ທ່ານນາຍົກລັດຖະມົນຕີ ໄດ້ມອບເຮືອນ 100 ຫຼັງ ໃຫ້ແກ່ຄົນທຸກຍາກແຂວງ ຫວີງລອງ

(ພາບ: VGP)

“ບຸນເຕັດແຫ່ງການເຕົ້າໂຮມ” ແມ່ນຂໍ້ລິເລີ່ມຂອງ ສະຫະພັນໃຫຍ່ແຮງງານ ຫວຽດນາມ, ເຊິ່ງໄດ້ຈັດຂຶ້ນເພື່ອແນໃສ່ເອົາໃຈໃສ່ເບິ່ງແຍງດູແລໃຫ້ແກ່ກຳມະກອນ ແຮງງານ. ຂະບວນການ “ບຸນເຕັດເພື່ອຄົນທຸກຍາກ ແລະ ຜູ້ປະສົບເຄາະຮ້າຍຈາກ ທາດພິດສີສົ້ມ ” ໂດຍສູນກາງສະພາກາແດງ ຫວຽດນາມ ປຸກລະດົມ, ໄດ້ປະກອບສ່ວນນຳມາເຊິ່ງບັນຍາກາດເບີກບານມ່ວນຊື່ນ, ອົບອຸ່ນຂອງລະດູບານໃໝ່ມາໃຫ້ບັນດາຄອບຄົວທີ່ປະສົບກັບຄວາມຫຍຸ້ງຍາກ.

        ກ່າວຄຳເຫັນຢູ່ທີ່ນີ້, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ຮຽກຮ້ອງໃຫ້ ທາງແຂວງ ຫວີງລອງ, ສະຫະພັນໃຫຍ່ແຮງງານ ຫວຽດນາມ ສະຫງວນແຫຼ່ງກຳລັງເພື່ອສ້າງບັນດານະໂຍບາຍໃຫ້ແກ່ກຳມະກອນ,  ແຮງງານ ຢູ່ ເຂດອຸດສາຫະກຳ, ໂຮງງານໃຫຍ່, ເຈົ້າຂອງວິສາຫະກິດຕ້ອງເອົາໃຈໃສ່ກ່ວາອີກເຖິງຊີວິດດ້ານວັດຖຸ ແລະ ຈິດໃຈຂອງ ແຮງງານ, ແຫຼ່ງກຳລັງເພື່ອພັດທະນາວິສາຫະກິດ, ເນື່ອງໃນໂອກາດນີ້, ທ່ານນາຍົກລັດຖະມົນຕີ ໄດ້ມອບເຮືອນ 100 ຫຼັງ ໃຫ້ແກ່ຄົນທຸກຍາກແຂວງ ຫວີງລອງ.

ແລະກໍ່ໃນຕອນບ່າຍວັນທີ 14 ມັງກອນ, ຢູ່ແຂວງ ຈ່າວິງ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກໄດ້ລົງຢ້ຽມຢາມ, ມອບຂອງຂວັນໃຫ້ແກ່ຄອບຄົວເປົ້າໝາຍນະໂຍບາຍ, ກຳມະກອນ, ຄອບຄົວທີ່ປະສົບກັບຄວາມຫຍຸ້ງຍາກ ແລະ ຄະນະບໍລິຫານງານສະມາຄົມພຸດທະສາສະໜາ ຫວຽດນາມ ແຂວງຈາວິງ ເນື່ອງໃນໂອກາດບຸນເຕັດປີຊວດ 2020.

(ແຫຼ່ງຄັດຈາກ VOV)