• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ປະທານປະເທດ ຫງວຽນຊວນຟຸກ ປຸກລະດົມວັນບຸນປູກຕົ້ນໄມ້ຢູ່ແຂວງຝູເຖາະ

ວັນທີ 6 ກຸມພາ, ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ເຂົ້າຮ່ວມພິທີປຸກລະດົມວັນບຸນປູກຕົ້ນໄມ້ “ຮູ້ບຸນຄຸນລຸງໂຮ່ ຕະຫຼອດການ”  ລະດູບານໃໝ່ປີ ຂານ 2022 ໂດຍແຂວງຝູເຖາະສົມທົບກັບກະຊວງກະສິກຳແລະພັດທະນາຊົນນະບົດຫວຽດນາມຈັດຂຶ້ນຢູ່ເຂດປູຊະນີຍະສະຖານປະຫວັດສາດວິຫານຮຸ່ງ.
ທ່ານປະທານປະເທດ ຫງວຽນຊວນຟຸກ ຕີກອງເປີດວັນບຸນປູກຕົ້ນໄມ້

ກ່າວຄຳເຫັນທີ່ພິທີ ທ່ານປະທານປະເທດໄດ້ຢ້ຳຄືນຄຳຮຽກຮ້ອງຂອງລຸງໂຮ່ “ລະດູບານໃໝ່ແມ່ນວັນບຸນປູກຕົ້ນໄມ້ ເຮັດໃຫ້ປະເທດຊາດຍິ່ງໝັ້ນຄົງເຂັ້ມແຂງ” ພ້ອມກັນນັ້ນ ທ່ານກໍ່ເນັ້ນໜັກວ່າ ມວນມະນຸດພວມຢືນຢູ່ຕໍ່ໜ້າບັນດາສິ່ງທ້າທາຍອັນໃຫຍ່ຫຼວງຈາກການປ່ຽນແປງຂອງດິນຟ້າອາກາດທົ່ວໂລກ, ບັນດາປາກົດການດິນຟ້າອາກາດທີ່ຮ້າຍແຮງ ພະຍຸນ້ຳຖ້ວມ ດິນເຊາະເຈື່ອນໄພແຫ້ງແລ້ງ ນ້ຳທະເລຊຶມ ອັນໄດ້ກໍ່ຜົນຮ້າຍຢ່າງນັກໜ່ວງຕໍ່ຊີວິດອິນຊີແລະ ຊັບສິນຂອງປະຊາຊົນ. ດັ່ງນັ້ນການປູກຕົ້ນໄມ້ເປັນປ່າປົກປັກຮັກສາປ່ານັບມື້ນັບມີບົດບາດສຳຄັນ ທັງແມ່ນໜ້າທີ່ຮີບດ່ວນທັງມີຄວາມໝາຍຍຸດທະສາດທີ່ມີຕໍ່ການດຳລົງຊີວິດຂອງປະຊາຊົນແລະການພັດທະນາປະເທດຊາດແບບຍືນຍົງ. ທ່ານປະທານປະເທດໄດ້ຮຽກຮ້ອງໃຫ້ພໍ່ແມ່ພີ່ນ້ອງປະຊາຊົນໃນທົ່ວປະເທດຈົ່ງຫ້າວຫັນເຂົ້າຮ່ວມວັນບຸນປູກຕົ້ນໄມ້, ປູກຕົ້ນໄມ້ເປັນປ່ານັບແຕ່ຊຸມວັນຕົ້ນລະດູບານໃໝ່ ເພື່ອປະເທດຫວຽດນາມຂຽວງາມ, ປະກອບສ່ວນສ້າງສາປະເທດຊາດຫວຽດນາມ ໃຫ້ຂຽວສົດງົດງາມແລະໝັ້ນຄົງຕະຫຼອດໄປ.

     ພາຍຫຼັງຕີກອງເປີດວັນບຸນປູກຕົ້ນໄມ້ ທ່ານປະທານປະເທດຫງວຽນຊວນຟຸກ ພ້ອມກັບການນຳບາງກະຊວງຂະແໜງການແລະທ້ອງຖິ່ນແລະຊາວແຂວງຝູເຖາະ ໄດ້ປູກຕົ້ນໄມ້ຢູ່ເຂດປູຊະນີຍະສະຖານວິຫານຮຸ່ງ.

(ແຫຼ່ງຄັດຈາກ VOV)

ໄຂງານບຸນດອກບັກວິດ ພະລັງຊີວິດເຂດພູພຽງຫີນ

ໄຂງານບຸນດອກບັກວິດ “ພະລັງຊີວິດເຂດພູພຽງຫີນ”

ຕອນຄຳວັນທີ 26 ພະຈິກ ຢູ່ເມືອງ ດົ່ງວັນ ແຂວງ ຮ່າຢາງ ງານບຸນດອກບັກວິດຄັ້ງທີ 8 ປີ 2022 ໄດ້ໄຂຂຶ້ນຢ່າງເປັນທາງການ ເຊິ່ງມີການເຂົ້າຮ່ວມຂອງແຂກທ່ອງທ່ຽວຈາກທຸກສາລະທິດ.

Top