ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ (ພາບ: VGP) 

ຕອນເຊົ້າວັນທີ 14 ກໍລະກົດ ຢູ່ ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ເຂົ້າຮ່ວມພິທີສະເຫລີມສະຫລອງ 70 ປີແຫ່ງວັນສ້າງຕັ້ງ ກຳລັງຊາວຫນຸ່ມຕະລຸມບ່ອນຫວຽດນາມ (15/7/1950-15/7/2020). ກ່າວຄຳເຫັນນະພິທີ, ທ່ານ ນາຍົກລັດຖະມົນຕີ ຫງວຽນຊວນຟຸກ ເນັ້ນຫນັກວ່າ ປະຫວັດສາດແຫ່ງການປະຕິວັດຂອງຊາດໄດ້ຢັ້ງຢືນລຸ້ນຊາວຫນຸ່ມຕະລຸມບ່ອນ ຍາມໃດກໍ່ມີຈິດໃຈຮັກຊາດ, ບໍ່ຫວາດຫວັ່ນຄວາມຫຍຸ້ງຍາກລຳບາກ ພ້ອມແລ້ວເສຍສະຫລະເພື່ອພາລະກິດປົດປ່ອຍຊາດ.  ພາຍຫລັງ 70 ປີແຫ່ງການສ້າງຕັ້ງ, ກຳລັງຊາວຫນຸ່ມຕະລຸມບ່ອນຫວຽດນາມ ໄດ້ເຕີບໃຫຍ່ ຢ່າງບໍ່ຢຸດຢັ້ງ, ສະແດງໃຫ້ເຫັນກຳລັງແຮງ ແລະ ເຈດຈຳນົງໃນກິດຈະການຕໍ່ສູ້ກູ້ຊາດ ແລະສ້າງສາປະເທດຊາດ. ທ່ານກ່າວວ່າ:

“ບັນດາຂີດໝາຍປະຫວັດສາດ, ໄຊຊະນະອັນສະຫງ່າລາສີໃນການຕໍ່ສູ້ປົກປັກຮັກສາປະເທດຊາດ ລ້ວນແຕ່ມີການປະກອບສ່ວນສຳຄັນຂອງກຳລັງຊາວຫນຸ່ມຕະລຸມບ່ອນ. ບັນດາແບບຢ່າງເສຍສະຫລະຢ່າງພິລະອາດຫານຂອງຊາວຫນຸ່ມຕະລຸມບ່ອນ ປະກອບສ່ວນເຮັດໃຫ້ລັດທິວິລະຊົນປະຕິວັດກາຍເປັນຄວາມເອກອ້າງທະນົງໃຈຂອງຊາວຫນຸ່ມຫວຽດນາມ ລຸ້ນຕ່າງໆ”.

(ແຫຼ່ງຄັດຈາກ VOV)