• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ພິທີໄວ້ອາໄລທ່ານອະດີດປະທານປະເທດເລດຶກແອັງ

      ໃນເວລາ 10 ໂມງ 45 ນາທີຂອງວັນທີ 3 ພຶດສະພາ, ພິທີໄວ້ອາໄລທ່ານພົນເອກ ເລດຶກແອັງ, ອະດີດກຳມະການກົມການເມືອງ, ອະດີດປະທານປະເທດ, ອະດີດຄະນະບໍລິຫານງານສູນກາງພັກກອມມູນິດຫວຽດນາມ ໄດ້ຈັດຂຶ້ນຢ່າງສົມກຽດຢູ່ຫໍຈັດງານສົບແຫ່ງຊາດທີ່ຮ່າໂນ້ຍ.

(ພິທີໄວ້ອາໄລຢູ່ນະຄອນໂຮ່ຈີມິນ)
      ທ່ານນາຍົກລັດຖະມົນຕີ ຫງວຽນຊວັນຟຸກ, ທ່ານນາງປະທານສະພາແຫ່ງຊາດຫງວຽນທິກີມເງິນ ພ້ອມດ້ວຍບັນດາການນຳ, ອະດີດການນຳພັກ, ລັດ, ລັດຖະບານຫວຽດນາມ.... ໄດ້ເຂົ້າຮ່ວມພິທີໄວ້ອາໄລ. ຄະນະຜູ້ແທນຂັ້ນສູງລາວ ໂດຍທ່ານ ໄຊສົມພອນ ພົມວິຫານ, ກຳມະການກົມການເມືອງ, ປະທານສູນກາງແນວລາວສ້າງຊາດ ເປັນຫົວໜ້າຄະນະ ໄດ້ເຂົ້າຮ່ວມພິທີດັ່ງກ່າວ.
  ໃນຈຸດເວລາດຽວກັນ, ພິທີໄວ້ອາໄລກໍ່ຖືກຈັດຂື້ນທີ່ຫໍປະຊຸມເອກະພາບ-ນະຄອນໂຮ່ຈີມິນ ແລະ ຫໍປະຊຸມຄະນະກຳມະການປະຊາຊົນແຂວງເທື່ອທຽນ-ເຫ້ວ ຊື່ງແມ່ນບ້ານເກີດເມືອງນອນຂອງທ່ານອະດີດປະທານປະເທດ ເລດຶກແອັງ.
   ທີ່ພິທີໄວ້ອາໄລ, ທ່ານຫງວຽນຊວນຟຸກ, ກຳມະການກົມການເມືອງ, ນາຍົກລັດຖະມົນຕີຫວຽດນາມ ໄດ້ອ່ານບົດໄວ້ອາໄລຊີວະປະຫວັດຫຍໍ້ ແລະ ວິວັດການເຄື່ອນໄຫວປະຕິວັດ, ວຽກງານຂອງອະດີດປະທານປະເທດ ເລດຶກແອັງ. ທ່ານນາຍົກລັດຖະມົນຕີເນັ້ນໜັກວ່າ: ທ່ານອະດີດປະທານປະເທດ ເລດຶກແອັງ ແມ່ນການນຳຜູ້ດີເດັ່ນ, ມີຄວາມໄວ້ເນື້ອເຊື່ອໃຈຂອງພັກ, ລັດ, ກອງທັບ ແລະ ປະຊາຊົນ, ແມ່ນສະມາຊິກພັກຜູ້ທີ່ຈົ່ງຮັກພັກດີ, ໄດ້ອຸທິດຕະຫຼອດຊີວິດຂອງຕົນໃຫ້ແກ່ການປະຕິວັດ, ເສຍສະຫຼະເພື່ອອຸດົມການສ້າງເອກະລາດແຫ່ງຊາດ ແລະ ລັດທິສັງຄົມນິຍົມ, ເພື່ອຄວາມຜາສຸກຂອງປະຊາຊົນ.
