ຂ່າວສານ

ພາຍຸລະດູໜາວພັດຖະຫຼົ່ມປະເທດ ອາເມລິກາ

26/01/2026

ມີປະຊາຊົນກວ່າ 200 ລ້ານຄົນ ຢູ່ປະມານ ¾ ດິນແດນປະເທດ ອາເມລິກາ ພວມປະເຊີນໜ້າກັບພາຍຸລະດູໜາວທີ່ຮ້າຍແຮງແບບກະທັນຫັນ “ໂດຍມີລັກສະນະປະຫວັດສາດ” ເລີ່ມແຕ່ວັນທີ 23 ມັງກອນ (ຕາມເວລາທ້ອງຖິ່ນ) ພາໄປເຖິງເກີດຫິມະຕົກໜັກໃນວົງກວ້າງ.

(ພາບປະກອບ: REUTERS/Patrick Doyle)

ຕາມຕົວເລກຈາກເເວບໄຊຕິດຕາມຖ້ຽວບິນ FlightAware ແລ້ວ, ມີຫຼາຍກວ່າ 8.000 ຖ້ຽວ ຄາດວ່າຈະບິນໃນທ້າຍອາທິດນີ້ຖືກຍົກເລີກ. ອົງການພະຍາກອນອາກາດແຫ່ງຊາດ ອາເມລິກາ ຄາດຄະເນວ່າ, ນີ້ແມ່ນພາຍຸແຮງທີ່ສຸດ ແລະ ສົ່ງຜົນກະທົບໃນຂອບເຂດກວ້າງທີ່ສຸດນັບແຕ່ຕົ້ນລະດູໜາວ, ເຮັດໃຫ້ໄຟມອດໃນວົງກວ້າງ. ຢູ່ບັນດາລັດພາກກາງຕາເວັນຕົກ, ອຸນຫະພຸມຫຼຸດລົງລະດັບສະຖິຕິ ລົບ 40 ອົງສາ C ຫາ 41 ອົງສາ C. ສ່ວນໃຫຍ່ແມ່ນຢູ່ເຂດພາກໃຕ້ New England.

ອົງການຄຸ້ມຄອງສະພາວະສຸກເສີນ ສະຫະລັດ ໄດ້ກະກຽມອາຫານຈຳນວນ 7 ລ້ານພູດ, ຜ້າຫົ່ມ 600.000 ຜືນ ແລະ ຈັກປັ່ນໄຟຟ້າ 300 ເຄື່ອງ ເພື່ອຕອບສະໜອງໃຫ້ບັນດາເຂດຖືກປິດລ້ອມຢ່າງທັນການ.

(ແຫຼ່ງຄັດຈາກ VOV)

ທ່ານເລຂາທິການໃຫຍ່ ໂຕເລິມ ຢ້ຽມຢາມ, ອວຍພອນບຸນເຕັດອົງຄະນະພັກ, ອຳນາດການປົກຄອງ, ປະຊາຊົນນະຄອນ ຮ່າໂນ້ຍ

17/02/2026
ຂ່າວສານ

ຕອນຄ່ຳວັນທີ 16 ກຸມພາ, ກົງກັບວັນທີ 29 ເດືອນ 12 ປີ ມະເສັງ 2025), ກ່ອນຈຸດເວລາສົ່ງທ້າຍປີເກົ່າຕ້ອນຮັບປີໃໝ່ທີ່ສັກສິດ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໄດ້ໄປຢ້ຽມຢາມ, ອວຍພອນບຸນປີໃໝ່ອົງຄະນະພັກ, ອຳນາດການປົກຄອງ ແລະ ປະຊາຊົນນະຄອນຫຼວງ ຮ່າໂນ້ຍ.