• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານປະທານປະເທດ ຫວຽດນາມ ຫງວຽນຊວນຟຸກ ພົບປະກັບອະດີດການນຳຂັ້ນສູງເຂດພາກກາງ

ເນື່ອງໃນໂອກາດບຸນປີໃຫມ່ປະຈຳຊາດວຽນມາ, ຕອນບ່າຍວັນທີ 8 ມັງກອນ ຢູ່ ນະຄອນ ດາຫນັງ, ທ່ານປະທານປະເທດ ຫວຽດນາມ ຫງວຽນຊວນຟຸກ ໄດ້ພົບປະສັງສັນກັບພະນັກງານເບ້ຍບຳນານ ຊື່ງແມ່ນອະດີດການນຳຂັ້ນສູງຢູ່ບໍລິເວນພາກກາງ.
  ທ່ານປະທານປະເທດ ຫງວຽນຊວນຟຸກພົບປະສັງສັນກັບພະນັກງານເບ້ຍບຳນານ ຊື່ງແມ່ນອະດີດການນຳຂັ້ນສູງຢູ່ບໍລິເວນພາກກາງ.  

ທີ່ການພົບປະ, ທ່ານປະທານປະເທດ ເນັ້ນຫນັກວ່າ: ເຖິງວ່າ ພວກທ່ານໄດ້ອອກກິນເບ້ຍບຳນານແລ້ວກໍຕາມ ແຕ່ພູມປັນຍາ, ບົດຮຽນ ແລະ ຄວາມສຸດຈິດສຸດໃຈຂອງບັນດາທ່ານອະດີດການນຳຂັ້ນສູງ ແມ່ນສິ່ງທີ່ລ້ຳຄ່າທີ່ສຸດ. ທ່ານປະທານປະເທດປາດຖະຫນາຢາກໃຫ້ບັນດາທ່ານອະດີດການນຳຂັ້ນສູງສືບຕໍ່ປະກອບສ່ວນຢ່າງແທດຈິງໃຫ້ການການເຄື່ອນໄຫວຂອງບັນດາອົງການສູນກາງ ແລະ ທ້ອງຖິ່ນ, ຮັບໃຊ້ການພັດທະນາຂອງທ້ອງຖິ່ນ ແລະ ຂອງປະເທດຊາດ.

ເມື່ອແຈ້ງຂ່າວກ່ຽວກັບສະພາບການເສດຖະກິດສັງຄົມຂອງປະເທດຊາດໃນປີຜ່ານມາ, ທ່ານປະທານປະເທດ ໃຫ້ຮູ້ວ່າ: ຫວຽດນາມ ບັນລຸໄດ້ຫລາຍໝາກຜົນຕັ້ງຫນ້າໃນທຸກຂົງເຂດເສດຖະກິດ ສັງຄົມ, ຮັບປະກັນການປ້ອງກັນຊາດ ແລະ ການຕ່າງປະເທດ. ໃນນັ້ນ ເສດຖະກິດສັງຄົມຟື້ນຕົວຕັ້ງຫນ້າ, ການເຕີບໂຕສູງ (8,02%).

 ເສດຖະກິດມະຫາພາກມີສະຖຽນລະພາບ, ໄພເງິນເຟີ້ໄດ້ຮັບການຄວບຄຸມ, ຫລາຍການດຸ່ນດ່ຽງໃຫຍ່ໄດ້ຮັບປະກັນ. ພິເສດ ເຖິງວ່າ ຍັງປະສົບກັບຄວາມຫຍຸ້ງຍາກຫລາຍຢ່າງ, ແຕ່ພັກ, ລັດ ຍາມໃດກໍ່ມີຄວາມເອົາໃຈໃສ່ເຖິງວຽກງານສະຫວັດດີສັງຄົມ, ຫນູນຊ່ວຍກຳມະກອນ, ຄົນງານ 68 ລ້ານເທື່ອຄົນ ດ້ວຍງົບປະມານ 100.000  ຕື້ດົ່ງ, ບໍ່ໃຫ້ຜູ້ໃດຖືກປະໄວ້ຢູ່ທາງຫລັງ.

 

(ແຫຼ່ງຄັດຈາກ VOV)

ປະ​ທາ​ນາ​ທິ​ບໍ​ດີ ອາ​ເມ​ລິ​ກາ, ຢູ​ແກຼນ ພົບ​ປະ​ກັນ​ຢູ່ນອກກອງ​ປະ​ຊຸມ​ສຸດຍອດ NATO

ປະ​ທາ​ນາ​ທິ​ບໍ​ດີ ອາ​ເມ​ລິ​ກາ, ຢູ​ແກຼນ ພົບ​ປະ​ກັນ​ຢູ່ນອກກອງ​ປະ​ຊຸມ​ສຸດຍອດ NATO

ວັນທີ 11 ກໍລະກົດ, ທ່ານປະທານາທິບໍດີ ອາເມລິກາ, Joe Biden ແລະ ທ່ານປະທານາທິບໍດີ ຢູແກຼນ Volodymyr Zelenskyy ໄດ້ພົບປະກັນຢູ່ນອກກອງປະຊຸມສຸດຍອດ NATO ທີ່ດຳເນີນຢູ່ນະຄອນຫຼວງ ວໍຊິງຕັນ.

Top