ຂ່າວສານ

ນະຄອນໂຮ່ຈິມິນຜັນຂະຫຍາຍ ລາຍການສັງລວມກ່ຽວກັບການປ້ອງກັນຕ້ານພະຍາດ ໂຄວິດ-19 ໃນປີ 2022-2023 ຢ່າງມີປະສິດທິຜົນ

25/01/2022

ຕອນເຊົ້າວັນທີ 24 ມັງກອນ, ທ່ານນາຍົກລັດຖະມົນຕີ ຫວຽດນາມ ຟາມມິງຈິງ ຫົວໜ້າຄະນະຊີ້ນຳແຫ່ງຊາດ ກ່ຽວກັບການປ້ອງກັນ ແລະ ຄວບຄຸມການລະບາດຂອງໂລກລະບາດໂຄວິດ-19, ໄດ້ໄປຢ້ຽມຢາມ, ອວຍພອນບຸນເຕັດ ແລະ ມອບຂອງຂວັນ ໃຫ້ຖັນແຖວພະນັກງານ, ພະນັກງານແພດໝໍ, ພາລະກອນສາທາລະນະສຸກ ນະຄອນໂຮ່ຈິມິນ.

ທ່ານນາຍົກລັດຖະມົນຕີ ຫວຽດນາມ ຟາມມິງຈິງ ຢື້ຢາມຖາມຂ່າວພະນັກງານຂະແໜງສາທາລະນະສຸກນະຄອນໂຮ່ຈີມິນ (ພາບ: VGP)

ທ່ານນາຍົກລັດຖະມົນຕີ ຫວຽດນາມ ຟາມມິງຈິງ ເນັ້ນໜັກວ່າ, ປີ 2022, ຄວາມຫຍຸ້ງຍາກ, ສິ່ງທ້າທາຍຈະຫຼາຍກ່ວາ ກາລະໂອກາດ ແລະ ຄວາມສະດວກ, ໂລກລະບາດຍັງຈະມີການຜັນແປຢ່າງສັບສົນດ້ວຍບັນດາສາຍພັນໃໝ່, ທ່ານນາຍົກລັດຖະມົນຕີ ສະເໜີໃຫ້ນະຄອນ ໂຮ່ຈິມິນ ບໍ່ໄດ້ຖືເບົາ, ປະໝາດ, ເສຍສະຕິລະວັງຕົວ, ສືບຕໍ່ປ້ອງກັນຕ້ານພະຍາດໃຫ້ດີກວ່າ, ຜັນຂະຫຍາຍໂຄງການການສັງລວມກ່ຽວກັບການປ້ອງກັນຕ້ານໂລກລະບາດໂຄວິດ-19 ໃນປີ 2022-2023, ໂຄງການຟື້ນຟູ ແລະພັດທະນາເສດຖະກິດສັງຄົມ ຢ່າງມີປະສິດທິຜົນ. ພິເສດ, ທ່ານນາຍົກລັດຖະມົນຕີ ຮຽກຮ້ອງໃຫ້ຕ້ອງສັກວັກຊິນໃຫ້ແກ່ທຸກເປົ້າໝາຍຕາມຂໍ້ກຳນົດຢ່າງໄວກວ່າອີກ. ຍູ້ແຮງການຜັນຂະຫຍາຍການສັກວັກຊິນໃຫ້ແກ່ເດັກນ້ອຍທີ່ມີອາຍຸແຕ່ 12-17 ປີ; ສືບຕໍ່ຜັນຂະຫຍາຍບັນດາມາດຕະການຄວມຄຸມຄວາມສ່ຽງ, ປະຕິບັດຍຸດທະສາດປົກປ້ອງປະຊາຊົນນອນໃນກຸ່ມທີ່ມີຄວາມສ່ຽງສູງຢ່າງມີປະສິດທິຜົນ.

(ແຫຼ່ງຄັດຈາກ VOV)

ເອກອັກຄະລັດຖະທູດ ຫງວຽນນາມເຢືອງ ຍື່ນສານຕາຕັ້ງມາຍັງທ່ານປະທານາທິບໍດີ ປາແລັດສະຕິນ

19/02/2026
ຂ່າວສານ

ວັນທີ 17 ກຸມພາ, ທ່ານ ຫງວຽນນາມເຢືອງ ເອກອັກຄະລັດຖະທູດຜູ້ມີອຳນາດເຕັມແຫ່ງ ສສ. ຫວຽດນາມ ປະຈຳ ສ. ອາຣັບ ອີຢິບ ແລະ ລັດ ປາແລັດສະຕິນ ໄດ້ຍື່ນສານຕາຕັ້ງຂອງທ່ານ ເລືອງເກື່ອງ ປະທານປະເທດ ຫວຽດນາມ ມາຍັງທ່ານປະທານາທິບໍດີ ປາແລັດສະຕິນ Mahmoud Abbas, ກາຍເປັນເອກອັກຄະລັດຖະທູດຜູ້ມີອຳນາດເຕັມບໍ່ປະຈຳຂອງ ຫວຽດນາມ ຢູ່ ລັດ ປາແລັດສະຕິນ ຢ່າງເປັນທາງການ.