ຂ່າວສານ

ປະທານສະພາແຫ່ງຊາດ ຫງວຽນທິກິມເງິນ ເຂົ້າຮ່ວມ ພິທີສະເຫຼີມສະຫຼອງ 30 ປີແຫ່ງວັນມູນເຊື້ອຂອງ ບໍລິສັດໃຫຍ່ເຕີນກາງໄຊງ່ອນ

16/03/2019

ຕອນເຊົ້າວັນທີ 15 ມີນາ, ຢູ່ນະຄອນໂຮ່ຈິມິນ, ບໍລິສັດໃຫຍ່ເຕີນກາງໄຊງ່ອນ ໄດ້ຈັດພິທີສະເຫຼີມສະຫຼອງ 30 ປີແຫ່ງວັນມູນເຊື້ອຂອງ ບໍລິສັດໃຫຍ່ເຕີນກາງໄຊງ່ອນ(15/3/1989 – 15/3/2019) ແລະ ຕ້ອນຮັບຫຼຽນໄຊແຮງງານຊັ້ນ 1

ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ

ທີ່ພິທີ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ຊີ້ແຈ້ງວ່າ ໃນຊຸມປີທີ່ຈະມາເຖິງ, ຄາດຄະເນວ່າ ສະພາບການພາກພື້ນ ແລະ ໂລກຈະສືບຕໍ່ມີການຜັນແປຢ່າງວ່ອງໄວ ແລະ ສັບສົນ, ໜ້າທີ່ສ້າງສາ ແລະ ປົກປັກຮັກສາປະເທດຫວຽດນາມສັງຄົມນິຍົມໄດ້ວາງອອກຄວາມຮຽກຮ້ອງຕ້ອງການຢ່າງສູງທີ່ສຸດ, ເປັນຕົ້ນແມ່ນການປົກປັກຮັກສາເຂດທະເລໝູ່ເກາະ ແລະ ປະຕິບັດຍຸດທະສາດພັດທະນາເສດຖະກິດທະເລຫວຽດນາມແບບຍືນຍົງເຖິງປີ 2030 ແລະ ວິໄສທັດເຖິງປີ 2045 ຊຶ່ງພັກໄດ້ວາງອອກ. ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ກ່າວວ່າ :

“ ຂ້າພະຈົ້າສະເໜີກະຊວງປ້ອງກັນປະເທດ, ເຫຼົ່າທັບເຮືອ ຈົ່ງຊີ້ນຳບໍລິສັດໃຫຍ່ເຕີນກາງໄຊງ່ອນ ສືບຕໍ່ຊາບຊຶມຢ່າງເລິກເຊິ່ງ ແລະ ປະຕິບັດແນວທາງ, ແຜນນະໂຍບາຍ, ນະໂຍບາຍຂອງພັກ, ກົດໝາຍຂອງລັດ; ເສີມຂະຫຍາຍມູນເຊື້ອອົງອາດກ້າຫານຂອງກອງທັບ, ເຫຼົ່າທັບເຮືອ, ບໍລິສັດໃຫຍ່ເຕີນກາງໄຊງ່ອນ, ພ້ອມກັນປະຕິບັດທຸກໆໜ້າທີ່ໄດ້ຮັບມອບໝາຍຢ່າງມີໄຊ ”

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.