ບໍ່ວ່າໃນສະພາບການໃດ, ບັນດານັກຮົບເກົ່າຍາມໃດກໍ່ສະແດງໃຫ້ເຫັນຄຸນນະທາດດ້ານການເມືອງຢ່າງໜັກແໜ້ນຂອງຕົນ, ເປັນແບບຢ່າງໃນທຸກໆການເຄື່ອນໄຫວ.

 ທ່ານນາຍົກລັດຖະມົນຕີ ຫງວຽນຊວນຟຸກ

(ພາບ: VGP)

ຕອນເຊົ້າວັນທີ 03 ທັນວາ, ຢູ່ຮ່າໂນ້ຍ, ໄດ້ດຳເນີນພິທີສະເຫຼີມສະຫຼອງ 30 ປີແຫ່ງວັນສ້າງຕັ້ງສະມາຄົມນັກຮົບເກົ່າຫວຽດນາມ (06 ທັນວາ 1989 – 06 ທັນວາ 2019), ກອງປະຊຸມໃຫຍ່ແຂ່ງຂັນຮັກຊາດໄລຍະ 2014 – 2019 ແລະ  ຮັບຫຼຽນໄຊແຮງງານຊັ້ນໜຶ່ງ. ໂດຍໄດ້ຮັບການມອບສິດຈາກປະທານປະເທດ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ປະດັບຫຼຽນໄຊແຮງງານຊັ້ນໜຶ່ງໃຫ້ສະມາຄົມນັກຮົບເກົ່າຫວຽດນາມ. ກ່າວຄຳເຫັນທີ່ພິທີສະເຫຼີມສະຫຼອງ, ທ່ານນາຍົກລັດຖະມົນຕີ ຫງວຽນຊວນຟຸກ, ເນັ້ນໜັກວ່າ.

        “ບໍ່ວ່າໃນສະພາບການໃດ, ບັນດານັກຮົບເກົ່າຍາມໃດກໍ່ສະແດງໃຫ້ເຫັນຄຸນນະທາດດ້ານການເມືອງຢ່າງໜັກແໜ້ນຂອງຕົນ, ເປັນແບບຢ່າງໃນທຸກໆການເຄື່ອນໄຫວ. ເດັດດ່ຽວຕໍ່ສູ້ຕ້ານການຫັນປ່ຽນໂດຍສັນຕິ, ກົນອຸບາຍຕ້ານທຳລາຍຂອງບັນດາອິດທິກຳລັງເປັນປໍລະປັກ. ຕໍ່ສູ້ເພື່ອປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນຂອງປະເທດຊາດ, ຕັ້ງໜ້າຕ້ານການສໍ້ລາດບັງຫຼວງ, ການຟຸມເຟືອຍ, ປົກປ້ອງພັກ, ປົກປ້ອງລະບອບ ແລະ ກຸ່ມກ້ອມມະຫາສາມັກຄີທົ່ວປວງຊົນທັງຊາດ… ເຖິງວ່າຍັງປະສົບກັບຄວາມຫຍຸ້ງຍາກກໍ່ຕາມ, ແຕ່ນັກຮົບເກົ່າຫຼາຍຄົນໄດ້ເຂົ້າຮ່ວມບັນດາລາຍການພັດທະນາເສດຖະກິດ, ບັນດາການເຄື່ອນໄຫວສັງຄົມ, ວຽກງານຕອບບຸນແທນຄຸນ, ຕັ້ງໜ້າປະກອບສ່ວນເຂົ້າໃນການພັດທະນາຂອງທ້ອງຖິ່ນ, ອົງການ, ຫົວໜ່ວຍ ແລະ ປະຊາຄົມ”.

        ທ່ານນາຍົກລັດຖະມົນຕີ ຫວຽນຊວັນຟຸກ ປາດຖະໜາວ່າ, ບັນດານັກຮົບເກົ່າ ສືບຕໍ່ເຂົ້າຮ່ວມບັນດາແນວຮົບເສດຖະກິດ, ວຽກງານລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ ສ້າງຄວາມຮັ່ງມີໃຫ້ແກ່ບ້ານເກີດເມືອງນອນ, ປະເທດຊາດ…

(ແຫຼ່ງຄັດຈາກ VOV)