• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຜູ້ແທນສາກົນຕີລາຄາສູງວຽກງານຈັດຕັ້ງວັນບຸນວິສາຂະບຸຊາ Vesak 2019 ຂອງຫວຽດນາມ

      ໂດຍແມ່ນປະເທດເຈົ້າພາບຈັດຕັ້ງ, ຫວຽດນາມ ໄດ້ສ້າງແຜນການລະອຽດທີ່ສຸດໃຫ້ແກ່ບັນດາການເຄື່ອນໄຫວຂອງວັນບຸນ, ກໍ່ຄືວຽກງານຕ້ອນຮັບ, ຮັບໃຊ້ໃຫ້ບັນດາຜູ້ແທນ

ຫວຽດນາມ ໄດ້ສ້າງແຜນການລະອຽດທີ່ສຸດໃຫ້ແກ່ບັນດາການເຄື່ອນໄຫວຂອງວັນບຸນ
(ພາບ: vietnamnet.vn)
      ວັນບຸນວິສາຂະບຸຊາຂອງສະຫະປະຊາຊາດ (Vesak) 2019 ພວມດຳເນີນຢູ່ສູນວັດທະນະທຳພຸດທະສາສະໜາ ຕາມຈູ໊ກ, ແຂວງຮ່ານາມ. ໂດຍແມ່ນປະເທດເຈົ້າພາບຈັດຕັ້ງ, ຫວຽດນາມ ໄດ້ສ້າງແຜນການລະອຽດທີ່ສຸດໃຫ້ແກ່ບັນດາການເຄື່ອນໄຫວຂອງວັນບຸນ, ກໍ່ຄືວຽກງານຕ້ອນຮັບ, ຮັບໃຊ້… ໃຫ້ບັນດາຜູ້ແທນ, ຄະນະຜູ້ແທນພຸດທະສາສະໜາສາກົນ ເມື່ອມາຫວຽດນາມ ເຂົ້າຮ່ວມ Vesak. ທ່ານ Maarek Lind, ຜູ້ແທນມາຈາກ Estonia, ແບ່ງປັນວ່າ.
        “ທິວທັດທຳມະຊາດຢູ່ແຫ່ງນີ້ແມ່ນສວຍງາມທີ່ສຸດ, ປະຊາຊົນຢູ່ທີ່ນີ້ມີນ້ຳໃຈເປັນມິດສະໜິດສະໜົມ. ຂ້າພະເຈົ້າມີຄວາມພາກພູມໃຈເມື່ອມາແຫ່ງນີ້ເພື່ອເຂົ້າຮ່ວມວັນບຸນ. ບັນດາພວກເພື່ອນຕ້ອນຮັບບັນດາເພື່ອນມິດທີ່ມາຈາກປະເທດອື່ນໆຢ່າງຮອບຄອບຖີ່ຖ້ວນທີ່ສຸດ”.
        ດ້ວຍການເຂົ້າຮ່ວມຂອງຜູ້ແທນພຸດທະສາສະໜາສາກົນ 1.650 ທ່ານ ທີ່ມາຈາກ 112 ປະເທດ, ເຂດແຄ້ວນ ແລະ ສະຫະປະຊາຊາດ, ພ້ອມກັບຄະນະຜູ້ແທນສາກົນ 570 ຄະນະ. Vesak 2019 ແມ່ນວັນບຸນໃຫຍ່ທີ່ມີຈຳນວນແຂກສາກົນຖືກເຊີນຫຼາຍທີ່ສຸດ, ພິເສດແມ່ນມີປະມຸກລັດເຂົ້າຮ່ວມຫຼາຍທີ່ສຸດໃນຄັ້ງກ່ອນໆທີ່ຈັດວັນບຸນ Vesak. ສະນັ້ນ, ຄະນະຈັດຕັ້ງໄດ້ເອົາໃຈໃສ່ເປັນພິເສດເຖິງວຽກງານຕ້ອນຮັບ. ພະອາຈານໃຫຍ່ Rev Moragaswewe Vijitha Thero, ຜູ້ແທນມາຈາກ ສີລັງກາ, ແບ່ງປັນວ່າ.
        “ບັນດາພວກເພື່ອນໄດ້ເຮັດສິ່ງທີ່ດີງາມໃຫ້ແກ່ເຫດການໃຫຍ່ຂອງໂລກ. ຜູ້ແທນທຸກຄົນທີ່ເຂົ້າຮ່ວມວັນບຸນ Vesak ລ້ວນແຕ່ມີຄວາມພາກພູມໃຈກ່ຽວກັບວຽກງານຈັດຕັ້ງ, ນັບແຕ່ການຕ້ອນຮັບຢູ່ສະໜາມບິນ ຕະຫຼອດຮອດບັນດາການເຄື່ອນໄຫວຂອງວັນບຸນ. ພວກເພື່ອນຫວຽດນາມ ມີຄວາມສະໜິດສະໜົມ ແລະ ຮັກແພງແຂກຄົນ. ທິວທັດທຳມະຊາດຢູ່ ຕາມຈຸ໊ກ ສວຍງາມທີ່ສຸດ ແລະ ພວກອາດຕະມາມີຄວາມສຸກເມື່ອໄດ້ມາແຫ່ງນີ້.”
ຄະນະຈັດຕັ້ງຍັງເລືອກເອົານັກອາສາສະໜັກ 7.200 ຄົນເຂົ້າຮ່ວມວຽກງານຮັບໃຊ້ໃຫ້ວັນບຸນ. ບັນດານັກອາສາສະໜັກນີ້ລ້ວນແຕ່ມີຄວາມຮູ້ດ້ານພາສາຕ່າງປະເທດ, ມີສຸຂະພາບແຂງແຮງ… ນອກນັ້ນ,  ຄະນະຈັດຕັ້ງ ຍັງສ້າງຕັ້ງສູນອາຫານການກິນທີ່ກວ້າງນັບພັນໆຕາແມັດ ດ້ວຍບັນດາເຍື່ອງອາຫານເຈອີກດ້ວຍ.
 (ແຫຼ່ງຄັດຈາກ VOV)

