ວັນທີ 10 ກຸມພາ, ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຟູ້ຈ້ອງໄດ້ໄປຢ້ຽມຢາມ ແລະ ອວຍພອນປີໃໝ່ ອົງຄະນະພັກ ແລະ ອຳນາດການປົກຄອງແຂວງ ອຽນບ໋າຍ.

(ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຟູ້ຈ້ອງ ໄປຢ້ຽມຢາມ ແລະ ອວຍພອນປີໃໝ່ແຂວງ ອຽນບ໋າຍ)

ໂດຍສະແດງຄວາມປະທັບໃຈຕໍ່ການພັດທະນາຂອງແຂວງອຽນບ໋າຍ, ທ່ານເລຂາທິການໃຫຍ່, ປະທານປະເທດ ຫງວຽນຟູ້ຈ້ອງໄດ້ແບ່ງປັນວ່າ ກ່ອນໜ້ານີ້ ຕົນເອງໄດ້ມີຫຼາຍໂອກາດໄປຢ້ຽມຢາມ ແລະ ເຮັດວຽກຢູ່ ອຽນບ໋າຍ, ເຫັນໄດ້ເຖິງຄວາມຫຍຸ້ງຍາກ, ລຳບາກຫຼາຍຢ່າງຂອງປະຊາຊົນຢູ່ທີ່ນີ້. ປັດຈຸບັນ, ໂສມໜ້າຂອງເຂດຕົວເມືອງ ແລະຊົນນະບົດໄດ້ມີການປ່ຽນແປງຢ່າງຈະແຈ້ງ. ນອກຈາກນີ້ ທ່ານຍັງສະແດງຄວາມເຊື່ອໝັ້ນວ່າ ບົນພື້ນຖານທີ່ພວມມີຢູ່ແລ້ວ, ພ້ອມກັບການໜູນຊ່ວຍຂອງສູນກາງ, ແຂວງອຽນບ໋າຍຈະມີບາດກ້າວພັດທະນາຢ່າງແຮງກວ່າອີກໃນເວລາຈະມາເຖິງ.

        ເນື່ອງໃນໂອກາດນີ້, ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຟູ້ອ້ອງ ກໍໄດ້ລົງຢ້ຽມຢາມ ແລະ ມອບຂອງຂັວນໃຫ້ແກ່ບັນດາຄອບຄົວທຸກຍາກ, ຄອບຄົວເປົ້າໝາຍນະໂຍບາຍ ຢູ່ທ້ອງຖິ່ນດັ່ງກ່າວ.

(ແຫຼ່ງຄັດຈາກ VOV)