• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານ​ນາ​ຍົກ​ລັດ​ຖະ​ມົນ​ຕີ​ ຫງວຽນ​ຊວັນ​ຟຸກ ຮ​ຽກ​ຮ້ອ​ຕ້ອງ​ຊ່ວຍ​ເຫຼືອ​ປະ​ຊາ​ຊົນ​ເຂດ​ພ​າກ​ກາງ ດ້ວຍ​ຄ​ວາມ​ຮັ​ບ​ຜິດ​ຊອບ​ສູງ​ສຸດ

ຕອນເຊົ້າວັນທີ 24 ຕຸລາ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ລົງໄປຢ້ຽມຢາມ, ລະດົມກຳລັງໃຈ ແລະ ແບ່ງເບົາຕໍ່ບັນດາຜົນເສຍຫາຍຂອງພໍ່ແມ່ປະຊາຊົນຢູ່ເມືອງກວ໋າງນິງ, ແຂວງ ກວ໋າງບິ່ງ ຍ້ອນຝົນຕົກ, ນ້ຳຖ້ວມກໍ່ຂຶ້ນ. 

ທ່ານນາຍົກລັດຖະມົນຕີ ຫງວຽນຊວັນຟຸກ ຮຽກຮ້ອງໃຫ້ການນຳບັນດາກະຊວງ, ຂະແໜງການ, ທ້ອງຖິ່ນ, ດ້ວຍນ້ຳໃຈຄວາມຮັບຜິດຊອບສູງສຸດ ຕ້ອງລະດົມທຸກແຫຼ່ງກຳລັງໂດຍໄວ ເພື່ອແກ້ໄຂບັນດາຜົນເສຍຫາຍໂດຍໄວທີ່ສຸດ, ຊ່ວຍເຫຼືອປະຊາຊົນຜູ້ຖືກເສຍຫາຍ ແລະນຳຊີວິດຂອງປະຊາຊົນຢູ່ເຂດພາກກາງກັບຄືນສູ່ເປັນປົກກະຕິໂດຍໄວ.

        ພາຍຫຼັງໄປຮອດແຂວງ ກວ໋າງບິ່ງ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ລົງຢ້ຽມຢາມປະຊາຊົນ ຢູ່ຕາແສງ ຮ່ຽນນິງ, ເມືອງ ກວ໋າງນິງ. ນະທີ່ນີ້, ທ່ານໄດ້ລະດົມກຳລັງໃຈປະຊາຊົນຢູ່ຕາແສງ ຮ່ຽນນິງວ່າ.

        “ຕາແສງ ຮ່ຽນນິງ ຖືກເສຍຫາຍເປັນຈຳນວນຫຼາຍໃນເຫດໄພນ້ຳຖ້ວມຄັ້ງປະຫວັດສາດນີ້, ຊັບສິນຂອງພໍ່ແມ່ປະຊາຊົນ, ຂອງທ້ອງຖິ່ນ ແລະ ປະເທດຊາດ ແມ່ນເສຍຫາຍເປັນຈຳນວນຫຼວງຫຼາຍ ແຕ່ກໍໂຊກດີເມື່ອໃນຕາແສງບໍ່ມີຜູ້ເສຍຊີວິດ. ມື້ນີ້, ຂ້າພະເຈົ້າໄດ້ຕາງໜ້າໃຫ້ການນຳພັກ, ລັດ ລົງຢ້ຽມຢາມຖາມຂ່າວ, ລະດົມກຳລັງໃຈ ແລະ ຂໍແບ່ງເບົາຄວາມເສຍຫາຍນີ້, ຫວັງວ່າພໍ່ແມ່ປະຊາຊົນຈະຜ່ານຜ່າຄວາມຫຍຸ້ງຍາກນີ້ໂດຍໄວ. ພັກ, ລັດ ໃນນັ້ນມີກຳລັງທະຫານ ແລະ ຕຳຫຼວດ ຈະສືບຕໍ່ໜູນຊ່ວຍພໍ່ແມ່ປະຊາຊົນເພື່ອຟື້ນຟູພື້ນຖານດ້ານວັດຖຸໂດຍໄວ.”


ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ລົງໄປຢ້ຽມຢາມ, ລະດົມກຳລັງໃຈ ແລະ ແບ່ງເບົາຕໍ່ບັນດາຜົນເສຍຫາຍຂອງພໍ່ແມ່ປະຊາຊົນຢູ່ເມືອງກວ໋າງນິງ, ແຂວງ ກວ໋າງບິ່ງ (TTXVN) 

ຫຼັງຈາກນັ້ນ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ເປັນປະທານການເຮັດວຽກກັບການນຳບັນດາແຂວງເຂດພາກກາງ, ບາງກະຊວງ, ຂະແໜງການ ກ່ຽວກັບການຟື້ນຟູຜົນຮ້າຍຢ້ອນຫຼັງຈາກຝົນຕົກ, ນ້ຳຖ້ວມ. ທ່ານຊີ້ນຳວ່າ:

 

      “ທຳອິດແມ່ນຕ້ອງຖອດຖອນບົດຮຽນໃນການປ້ອງກັນ, ຕ້ານໄພນ້ຳຖ້ວມ ຢູຸ່ພາກກາງ. ທີສອງແມ່ນຜັນຂະຫຍາຍບັນດາວຽກງານທີ່ຕ້ອງເຮັດໃນທັນທີ ເພື່ອຮັບປະກັນໃຫ້ປະຊາຊົນມີຊີວິດການເປັນຢູ່ເປັນປົກກະຕິ. ຕົວຢ່າງຄືບັນຫາສິ່ງແວດລ້ອມ ແລະ ໂລກລະບາດ. ຍິ່ງໄປກວ່ານັ້ນແມ່ນບໍ່ປະໃຫ້ປະຊາຊົນຖືກຕົກເຂົ້າສູ່ສະພາບອຶດຫິວ, ເຈັບເປັນ, ນອນກາງດິນກິນກາງຊາຍ, ໃຫ້ນັກຮຽນນັກສຶກສາໄດ້ກັບໄປໂຮງຮຽນປົກກະຕິໂດຍໄວ. ແກ້ໄຂວຽກງານກູ້ໄພກູ້ຊີບຂອງບັນດາທ້ອງຖິ່ນໃຫ້ແກ່ປະຊາຊົນໄດ້ເປັນຢ່າງດີກວ່າ.”

(ແຫຼ່ງຄັດຈາກ VOV)

ນະ​ຄອນຫຼວງ ຮ່າ​ໂນ້ຍ ແລະ ວຽງ​ຈ​ັນ ແລກ​ປ່ຽນ​ບົດ​ຮຽນ​ປະ​ສົບ​ການ​ໃນ​ການ​ເຄື່ອນ​ໄຫວ​ຂອງ​ອົງ​ການ​ໂດຍ​ປະ​ຊາ​ຊົນ​ເລືອກ​ຕັ້ງ

ນະ​ຄອນຫຼວງ ຮ່າ​ໂນ້ຍ ແລະ ວຽງ​ຈ​ັນ ແລກ​ປ່ຽນ​ບົດ​ຮຽນ​ປະ​ສົບ​ການ​ໃນ​ການ​ເຄື່ອນ​ໄຫວ​ຂອງ​ອົງ​ການ​ໂດຍ​ປະ​ຊາ​ຊົນ​ເລືອກ​ຕັ້ງ

ສອງຝ່າຍສືບຕໍ່ຄົ້ນຄວ້າ, ຜັນຂະຫຍາຍບັນດາຮູບແບບ, ກົນໄກແລກປ່ຽນຂໍ້ມູນ, ແບ່ງປັນປະສົບການໃນວຽກງານທຸກດ້ານຄື: ສ້າງເອກະສານທາງກົດໝາຍ, ວຽກງານຕິດຕາມກວດກາ ແລະ ຕົກລົງບັນດາບັນຫາສຳຄັນຂອງນະຄອນ ແລະ ການເຄື່ອນໄຫວອື່ນໆ ຕາມພາລະໜ້າທີ່, ສິດອຳນາດ ເພື່ອຜ່ານນັ້ນ ແລກປ່ຽນ, ແບ່ງປັນ, ຊ່ວຍເຫຼືອເຊິ່ງກັນແລະກັນ, ຍົກສູງຄຸນນະພາບ ແລະ ປະສິດທິຜົນ, ປະສິດທິພາບໃນການເຄື່ອນໄຫວຂອງ ສະພາປະຊາຊົນ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາລວມຂອງສອງນະຄອນຫຼວງ ແລະ ຂອງປະເທດຊາດ.

Top