    ບໍ່ວ່າໃນຕຳແໜ່ງໃດ, ທ່ານພົນເອກ ເລດຶກແອັງ ກໍ່ໄດ້ອຸທິດເຫື່ອແຮງສະປັນຍາຂອງຕົນຕໍ່ພາລະກິດການປະຕິວັດຊາດ, ພ້ອມກັບການນຳພັກ, ລັດມີບັນດາລັດຖະນະໂຍບາຍທີ່ສຳຄັນເພື່ອສ້າງສາປະເທດຊາດຄືນໃໝ່, ລິເລີ່ມກິດຈະການປ່ຽນແປງໃໝ່, ທັບມ້າງການຂວ້ຳບາດ, ເພີ່ມທະວີກຳລັງຄວາມສາມາດບົ່ມຊ້ອນດ້ານປ້ອງກັນຊາດປ້ອງກັນຄວາມສະຫງົບຂອງຊາດ. ໃນຖານະເປັນປະທານປະເທດ, ດ້ວຍຈິນຕະນາການຍຸດທະສາດ, ທ່ານໄດ້ພ້ອມກັບການນຳພັກ, ລັດວາງອກ, ຊີ້ນຳການຜັນຂະຫຍາຍການປະຕິບັດແນວທາງປ່ຽນແປງໃໝ່ຮອບດ້ານ ນຳປະເທດຊາດບັນລຸໄດ້ບັນດາຜົນງານອັນໃຫ່ຍຫຼວງ, ມີຄວາມໝາຍປະຫວັດສາດ.
    ໃນຕອນເຊົ້າຂອງວັນທີ 3 ພຶດສະພາ, ມີຄະນະຜູ້ຕາງໜ້າບັນດາອົງການຈັດຕັ້ງມະຫາຊົນທ້ອງຖີ່ນ, ກົມກອງກຳລັງປະກອບອາວຸດປະຊາຊົນ, ຜູ້ຊົງຄຸນວຸດທິ, ປັນຍາຊົນ, ຜູ້ມີຍົດຖາບັນດາສັກ, ສາສະໜາ, ບັນດາອົງການຈັດຕັ້ງ ແລະ ສ່ວນບຸກຄົນຢູ່ພາຍໃນ ແລະ  ຕ່າງປະເທດກ່ວາ 1000 ຄະນະ ໄດ້ໄປໄວ້ອາໄລທ່ານອະດີດປະທານປະເທດ ເລດຶກແອັງ ຢູ່ຮ່າໂນ້ຍ, ນະຄອນໂຮ່ຈີມິນ ແລະ ແຂວງເທື່ອທຽນ-ເຫ້ວ ຊື່ງແມ່ນບ້ານເກີດເມືອງນອນຂອງທ່ານອະດີດປະທານປະເທດ ເລດຶກແອັງ.
            ຕອນແລງວັນທີ 03 ພຶດສະພາ, ພິທີປົງສົບທ່ານອະດີດປະທານປະເທດ, ພົນເອກ ເລດຶກແອັງ, ຖືກຈັດຂຶ້ນຢູ່ສຸສານນະຄອນ ໂຮ່ຈີມິນ. ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ, ການນໍານະຄອນ ໂຮ່ຈີມິນ, ບັນດາການນໍາພັກ, ລັດ, ກະຊວງ, ຂະແໜງການ, ທ້ອງຖິ່ນຕ່າງໆ, ປະຊາຊົນ ພ້ອມດ້ວຍຍາດຕິພີ່ນ້ອງຂອງຄອບຄົວທ່ານພົນເອກ ເລດຶກແອັງ ໄດ້ເຂົ້າຮ່ວມ.
 (ແຫຼ່ງຄັດຈາກ VOV)

ທ່ານ​ນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ ຢ້ຽມ​ຢາມ, ເຮັດ​ວຽກ​ຢູ່ແຂວງ ນິງ​ບິງ

ທ່ານ​ນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ ຢ້ຽມ​ຢາມ, ເຮັດ​ວຽກ​ຢູ່ແຂວງ ນິງ​ບິງ

ເປົ້າໝາຍສັງລວມກ່ຽວກັບແຜນຜັງແຂວງ ແມ່ນຮອດປີ 2030, ນິງບິງ ຈະແມ່ນແຂວງທີ່ຢູ່ໃນລະດັບດີ, ແມ່ນຂົ້ນເຕີບໂຕຂອງບັນດາແຂວງຢູ່ທາງທິດໃຕ້ ເຂດທົ່ງພຽງແມ່ນ້ຳແດງ, ບັນລຸບັນດາມາດຖານຂອງນະຄອນຂຶ້ນກັບສູນກາງ ໂດຍພື້ນຖານ.

Top