• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານ​ປະ​ທານ​ປະ​ເທດ ຫວຽດ​ນາມ ຫງວຽນ​ຊວັນ​ຟຸກ ເຂົ້າ​ຮ່ວມ​ພິ​ທີສະ​ເຫຼີມ​ສະຫຼອງວັນ​ສ້າງ​ຕັ້ງກອງ​ພົນ 11 ຄົບ​ຮອບ 40 ປີ

ວັນທີ 9 ມິຖຸນາ, ກອງພົນ 11, ກະຊວງປ້ອງກັນປະເທດ ຫວຽດນາມ ໄດ້ຈັດຕັ້ງພິທີສະເຫຼີມສະຫຼອງວັນສ້າງຕັ້ງກອງພົນ ຄົບຮອບ 40 ປີ (11/6/1982 – 11/06/2022) ແລະ ຮັບຫຼຽນໄຊປົກປັກຮັກສາປະເທດຊາດ ຊັ້ນ III.
  ທ່ານປະທານປະເທດ ຫວຽດນາມ ຫງວຽນຊວັນຟຸກ ມອບຫຼຽນໄຊປົກປັກຮັກສາປະເທດຊາດຊັ້ນ III (ພາບ: TTXVN)  

ກ່າວຄຳເຫັນທີ່ພິທີ, ທ່ານປະທານປະເທດ ຫວຽດນາມ ຫງວຽນຊວັນຟຸກ ຊີ້ແຈ້ງວ່າ, ຜ່ານ 40 ປີແຫ່ງການສ້າງສາ, ສູ້ຊົນ ແລະ ເຕີບໃຫຍ່ຂະຫຍາຍຕົວ, ກອງພົນ 11 ໄດ້ປະຕິບັດໜ້າທີ່ການທະຫານ, ການປ້ອງກັນຊາດ, ໜ້າທີ່ຜະລິດ, ດຳເນີນທຸລະກິດໄດ້ເປັນຢ່າງດີ; ຢັ້ງຢືນກຳລັງຄວາມສາມາດຮອບດ້ານໃນການອອກແບບ, ດຳເນີນກໍ່ສ້າງກິດຈະກຳຈຸດສຸມຂອງກະຊວງປ້ອງກັນປະເທດ; ເປັນກຳລັງຫຼັກແຫຼ່ງແກ່ນສານໃນຂົງເຂດກໍ່ສ້າງພື້ນຖານຂອງກອງທັບ ແລະ ມີຊື່ສຽງໃນຂະແໜງກໍ່ສ້າງຂອງ ຫວຽດນາມ.

ທ່ານປະທານປະເທດ ເນັ້ນໜັກວ່າ ບັນດາວິສາຫະກິດກອງທັບ ສືບຕໍ່ແມ່ນກຳລັງນຳໜ້າໃນການແບກຫາບພາລະໜ້າທີ່ໜັກໜ່ວງທາງດ້ານເສດຖະກິດ - ສັງຄົມ; ການປ້ອງກັນຊາດ, ປ້ອງກັນຄວາມສະຫງົບຢູ່ເຂດຊາຍແດນ, ທະເລໝູ່ເກາະ, ປະກອບສ່ວນເພີ່ມທະວີແຫຼ່ງກຳລັງໃຫ້ແກ່ການປ້ອງກັນຊາດ, ປະກອບສ່ວນຢ່າງຕັ້ງໜ້າເຂົ້າງົບປະມານຂອງລັດ ແລະ ປະຕິບັດໜ້າທີ່ຊ່ວຍໜູນສັງຄົມ, ນະໂຍບາຍແນວຫຼັງຂອງກອງທັບ.

ກອງພົນ 11 ຈົ່ງເອົາໃຈໃສ່ລົງທຶນປະກອບອຸປະກອນເຄື່ອງຈັກ, ໝູນໃຊ້ບັນດາຜົນງານວິທະຍາສາດເຕັກໂນໂລຢີທີ່ກ້າວໜ້າ, ທັນສະໄໝເຂົ້າໃນການອອກແບບ, ກໍ່ສ້າງ ເພື່ອສ້າງອອກຜະລິດຕະພັນທີ່ມີຄຸນນະພາບສູງ, ຍົກສູງອິດທິຜົນຊື່ສຽງຂອງ ກອງພົນຢູ່ຕະຫຼາດພາຍໃນ ແລະ ສາກົນ.

(ແຫຼ່ງຄັດຈາກ VOV)

ງານວາງສະແດງ ຄວາມງາມຂອງ ຫວຽດນາມ ຢູ່ ລາວ

ງານວາງສະແດງ “ຄວາມງາມຂອງ ຫວຽດນາມ” ຢູ່ ລາວ

ພິທີເປີດງານວາງສະແດງດັ່ງກ່າວຈະດຳເນີນໃນວັນທີ 18 ກໍລະກົດ, ດ້ວຍການເຂົ້າຮ່ວມຂອງການນຳຂັ້ນສູງ 2 ປະເທດ.

Top