ຂ່າວສານ

ນັກຊ່ຽວຊານສາກົນ: ການປ້ອງກັນ, ສະກັດກັ້ນໂລກລະບາດ Covid – 19 ຢູ່ ຫວຽດນາມ ປະສົບຜົນສຳເລັດຍ້ອນປະຊາຊົນໄດ້ຮັບຂໍ້ມູນຂ່າວໂດຍໄວ ແລະ ຊັດເຈນ

20/05/2020

ເວັບໄຊ nzherald.co.nz ຂອງນິວຊີແລນໄດ້ມີບົດຂຽນເຕື້ອງເຖິງບັນດາປັດໄຈ ທີ່ຊ່ວຍໃຫ້ຫວຽດນາມບັນລຸໄດ້ໝາກຜົນປະທັບໃຈໃນການປ້ອງກັນ, ສະກັດກັ້ນໂລກລະບາດ Covid – 19ແມ່ນ ໃນໄລຍະເວລາກ່ວາ 1 ເດືອນທີ່ຜ່ານມາ, ຫວຽດນາມບໍ່ມີຜູ້ຕິດເຊື້ອພະຍາດ Covid – 19 ໃໝ່ໃນວົງຄະນະຍາດຕື່ມອີກ.

ພາບປະກອບ: TTXVN

ຕາມການຕີລາຄາຂອງນັກຊ່ຽວຊານສະຖາບັນນະໂຍບາຍຍຸດທະສາດອົດສະຕາລີແລ້ວ, ຫວຽດນາມປະສົບຜົນສຳເລັດຍ້ອນວ່າມີບັນດາປັດໄຈສັງລວມຄື: ລັດຖະບານປະຕິບັດວຽກງານໂຄສະນາເຜີຍແຜ່ໂດຍໄວ ແລະ ຈະແຈ້ງ, ລັດຖະບານໄດ້ກ່າວເຕືອນປະຊາຊົນໂດຍກົງກ່ຽວກັບຄວາມອັນຕະລາຍຂອງເຊື້ອໄວຣັດ Covid – 19 ແລະ ການຂາດເຂີນບັນດາແຫຼ່ງກຳລັງສາທາລະນະສຸກທີ່ມີຂອບຂະໜາດໃຫຍ່ ຖ້າຫາກວ່າ ເກີດໂລກລະບາດໃນວົງກ້ວາງ. ອີກປັດໄຈໜຶ່ງ ກໍ່ປະກອບສ່ວນເຂົ້າໃນຜົນສຳເລັດຂອງຫວຽດນາມແມ່ນ ວຽກງານວິໄຈໂດຍໄວ ແລະ ມີຂອບຂະໜາດໃຫຍ່. ທ່ານ Matthew Moore ໃຫ້ຮູ້ວ່າ ປະຊາຊົນ ຫວຽດນາມມີຄວາມໄວ້ເນື້ອເຊື່ອໃຈຢ່າງຍິ່ງຕໍ່ລັດຖະບານ.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.