ຂ່າວສານ

ປະທານສະພາແຫ່ງຊາດ ຫງວຽນທິກິມເງິນ ເຂົ້າຮ່ວມພິທີສະເຫຼີມສະຫຼອງ 44 ປີແຫ່ງວັນປົດປ່ອຍ ເກິນເທີ

27/04/2019

ຕອນເຊົ້າວັນທີ 26 ເມສາ, ເນື່ອງໃນໂອກາດພົບປະກັບຜູ້ມີສິດເລືອກຕັ້ງຢູ່ນະຄອນ ເກິນເທີ, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ໄດ້ເຂົ້າຮ່ວມພິທີສະເຫຼີມສະຫຼອງ 44 ປີແຫ່ງວັນປົດປ່ອຍ ເກິນເທີ, ປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ (30/04/1975 – 30/04/2019), 133 ປີແຫ່ງວັນກຳມະກອນສາກົນ 01/05 (01/05/1886 – 01/05/2019), 129 ປີແຫ່ງວັນຄ້າຍວັນເກີດຂອງປະທານ ໂຮ່ຈີມິນ.
ກ່າວຄຳເຫັນທີ່ພິທີ, ທ່ານ ຫວໍແທ່ັງທົ໊ງ, ປະທານຄະນະກຳມະການປະຊາຊົນນະຄອນ ເກິນເທີ ໄດ້ຫວນຄືນຊຸມວັນເດືອນປີປະຫວັດສາດແຫ່ງການຕໍ່ສູ້ຢ່າງພິລະອາດຫານ, ບໍ່ຍອມຈຳນົນ, ເຕັມໄປດ້ວຍການສະຫຼະຊີວິດ, ລຳບາກກາກກຳ ແຕ່ເຕັມໄປດ້ວຍຄວາມສະຫງ່າລາສີຂອງກອງທັບ ແລະ ປະຊາຊົນ ເກິນເທີ ພ້ອມກັບປະຊາຊົນໃນທົ່ວປະເທດລຸກຂຶ້ນ ປົດປ່ອຍບ້ານເກີດເມືອງນອນ, ທ້ອນໂຮມປະເທດຊາດເປັນເອກະພາບ ກໍ່ຄືກິດຈະການສ້າງສາພັດທະນາເສດຖະກິດສັງຄົມຂອງນະຄອນໃນໄລຍະຜ່ານມາ.

ປະທານສະພາແຫ່ງຊາດ ຫງວຽນທິກິມເງິນ ເຂົ້າຮ່ວມພິທີສະເຫຼີມສະຫຼອງ 44 ປີແຫ່ງວັນປົດປ່ອຍ ເກິນເທີ (ພາບ: quochoi.vn)

ເນື່ອງໃນໂອກາດນີ້, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ພ້ອມດ້ວຍການນຳຄະນະພັກນະຄອນ ເກິນເທີ ໄດ້ປະດັບຫຼຽນກາອາຍຸພັກ 30 ປີເຖິງ 70 ປີໃຫ້ແກ່ຜູ້ອາວຸໂສປະຕິວັດ 8 ຄົນຢູ່ນະຄອນ ເກິນເທີ ທີ່ຕາງໜ້າໃຫ້ສະມາຊິກພັກ 280 ຄົນທີ່ໄດ້ຮັບຫຼຽນກາອາຍຸພັກໃນໂອກາດວັນທີ 30 ເມສາ ແລະ ວັນທີ 1 ພຶດສະພາ.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.