ກ່າວຄຳເຫັນທີ່ກອງປະຊຸມຕຳຫຼວດທົ່ວປະເທດ ຄັ້ງທີ 77 ທີ່ດຳເນີນໃນຕອນເຊົ້າວັນທີ 27/12 ຢູ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຟ້າມມິງຈີ້ງໄດ້ ຊີ້ແຈ້ງວ່າ: ກຳລັງຕຳຫຼວດຄວນເອົາໃຈໃສ່ວຽກງານສຶກສາອົບຮົມພະນັກງານ, ນັກຮົບກ່ຽວກັບຈັນຍາບັນ, ວິຖີຊີວິດ, ແບບແຜນການເຮັດວຽກ: ເພື່ອປະເທດຊາດຈົ່ງລືມຕົວ; ເພື່ອປະຊາຊົນຈົ່ງຮັບໃຊ້. ທ່ານນາຍົກລັດຖະມົນຕີຮຽກຮ້ອງໃຫ້ທຸກການເຄື່ອນໄຫວຂອງກຳລັງຕຳຫຼວດຕ້ອງປະຕິບັດຕາມການຊີ້ນຳຢ່າງຄົບຖ້ວນ ແລະ ຮອບດ້ານຂອງພັກ, ລັດ, ປະກອບສ່ວນຢ່າງໄດ້ການໄດ້ງານເຂົ້າໃນວຽກງານພັດທະນາເສດຖະກິດ-ສັງຄົມຂອງປະເທດຊາດ.

    ທີ່ກອງປະຊຸມ, ບັນດາຜູ້ແທນໄດ້ວິເຄາະ ແລະ ຄາດຄະເນການຜັນແປ ແລະ ຜົນກະທົບຂອງສະພາບການ, ຮັບຮູ້ຢ່າງຄົບຖ້ວນກ່ຽວກັບກາລະໂອກາດ, ຂໍ້ສະດວກ ແລະ ຄວາມຫຍຸ້ງຍາກ ແລະ ສິ່ງທ້າທາຍໃນການປົກປັກຮັກສາຄວາມສະຫງົບແຫ່ງຊາດ, ຮັບປະກັນຄວາມເປັນລະບຽບຮຽບຮ້ອຍ, ຄວາມປອດໄພທາງສັງຄົມ ແລະ ກໍ່ສ້າງກຳລັງຕຳຫຼວດປະຊາຊົນ. ເປັນເອກະພາບທາງດ້ານບັນດາແຜນນະໂຍບາຍ ແລະ ວິທີການປ່ຽນແປງໃໝ່, ຍົກສູງປະສິດທິຜົນຂອງວຽກງານທຸກດ້ານ, ຕັດສິນໃຈປະຕິບັດບັນດາເປົ້າໝາຍ, ໜ້າທີ່ວຽກງານໃນປີ 2022 ແລະ ຊຸມປີຕໍ່ໄປຢ່າງມີໄຊ.