ການຜະລິດລົດໂອໂຕ ຢູ່ໂຮງງານ Ford ຢູ່ຫ໋າຍເຢືອງ (ພາບ: TTXVN)

ວັນທີ 13 ພຶດສະພາ, ເວັບໄຊ Vietnam Briefing ຂອງບໍລິສັດໃຫ້ຄຳປຶກສາການລົງທຶນຕ່າງປະເທດ Dezan Shira & Associates ໄດ້ລົງບົດໄຈ້ແຍກທ່າອ່ຽງການລົງທຶນ ຂອງ ສະຫະພາບ ເອີລົບ (EU) ເຂົ້າມາ ຫວຽດນາມໄດ້ເພີ່ມຂຶ້ນ ແລະ ເຫດຜົນຫວຽດນາມ ກາຍເປັນຄູ່ແຂ່ງ “ທີ່ແຮງກ້າ” ກ່ຽວກັບການດຶງດູດເງິນລົງທຶນຈາກຕ່າງປະເທດ ເຂົ້າມາ ອາຊີຕາເວັນອອກສ່ຽງໃຕ້. ສັນຍາການຄ້າເສລີ EU - ຫວຽດນາມ (EVFTA) ມີຜົນສັກສິດ ໄດ້ຊ່ວຍເພີ່ມທະວີຄວາມສາມາດໃນການແກ້ງແຍ້ງລະຫວ່າງ ບັນດາຕະຫຼາດ EU ແລະ ຫວຽດນາມ. EVFTA ໝາຍຄວາມວ່ ພາສີອາກອນໄດ້ຫຼຸດລົງ ແລະ ບັນດາການພົວພັນທາງການຄ້າ ແລະ ການດຳເນີນທຸລະກິດເລິກເຊິ່ງກ່ວາ. ນີ້ແມ່ນໂອກາດອັນຍິ່ງໃຫຍ່ ໃຫ້ແກ່ບັນດາບໍລິສັດ EU ແລະ ເປີດກາລະໂອກາດໃນການຮ່ວມມືກັບຄູ່ຮ່ວມມື, ການໂອ້ລົມສົນທະນາ, ການຮ່ວມມື ແລະ ສ້າງການພົວພັນທີ່ແໜ້ນແຟ້ນກ່ວາ ກັບພາກພື້ນ ອາຊີຕາວັນອອກສ່ຽງໃຕ້. ໃນຂະນັ້ນ, ການໃຫ້ສັດຕະຍາບັນ ສັນຍາອາລັກຂາການລົງທຶນ ຫວຽດນາມ - EU ຈະສ້າງຄວາມສະດວກກ່ຽວກັບສະພາບແວດລ້ອມແຫ່ງການລົງທຶນໃຫ້ແກ່ວິສາຫະກິດທັງສອງຝ່າຍ.

ແລະກໍ່ໃນວັນດຽວກັນ, ສະຖາບັນຄົ້ນຄ້ວາ ການຄ້າສາກົນ ຂຶ້ນກັບ ສະຫະພັນການຄ້າສາກົນ ສ.ເກົາຫຼີ (KITA) ໄດ້ປະກາດບົດລາຍງານໂດຍໃຫ້ຮູ້ວ່າ ຫວຽດນາມ ໄດ້ ແລະ ພວມໄດ້ຮັບຄວາມເອົາໃຈໃສ່ຈາກຕະຫຼາດທີ່ມີການລົງທຶນດູດດືມຢູ່ອາຊີຕາເວັນອອກສ່ຽງໃຕ້.

(ແຫຼ່ງຄັດຈາກ VOV)