ທໍ່ສົ່ງນ້ຳມັນອາຍແກັດ ຢູ່ ເຢຍລະມັນ (ພາບ: AFP/TTXVN)
ປະລິມານນໍາໃຊ້ອາຍແກັດໃນ 4 ເດືອນຜ່ານມາຂອງ ອີຢູ ໄດ້ຫຼຸດລົງກວ່າ 20,1% ໃນໄລຍະແຕ່ເດືອນ ສິງຫາ ຫາເດືອນ ພະຈິກ 2022, ເມື່ອທຽບໃສ່ປະລິມານສະເລ່ຍທີ່ໄດ້ນຳໃຊ້ໃນໄລຍະດຽວກັນຂອງປີ 2017 – 2021, ໃນນັ້ນ, ແຟງລັງ, ເລັດເວຍ ແລະ ລິດວາ ໄດ້ຮັບຮູ້ວ່າແມ່ນບັນດາປະເທດທີ່ມີປະລິມານຫຼຸດລົງຫຼາຍທີ່ສຸດ. ນີ້ກໍແມ່ນຂໍ້ມູນໂດຍຫ້ອງການສະຖິຕິຂອງ ສະຫະພາບເອີຣົບ ປະກາດໃນວັນທີ 21 ທັນວາ.
ກ່ອນໜ້ານັ້ນ, ອີຢູ ໄດ້ຕັ້ງເປົ້າໝາຍຫຼຸດປະລິມານອາຍແກັດທີ່ນຳໃຊ້ໃນໄລຍະແຕ່ເດືອນ ສິງຫາ 2022 ຫາເດືອນ ມີນາ 2023 ລົງ 15% ເມື່ອທຽບໃສ່ໄລຍະດຽວກັນຂອງ 5 ປີ ກ່ອນ. ນີ້ກໍແມ່ນສ່ວນໜຶ່ງຂອງອີຢູໃນແຜນການ REPowerEU ເພື່ອແນໃສ່ຢຸດຕິການເອື່ອຍອີງໃສ່ເຊື້ອເພີງຟອດຊິວຂອງ ລັດເຊຍ.
