• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ເປັນປະທານກອງປະຊຸມຜ່ານທາງອອນລາຍທົ່ວປະເທດກ່ຽວກັບການຜັນຂະຫຍາຍ EVFTA

      ຕອນເຊົ້າວັນທີ 06 ສິງຫາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ເປັນປະທານກອງປະຊຸມຜ່ານທາງອອນລາຍທົ່ວປະເທດກ່ຽວກັບການຜັນຂະຫຍາຍແຜນການປະຕິບັດສັນຍາການຄ້າເສລີ  ຫວຽດນາມ - EU.

ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ທີ່ກອງປະຊຸມ
      ເຂົ້າຮ່ວມຍັງມີການນຳຂອງບັນດາອົງການພັກ, ສະພາແຫ່ງຊາດ, ບັນດາກະຊວງ, ຂະແໜງ, ທ້ອງຖິ່ນ, ບັນດາເອກອັກຄະລັດຖະທູດ ແລະ ຫົວໜ້າຄະນະຜູ້ຕາງໜ້າຂອງບັນດາປະເທດ EU, ບັນດາສະຫະສະມາຄົມ ແລະ ວິສາຫະກິດດີເດັ່ນຂອງ ຫວຽດນາມ ແລະ EU.
            ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫວຽດນາມຫງວຽນຊວັນຟຸກ ຕີລາຄາວ່າ ສັນຍາການຄ້າເສລີ  ຫວຽດນາມ - EU ມີປະກອບສ່ວນ 3.25% ໃຫ້ແກ່ການເຕີບໂຕເສດຖະກິດຂອງ ຫວຽດນາມ ໃນໄລຍະ 5 ປີທຳອິດ; ເພີ່ມຂຶ້ນ 5% ໃນ 5 ປີຕໍ່ໄປ ແລະ 7% ໃນ 5 ປີ ຫຼັງຈາກນັ້ນ.
            ເພື່ອຮັບປະກັນການປະຕິບັດສັນຍາໃຫ້ຄົບຖ້ວນ, ຄົບຊຸດ ແລະ ມີປະສິດທິຜົນ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ປະກາດໃຊ້ແຜນການປະຕິບັດສັນຍາຂອງລັດຖະບານດ້ວຍ 5 ກຸ່ມເນື້ອໃນໃຫຍ່ລວມມີ: ທີ 1 ແມ່ນວຽກງານໂຄສະນາ, ເຜີຍແຜ່ຂໍ້ມູນກ່ຽວກັບສັນຍາການຄ້າເສລີ  ຫວຽດນາມ - EU ແລະ ຕະຫຼາດຂອງບັນດາປະເທດ EU; ທີ 2 ແມ່ນວຽກງານສ້າງກົດໝາຍ, ລະບອບລະບຽບການ; ທີ 3 ແມ່ນບັນດາມາດຕະການຍົກສູງກຳລັງຄວາມສາມາດແກ່ງແຍ້ງ ແລະ ພັດທະນາແຫຼ່ງຊັບພະຍາກອນມະນຸດ; ທີ 4 ແມ່ນແຜນນະໂຍບາຍ ແລະ ນະໂຍບາຍສຳລັບອົງການກຳມະບານ ແລະ ບັນດາອົງການຂອງຜູ້ອອກແຮງງານຢູ່ຮາກຖານວິສາຫະກິດ; ທີ 5 ແມ່ນນະໂຍບາຍຮັບປະກັນຊີວິດສັງຄົມ, ປົກປັກຮັກສາສິ່ງແວດລ້ອມ ແລະ ພັດທະນາແບບຍືນຍົງ. ທ່ານກ່າວວ່າ: 
            Eu ຍາມໃດກໍ່ແມ່ນຕະຫຼາດທີ່ມີຄວາມຮຽກຮ້ອງຄຸນນະພາບ ແລະ ມາດຕະຖານສູງສຳລັບສິນຄ້າ, ການບໍລິການ. ດັ່ງນັ້ນ, ສັນຍາການຄ້າເສລີຫວຽດນາມ - EU ໄດ້ສ້າງກາລະໂອກາດໃຫ້ຫວຽດນາມ ປ່ຽນແປງຮູບແບບການເຕີບໂຕ, ຊຸກຍູ້ບັນດາວິສາຫະກິດຫວຽດນາມຍົກລະດັບຕົນເອງ ປະຕິບັດບັນດາລະບຽບການໃໝ່ທີ່ຍາກກ່ວາເພື່ອລົງເລິກກ່ວາ, ບືນຕົວຂຶ້ນສູ່ບັນດາຂັ້ນຕອນທີ່ມີມູນຄ່າສູງກ່ວາໃນລະບົບສະໜອງ, ຈຳໜ່າຍຂອງ EU ແລະ ທົ່ວໂລກ. ສິ່ງດັ່ງກ່າວນີ້ມີຄວາມໝາຍສຳຄັນສຳລັບຫວຽດນາມໃນສະພາບການທີ່ມີກຸ່ມວິສາຫະກິດຂະໜາດໃຫຍ່ຂອງ Eu ຫຼາຍແຫ່ງພວມຫັນທິດການລົງທຶນ, ຫັນລະບົບສະໜອງການຜະລິດສິນຄ້າເປັນຫຼາຍຮູບຫຼາຍແບບ.
(ແຫຼ່ງຄັດຈາກ VOV)

ທ່ານນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ: ໄຊ​ຊະ​ນະ ດ້ຽນ​ບຽນ​ຝູ ເປັນ​ບົດ​ເພງ​ອຳ​ມະ​ຕະຕະຫຼອດ​ໄປ

ທ່ານນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ: “ໄຊ​ຊະ​ນະ ດ້ຽນ​ບຽນ​ຝູ ເປັນ​ບົດ​ເພງ​ອຳ​ມະ​ຕະຕະຫຼອດ​ໄປ”

ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ພົບປະ, ສະແດງຄວາມຮູ້ບຸນຄຸນຕໍ່ບັນດານັກຮົບ ດ້ຽນບຽນ, ຊາວໜຸ່ມຕະລຸມບອນ, ຄົນງານເກນເຂົ້າຮ່ວມຮັບໃຊ້ບັ້ນຮົບດ້ຽນບຽນຝູ ໂດຍກົງ, ເນື່ອງໃນໂອກາດສະເຫຼີມສະຫຼອງວັນໄຊຊະນະ ດ້ຽນບຽນຝູ ຄົບຮອບ 70 ປີ (7/5/1954 - 7/7/2024).

Top