃນການຟື້ນຟູຢ່າງແຂງແຮງຫຼາຍກ່ວາເມື່ອທຽບໃສ່ບັນດາພື້ນຖານເສດຖະກິດອື່ນໆ ແລະ ແງ່ຫວັງຂອງພື້ນຖານເສດຖະກິດໃນໄລຍະກາງ ແລະ ໄລຍະຍາວສືບຕໍ່ມີສັນຍານດີ.
(ແຫຼ່ງຄັດຈາກ VOV)
