ຂ່າວສານ

ປະທານາທິບໍດີ ອາເມລິກາ ຄົນໃໝ່ໃຫ້ຄຳໝັ້ນສັນຍາຈະຊຸກຍູ້ບັນດາມາດຕະການຟື້ນຟູພື້ນຖານເສດຖະກິດ

10/01/2021

ທ່ານ Joe Biden ກໍໃຫ້ຮູ້ວ່າ ໃນອາດທິດໜ້າ ທ່ານຈະປະກາດໂຄງການກອບກູ້ພື້ນຖານເສດຖະກິດ.

ທ່ານ Joe Biden ຜູ້ໄດ້ຮັບໄຊຊະນະໃນການເລືອກຕັ້ງປະທານາທິບໍດີ ອາເມລິກາ (ພາບ:AFP/TTXVN)

ວັນທີ 8 ມັງກອນ, ຜູ້ໄດ້ຮັບໄຊຊະນະໃນການເລືອກຕັ້ງປະທານາທິບໍດີ ອາເມລິກາ ແມ່ນ ທ່ານ Joe Biden ໄດ້ແນະນຳບັນດາສະມາຊິກສຸດທ້າຍຂອງ ໜ່ວຍຮັບຜິດຊອບດ້ານເສດຖະກິດໃນລັດຖະບານຈະມາເຖິງຂອງທ່ານ, ພ້ອມທັງໃຫ້ຄຳໝັ້ນສັນຍາວ່າ ຈະມີຫຼາຍມາດຕະການໜູນຊ່ວຍຕື່ມອີກໃຫ້ແກ່ບັນດາຄອບຄົວ ແລະ ວິສາຫະກິດຂະໜາດນ້ອຍ ທີ່ພວມປະສົບກັບຄວາມຫຍຸ້ງຍາກຫຼາຍຢ່າງ ຈາກໂລກລະບາດໂຄວິດ - 19. ທ່ານ Joe Biden ກໍໃຫ້ຮູ້ວ່າ ໃນອາດທິດໜ້າ ທ່ານຈະປະກາດໂຄງການກອບກູ້ພື້ນຖານເສດຖະກິດ, ໃນນັ້ນ, ສົ່ງເສີມປະຊາຊົນເສຍພາສີອາກອນ ແລະ ການເພີ່ມເງິນເດືອນພື້ນຖານ ຈະແມ່ນບຸລິມະສິດແຖວໜ້າ. ໄປຄຽງຄູ່ກັນນັ້ນ, ທ່ານກໍໃຫ້ຄຳສັນຍາວ່າ ຈະຍູ້ໄວຄວາມຄືບໜ້າໃນການສັກວັກຊິນກັນພະຍາດໂຄວິດ - 19 ໃຫ້ແກ່ປະຊາຊົນ.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.