ໂດຍສືບຕໍ່ບັນດາການເຄື່ອນໄຫວໃນການຢ້ຽມຢາມ ມາເລເຊຍ ຢ່າງເປັນທາງການ, ຕອນບ່າຍວັນທີ 21 ພະຈິກ, ຢູ່ສຳນັກງານລັດຖະສະພາ ມາເລເຊຍ, ທ່ານເລຂາທິການໃຫຍ່ ໂຕເລິມ ໄດ້ພົບປະສົນທະນາກັບທ່ານປະທານສະພາສູງ ມາເລເຊຍ Dato’ Awang Bemee Awang Ali Basah.
ຢູ່ທີ່ນີ້, ທ່ານເລຂາທິການໃຫຍ່ ໂຕເລິມ ສະເໜີໃຫ້ລັດຖະສະພາ ມາເລເຊຍ ຕັ້ງໜ້າສະໜັບສະໜູນ ແລະ ຊຸກຍູ້ການປະຕິບັດບັນດາທິດທາງຮ່ວມມືທີ່ການນຳ 2 ຝ່າຍໄດ້ເຫັນດີນຳກັນ; ພ້ອມກັນນັ້ນກໍ່ກວດກາຄືນ ແລະ ເຈລະຈາບັນດາຂໍ້ຕົກລົງຮ່ວມມືໃໝ່. ທ່ານເລຂາທິການໃຫຍ່ກໍ່ສະເໜີໃຫ້ລັດຖະສະພາ ມາເລເຊຍ ເອົາໃຈໃສ່, ສ້າງເງື່ອນໄຂສະດວກໃຫ້ປະຊາຄົມຊາວ ຫວຽດນາມ ດຳລົງຊີວິດ, ເຮັດວຽກຢູ່ ມາເລເຊຍ.
ສ່ວນທ່ານປະທານສະພາສູງ ມາເລເຊຍ ເນັ້ນໜັກວ່າ, ຈະພ້ອມກັບ ຫວຽດນາມ ແລະ ບັນດາປະເທດ ອາຊຽນ ສືບຕໍ່ປະກອບສ່ວນເຂົ້າໃນເລື່ອງຍົກສູງປະສິດທິຜົນການເຄື່ອນໄຫວ ແລະ ເສີມຂະຫຍາຍບົດບາດໃຈກາງຂອງ ອາຊຽນ ໃນສະພາບການໃໝ່.
ກໍ່ທີ່ການພົບປະສົນທະນາ, ການນຳ 2 ທ່ານໄດ້ແລກປ່ຽນທັດສະນະລວມກ່ຽວກັບຄວາມສຳຄັນຂອງເລື່ອງ ຮັກສາສັນຕິພາບ ແລະ ສະຖຽນລະພາບຢູ່ທະເລຕາເວັນອອກ, ເຄົາລົບກົດໝາຍສາກົນ, ສິດ ແລະ ຜົນປະໂຫຍດອັນຊອບທຳຂອງບັນດາປະເທດໃຫ້ສອດຄ່ອງກັບສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ແກ້ໄຂບັນດາການຂັດແຍ້ງກັນໂດຍສັນຕິວິທີ, ບໍ່ນຳໃຊ້ອາວຸດ ຫຼື ນາບຂູ່ນຳໃຊ້ອາວຸດ, ຫຼີກລ່ຽງບັນດາການເຄື່ອນໄຫວທີ່ບໍ່ສອດຄ່ອງກັບກົດໝາຍສາກົນ, ປະຕິບັດ DOC, ເຈລະຈາເພື່ອບັນລຸ COC ຢ່າງມີປະສິດທິພາບ, ປະສິດທິຜົນໂດຍໄວ.
