• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມລັດຖະບານໃນຫົວເລື່ອງກໍ່ສ້າງກົດໝາຍໂດຍສະເພາະ

ກ່າວຄຳເຫັນໄຂກອງປະຊຸມໃນຕອນເຊົ້າວັນທີ 4 ມີນາ, ທ່ານນາຍົກລັດຖະມົນຕີຫວຽດນາມ ຟ້າມມິງຈິງ ໃຫ້ຮູ້ວ່າ, ນັບແຕ່ຕົ້ນອາຍຸການ, ລັດຖະບານໄດ້ລົງມືປະຕິບັດໃນທັນທີ, ໂດຍສຸມໃສ່ປະຕິບັດ 3 ບຸກທະລຸຍຸດທະສາດ, ໃນນັ້ນມີການບຸກທະລຸກ່ຽວກັບລະບອບລະບຽບການ.
  ທ່ານນາຍົກລັດຖະມົນຕີຫວຽດນາມຟ້າມມິງຈິງ ກ່າວຄຳເຫັນທີ່ກອງປະຊຸມ (ພາບ: TTXVN)  

 ທ່ານນາຍົກລັດຖະມົນຕີ ເນັ້ນໜັກວ່ານີ້ແມ່ນກອງປະຊຸມຫົວເລື່ອງສະເພາະເທື່ອທີ 3 ກ່ຽວກັບການກໍ່ສ້າງ ແລະ ປັບປຸງລະບອບລະບຽບການໃຫ້ສົມບູນແບບ. ໃນກອງປະຊຸມ 2 ຄັ້ງກ່ອນນັ້ນ, ລັດຖະບານໄດ້ສ້າງຮ່າງກົດໝາຍສົມບູນແບບ 16 ສະບັບ ເພື່ອຍື່ນສະເໜີຕໍ່ສະພາແຫ່ງຊາດໃນປີ 2022 ແລະ ປີ 2023, ພ້ອມທັງປັບປຸງໂຄງການດຳເນີນງານຂອງລັດຖະບານ ໃຫ້ເໝາະສົມກັບໜ້າວຽກ ແລະ ມີລັກສະນະຈຸດສຸມ.

ທ່ານນາຍົກລັດຖະມົນຕີ ຊີ້ແຈ້ງວ່າ, ທີ່ກອງປະຊຸມຄັ້ງນີ້, ລັດຖະບານໄດ້ສຸມໃສ່ປຶກສາຫາລືຮ່າງກົດໝາຍ 5 ສະບັບ ແລະ ມະຕິ 1 ສະບັບ. ນັ້ນແມ່ນຮ່າງກົດໝາຍວ່າດ້ວຍການປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍຄວາມຖີ່ວິທະຍຸໂທລະເລກ ໂດຍກະຊວງຖະແຫຼງຂ່າວ ແລະ ການສື່ສານຍື່ນສະເໜີ, ຮ່າງກົດໝາຍວ່າດ້ວຍການປ້ອງກັນ, ສະກັດກັ້ນການໃຊ້ຄວາມຮຸນແຮງໃນຄອບຄົວ (ສະບັບປັບປຸງ) ໂດຍກະຊວງວັດທະນະທຳ, ກິລາ ແລະ ທ່ອງທ່ຽວຍື່ນສະເໝີ; ຮ່າງກົດໝາຍວ່າດ້ວຍກຳລັງເຂົ້າຮ່ວມການຮັກສາຄວາມສະຫງົບ, ຄວາມເປັນລະບຽບຮຽບຮ້ອຍຮາກຖານ ໂດຍກະຊວງຕຳຫຼວດຍື່ນສະເໜີ; ຮ່າງກົດໝາຍວ່າດ້ວຍຄວາມເປັນລະບຽບຮຽບຮ້ອຍ, ຄວາມປອດໄພທາງຄົມມະນາຄົມທາງບົກ ໂດຍກະຊວງຕຳຫຼວດຍື່ນສະເໜີ; ຮ່າງກົດໝາຍວ່າດ້ວຍທາງບົກໂດຍກະຊວງຄົມມະນາຄົມ ແລະ ຂົນສົ່ງຍື່ນສະເໜີຕໍ່ລັດຖະບານ ກໍ່ຄືຮັບຟັງກະຊວງຕຳຫຼວດສະເໜີຮ່າງມະຕິຂອງສະພາແຫ່ງຊາດ ກ່ຽວກັບການທົດລອງຮູບແບບຈັດຕັ້ງແຮງງານ, ແນະນຳອາຊີບ, ສິດສອນອາຊີບໃຫ້ແກ່ນັກໂທດຢູ່ຄ້າຍຄຸມຂັງ. ທ່ານນາຍົກລັດຖະມົນຕີ ຟ້າມມິງຈິງໃຫ້ຮູ້ວ່າ:

ການສ້າງກົດໝາຍຕ້ອງເລີ່ມຈາກພຶດຕິກຳຕົວຈິງຕ້ອງເຄົາລົບຕິດແທດກັບຕົວຈິງຖືຕົວຈິງເປັນໄມ້ວັດແທກ ໃນວິວັດການສ້າງກົດໝາຍບັນຫາໃດຍັງຕິດຂັດນັ້ນຕ້ອງເພີ່ມເຕີມເພື່ອແກ້ໄຂບັນຫາໃດເກີດຂຶ້ນໃໝ່ຕ້ອງສືບຕໍ່ອັບເດດບັນດາບັນຫາເນື້ອໃນທີ່ມີຢູ່ແລ້ວ ຖ້າວ່າຍັງບໍ່ຖືກຕ້ອງກັບສະພາບການ ຕ້ອງປັບປຸງການສ້າງກົດໝາຍຕ້ອງລະດົມທຸກແຫຼ່ງກຳລັງເຂົ້າໃນການພັດທະນາກົດໝາຍຕ້ອງກວມເອົາທຸກໆເປົ້າໝາຍທີ່ດັດປັບຕ້ອງໃສ່ໃຈວ່າ ການແບ່ງຂັ້ນແບ່ງສິດອຳນາດຕ້ອງໄປຄຽງຄູ່ກັບການກວດກາຕິດຕາມກວດກາ ແລະ ຈັດແບ່ງແຫຼ່ງກຳລັງຫຼຸດຜ່ອນລະບຽບການບໍລິຫານມານະພະຍາຍາມຫຼຸດຜ່ອນລະບຽບການບໍລິຫານລົງ.


(ແຫຼ່ງຄັດຈາກ VOV)

ຫວຽດນາມ ແລະ ກຳປູເຈຍ ເພີ່ມທະວີການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບ, ຍູ້ແຮງການເຊື່ອມຕໍ່ເສດຖະກິດ

ຫວຽດນາມ ແລະ ກຳປູເຈຍ ເພີ່ມທະວີການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບ, ຍູ້ແຮງການເຊື່ອມຕໍ່ເສດຖະກິດ

ຕອນເຊົ້າວັນທີ 21 ມີນາ, ຢູ່ຮ່າໂນ້ຍ, ທ່ານລັດຖະມົນຕີການຕ່າງປະເທດ ບຸ່ຍແທັງເຊີນ ແລະ ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ແລະ ການຮ່ວມມືສາກົນ ກຳປູເຈຍ Prak Sokhonn ເປັນປະທານຮ່ວມກອງປະຊຸມຄັ້ງທີ 20 ຂອງຄະນະກຳມະການປະສົມ ຫວຽດນາມ - ກຳປູເຈຍ ກ່ຽວກັບການຮ່ວມມືດ້ານເສດຖະກິດ...

Top