ຕອນເຊົ້າວັນທີ 17 ມິຖຸນາ, ໃນຂອບເຂດກອງປະຊຸມສຸດຍອດ ສະເຫຼີມສະຫຼອງ 35 ປີແຫ່ງວັນສ້າງຕັ້ງການພົວພັນລະຫວ່າງ ອາຊຽນ ແລະ ລັດເຊຍ, ຢູ່ນະຄອນ Kazan, ສ. Tatarstan, ສະຫະພັນ ລັດເຊຍ, ທ່ານ ເລມິນຮຶງ, ນາຍົກລັດຖະມົນຕີ ຫວຽດນາມ ເຂົ້າຮ່ວມ ແລະ ກ່າວຄຳເຫັນທີ່ພິທີໄຂເວທີປາໄສດຳເນີນທຸລະກິດ ອາຊຽນ - ລັດເຊຍ ດ້ວຍຫົວຂໍ້ “ການພົວພັນຄູ່ຮ່ວມມືບໍ່ມີພົມແດນ”.
ໃນບົດກ່າວທີ່ເວທີປາໄສ, ທ່ານນາຍົກລັດຖະມົນຕີ ເລມິນຮຶງ ໄດ້ແບ່ງປັນ 3 ການກຳນົດທິດການຮ່ວມມືຈຸດສຸມໃນໄລຍະຈະມາເຖິງ. ຕາມທ່ານແລ້ວ, 2 ຝ່າຍຕ້ອງຮ່ວມມືກັນສ້າງບັນດາລະບົບສະໜອງທີ່ມີສະຖຽນລະພາບ, ມີໄຫວພິບ ແລະ ມີຄວາມສາມາດຕ້ານທານສູງຕໍ່ບັນດາການຜັນແປຢູ່ພາຍນອກ; ພ້ອມກັນນັ້ນ, ກໍ່ພັດທະນາບັນດາເສັ້ນທາງຂົນສົ່ງເຊື່ອມຕໍ່ເຂດຕາເວັນອອກໄກ ລັດເຊຍ ກັບ ອາຊີຕາເວັນອອກສ່ຽງໃຕ້. ທ່ານນາຍົກລັດຖະມົນຕີ ກໍ່ເນັ້ນໜັກວ່າ ຕ້ອງນຳພະລັງງານໃຫ້ກາຍເປັນເສົາຄ້ຳຂອງການຮ່ວມມືໃນໂຄງການຮ່ວມມືປ່ຽນແປງໃໝ່ຂອງການພົວພັນ ອາຊຽນ - ລັດເຊຍ. ທ່ານນາຍົກລັດຖະມົນຕີ ສະເໜີໃຫ້ ອາຊຽນ ແລະ ລັດເຊຍ ຊຸກຍູ້ບັນດາໂຄງການຮ່ວມມືປ່ຽນແປງໃໝ່, ໜູນຊ່ວຍວິສາຫະກິດເຕັກໂນໂລຊີ ແລະ ວິສາຫະກິດໜຸ່ມ, ສ້າງລະບົບຊີວະພາບນະວັດຕະກຳທີ່ຂະຫຍັນຂັນເຄື່ອນ, ເຊື່ອມຕໍ່ປະຊາຄົມວິສາຫະກິດ 2 ຝ່າຍຢ່າງແໜ້ນແຟ້ນ. ທ່ານນາຍົກລັດຖະມົນຕີ ຢືນຢັນວ່າ ຫວຽດນາມ ພ້ອມແລ້ວທີ່ຈະສວມບົດບາດເປັນຂົວເຊື່ອມຕໍ່, ປະກອບສ່ວນຊຸກຍູ້ການຮ່ວມມືດ້ານການຄ້າ ແລະ ການລົງທຶນລະຫວ່າງ ອາຊຽນ ກັບ EAEU ເວົ້າລວມ ແລະ ສະຫະພັນ ລັດເຊຍ ເວົ້າສະເພາະ.
