• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານ​ເລ​ຂາ​ທິ​ການ​ໃຫຍ່​, ປະ​ທານ​ປະ​ເທດ​ ຫວຽດ​ນາມ ຫງວຽນ​ຟູ​ຈ້ອງ​ຕ້ອນ​ຮັບ, ເຈ​ລະ​ຈາ ກັບ​ ​ທ່ານ​ Kim Jong-Un ປະ​ທານ ສ​ປ​ປ.ເກົາຫຼີ

ການຢ້ຽມຢາມ ຫວຽດນາມ ຄັ້ງນີ້ຂອງທ່ານ  Kim Jong-Un ປະທານ ສປປ.ເກົາຫຼີເປັນຂີດໝາຍສຳຄັນໃນປະຫວັດສາດການພົວພັນລະຫວ່າງສອງພັກ, ສອງລັດ;
 

ທ່ານ ຫງວຽນຟູຈ້ອງ ເລຂາທິການໃຫຍ່, ປະທານປະເທດ ຫວຽດນາມເຈລະຈາກັບທ່ານ Kim Jong-Un ປະທານພັກແຮງງານ ສປປ.ເກົາຫຼີ
 

ໂດຍໄດ້ຮັບຄຳເຊີນຂອງທ່ານ ຫງວຽນຟູຈ້ອງ ເລຂາທິການໃຫຍ່, ປະທານປະເທດ ຫວຽດນາມ, ທ່ານ Kim Jong-Un ປະທານພັກແຮງງານ ສປປ.ເກົາຫຼີ, ປະທານຄະນະກຳມະການປ້ອງກັນປະເທດ ປະເທດ ສາທາລະນະລັດ ປະຊາທິປາໄຕ ປະຊາຊົນ ເກົາຫຼີ ເລີ່ມຕົ້ນການຢ້ຽມຢາມສັນຖະວະໄມຕີ ຫວຽດນາມ ຢ່າງເປັນທາງການ.

        ໃນຕອນບ່າຍວັນທີ 1 ມີນາ, ພິທີຕ້ອນຮັບທ່ານ Kim Jong-Un ປະທານ ສປປ.ເກົາຫຼີ ໄດ້ຈັດຕັ້ງຕາມພິທີສູງສຸດສຳລັບ ປະມຸກລັດໂດຍ ທ່ານ ຫງວຽນຟູຈ້ອງ ເລຂາທິການໃຫຍ່, ປະທານປະເທດ ຫວຽດນາມ ເປັນເຈົ້າພາບພິທີຕ້ອນຮັບ. ພາຍຫຼັງພິທີຕ້ອນຮັບ ທ່ານ ຫງວຽນຟູຈ້ອງ ເລຂາທິການໃຫຍ່, ປະທານປະເທດ ຫວຽດນາມ ແລະ ທ່ານ Kim Jong-Un ປະທານ ສປປ.ເກົາຫຼີ ໄດ້ດຳເນີນການເຈລະຈາຢູ່ສຳນັກງານ ປະທານປະເທດ.

        ຕາງໜ້າພັກ,ລັດ ແລະ ປະຊາຊົນ ຫວຽດນາມ, ທ່ານ ຫງວຽນຟູຈ້ອງ ໄດ້  ຊົມເຊີຍທ່ານ Kim Jong-Un ໃນໂອກາດມາຢ້ຽມຢາມສັນຖະວະໄມຕີ ຫວຽດນາມ ຢ່າງເປັນທາງການ, ຢັ້ງຢືນການຢ້ຽມຢາມ ຫວຽດນາມ ຄັ້ງນີ້ຂອງທ່ານ  Kim Jong-Un ປະທານ ສປປ.ເກົາຫຼີເປັນຂີດໝາຍສຳຄັນໃນປະຫວັດສາດການພົວພັນລະຫວ່າງສອງພັກ, ສອງລັດ; ພ້ອມທັງເປັນໂອກາດທີ່ດີ ເພື່ອໃຫ້ການນຳສອງປະເທດແຈ້ງໃຫ້ກັນຊາບ ກ່ຽວກັບສະພາບການຂອງແຕ່ລະປະເທດ, ແລກປ່ຽນກ່ຽວກັບການປັບປຸງ, ພັດທະນາການພົວພັນສອງຝ່າຍ, ກໍ່ຄືບັນດາບັນຫາສາກົນ ແລະ ພາກພື້ນທີ່ຕ່າງຝ່າຍຕ່າງມີຄວາມສົນໃຈ.

        ທ່ານຫງວຽນຟູຈ້ອງເລຂາທິການໃຫຍ່, ປະທານປະເທດ ຫວຽດນາມ ອວຍພອນບັນດາຜົນສຳເລັດອັນໃຫຍ່ຫຼວງເຊິ່ງປະຊາຊົນ ສປປ.ເກົາຫຼີບັນລຸໄດ້ໃນພາລະກິດສ້າງສາ, ພັດທະນາປະເທດຊາດ ແລະ ເຊື່ອໝັ້ນວ່າພາຍໃຕ້ການຊິ້ນຳຂອງພັກແຮງງານ ສປປ.ເກົາຫຼີ, ໂດຍ ທ່ານ Kim Jong-Un ນຳພາ, ປະຊາຊົນ ສປປ.ເກົາຫຼີຈະສືບຕໍ່ບັນລຸໄດ້ຜົນສຳເລັດອັນໃຫຍ່ຫຼວງກ່ວາອີກໃນພາລະກິດການກໍ່ສ້າງສັງຄົມນິຍົມ, ພັດທະນາປະເທດຊາດ ແລະ ຍົກສູງຊີວິດການເປັນຢູ່ໃຫ້ປະຊາຊົນ.

(ແຫຼ່ງຄັດຈາກ VOV)

ບັນ​ດາ​ທ້ອງ​ຖິ່ນ​ຮ່ວມ​ເດີ​ນທາງ​ກັບ​ສູນ​ກາງ ເພື່ອ​ຊຸກ​ຍູ້​ການ​ພັດ​ທະ​ນາ​ເສດ​ຖະ​ກິດ

ບັນ​ດາ​ທ້ອງ​ຖິ່ນ​ຮ່ວມ​ເດີ​ນທາງ​ກັບ​ສູນ​ກາງ ເພື່ອ​ຊຸກ​ຍູ້​ການ​ພັດ​ທະ​ນາ​ເສດ​ຖະ​ກິດ

ປີນີ້ແມ່ນປີທີ 4 ທົ່ວປະເທດ ປະຕິບັດແຜນການພັດທະນາເສດຖະກິດ - ສັງຄົມ 5 ປີ (2021 - 2025). ເພື່ອປະຕິບັດສຳເລັດເປົ້າໝາຍນີ້, ນັບແຕ່ຕົ້ນປີ ຫຼາຍທ້ອງຖິ່ນ ໄດ້ຕັດສິນໃຈຜັນຂະຫຍາຍບັນດາມາດຕະການຢາງແຮງ ເພື່ອເສີມຂະຫຍາຍທ່າແຮງຂອງທ້ອງຖິ່ນຕົນ. ສ່ິ່ງນີ້ ປະກອບສວ່ນເຂົ້າຄວາມມານະພະຍາຍາມລວມຂອງ ລັດຖະບານ ເພື່ອແນໃສ່ຊຸກຍູ້ເສດຖະກິດປະເທດຊາດພັດທະນາ.

Top