ຕອນຄ່ຳວັນທີ 02 ກັນຍາ (ຕາມເວລາທ້ອງຖິ່ນ), ທ່ານປະທານປະເທດ ຫວຽດນາມ ເລືອງເກື່ອງ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ໄປຮອດສະໜາມບິນສາກົນ ຢູ່ນະຄອນຫຼວງປັກກິງ, ປະເທດ ຈີນ, ເລີ່ມຕົ້ນການເຂົ້າຮ່ວມພິທີສະເຫຼີມສະຫຼອງ 80 ປີແຫ່ງວັນໄຊຊະນະ ຟາດຊິດ ຂອງປະຊາຊົນໂລກ ແລະ ເຮັດວຽກຢູ່ ຈີນ ແຕ່ວັນທີ 02 – 04 ກັນຍາ, ຕາມຄຳເຊີນຂອງທ່ານເລຂາທິການໃຫຍ່ພັກກອມມູນິດ ຈີນ, ປະທານປະເທດ ຈີນ ສີຈິ້ນຜິງ.
ເລື່ອງທ່ານປະທານປະເທດ ເລືອງເກື່ອງ ເຂົ້າຮ່ວມພິທີສະເຫຼີມສະຫຼອງ 80 ປີແຫ່ງວັນໄຊຊະນະ ຟາດຊິດ ຂອງປະຊາຊົນໂລກ ຢູ່ ຈີນ, ນອກຈາກການສະແດງໃຫ້ເຫັນການຖືເປັນສຳຄັນພິເສດຂອງ ຫວຽດນາມ ຕໍ່ການພົວພັນຖານບ້ານໃກ້ເຮືອນຄຽງມິດຕະພາບທີ່ເປັນມູນເຊື້ອ, ຄູ່ຮ່ວມມືຍຸດທະສາດຮອບດ້ານກັບ ຈີນ ແລ້ວ, ຍັງແມ່ນການຢືນຢັນຄວາມສະເໝີນຕົ້ນສະເໝີປາຍຂອງ ຫວຽດນາມ ໃນການຕັດສິນໃຈປົກປັກຮັກສາສັນຕິພາບຂອງມວນມະນຸດ, ຊຸກຍູ້ການຮ່ວມມືຕ່າງຝ່າຍຕ່າງມີຜົນປະໂຫຍດອີກດ້ວຍ.
ຕອນເຊົ້າວັນທີ 03 ກັນຍາ, ຈີນ ໄດ້ຈັດພິທີເດີນຂະບວນ, ສວນສະໜາມສະແດງກ້ອນກຳລັງ ສະເຫຼີມສະຫຼອງ 80 ປີແຫ່ງວັນໄຊຊະນະ ຟາດຊິດ ຂອງປະຊາຊົນ ໂລກ, ຢູ່ສະໜາມຫຼວງ ທຽນອານເມີນ, ທີ່ນະຄອນຫຼວງ ປັກກິງ. ມີປະມຸດລັດ, ການນຳລັດຖະບານ, ບັນດາຄະນະຜູ້ແທນຂັ້ນສູງຈາກຫຼາຍປະເທດໄດ້ຮັບເຊື້ອເຊີນເຂົ້າຮ່ວມເຫດການ.
