ທ່ານນາງປະທານສະພາແຫ່ງຊາດ ຫງວຽນທິກິມເງິນ

ທີ່ການພົບປະ, ຜູ້ມີສິດເລືອກຕັ້ງຢູ່ຕາແສງ ເຍີນເຫງັຍ, ເມືອງ ຟອງດ່ຽນ ໄດ້ເຕື້ອງເຖິງບັນດາບັນຫາທີ່ກ່ຽວຂ້ອງເຖິງກະສິກຳ, ຊົນນະບົດ, ຊາວກະສິກອນ; ຜົນກະທົບຂອງການປ່ຽນແປງຂອງດິນຟ້າອາກາດທີ່ກໍ່ຜົນສະທ້ອນຕໍ່ການດຳລົງຊີວິດ, ການຜະລິດຂອງປະຊາຊົນຢູ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ.

        ແບ່ງປັນຄວາມເປັນຫ່ວງເປັນໄຍຂອງຜູ້ມີສິດເລືອກຕັ້ງທີ່ການພົບປະ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ເນັ້ນໜັກວ່າ ບັນດາຄຳຄິດເຫັນຂອງຜູ້ມີສິດເລືອກຕັ້ງຈະໄດ້ສັງລວມ ແລະ ສົ່ງເຖິງບັນດາອົງການ, ກະຊວງ, ຂະແໜງການເພື່ອແກ້ໄຂ, ສະພາແຫ່ງຊາດຈະຕິດຕາມກວດກາການປະຕິບັດຢ່າງແໜ້ນແຟ້ນ.

ຕອນບ່າຍຂອງວັນດຽວກັນ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ມີການພົບປະກັບຜູ້ມີສິດເລືອກຕັ້ງ ເມືອງ ກ໊າຍຣັງ, ນະຄອນ ເກິນເທີ ກວ່າ 200 ຄົນ. ການພົບປະກັບຜູ້ມີສິດເລືອກຕັ້ງ ຢູ່ເມືອງ ກ໊າຍຣັງ ກໍເປັນການສິ້ນສຸດການເຄື່ອນໄຫວພົບປະກັບຜູ້ມີສິດເລືອກຕັ້ງ ກ່ອນດໍາເນີນກອງປະຊຸມສະໄໝສາມັນເທື່ອທີ 7, ສະພາແຫ່ງຊາດຊຸດທີ 14 ຂອງທ່ານນາງປະທານສະພາແຫ່ງຊາດ ຫງວຽນທິກິມເງິນ.

(ແຫຼ່ງຄັດຈາກ VOV)