ປຸກ​ລຸກ​ນ້ຳ​ໃຈ​ startup ໃນ​ໝູ່​ນັກ​ຮຽນ, ນັກ​ສຶກ​ສາ

ປຸກ​ລຸກ​ນ້ຳ​ໃຈ​ startup ໃນ​ໝູ່​ນັກ​ຮຽນ, ນັກ​ສຶກ​ສາ

ມີຫຼາຍຮູບແບບສະຕາດອັບ (start up), ປະດິດຄິດສ້າງທີ່ເປັນເອກະລັກ, ມີລັກສະນະໝູນໃຊ້ສູງ ໂດຍນັກຮຽນ, ນັກສຶກສາໃນທົ່ວປະເທດແນະນຳໃນວັນບຸນສະຕາດອັບແຫ່ງຊາດຂອງນັກຮຽນ, ນັກສຶກສາ ຄັ້ງທີ VI, ເຊິ່ງໄດ້ດຳເນີນຢູ່ນະຄອນ ເກີ່ນເທີ ໃນກາງເດືອນພຶດສະພາຜ່ານມາ. ວັນບຸນດັ່ງກ່າວໄດ້ກາຍເປັນເວທີແຫ່ງພູມປັນຍາ, ເຊີດຊູຄວາມສາມາດປະດິດຄິດສ້າງ, ຜົນງານຂອງນັກຮຽນ, ນັກສຶກສາ, ພ້ອມທັບປຸກລຸກນ້ຳໃຈສະຕາດອັບ, ຄວາມຄາດຫວັງກໍ່ຮ່າງສ້າງຕົວ, ສ້າງອາຊີບ, ປະກອບສ່ວນເຮັດໃຫ້ນັກຮຽນ, ນັກສຶກສາປ່ຽນແປງຈິນຕະນາການ, ຄວາມຮັບຮູ້, ກ້າຄິດ, ກ້າທຳ ແລະ ເສີມຂະຫຍາຍກຳລັງຄວາມສາມາດຂອງຕົນ.

Top