![](https://imagevietnam.vnanet.vn/Upload/2019/7/11/11072019095950150ctqhnguyenthikimngantiepbithuthanhuytochau_srfm.jpg)
ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ໄດ້ໃຫ້ການຕ້ອນຮັບທ່ານ ເຈົາໜ໋າຍຊ໊ຽງ
ເລຂາຄະນະພັກນະຄອນ ຊູເຈົາ (ພາບ: TTXVN)
ທ່ານນາງປະທານສະພາແຫ່ງຊາດ ເນັ້ນໜັກວ່າ ຫວຽດນາມ ຍາມໃດກໍ່ຕີລາຄາສູງ ແລະ ຖືເປັນບຸລິມະສິດແຖວໜ້າໃຫ້ແກ່ການພົວພັນກັບຈີນ. ການພົວພັນລະຫວ່າງສູນກາງ, ບັນດາກະຊວງ ແລະ ບັນດາທ້ອງຖິ່ນສອງປະເທດໄດ້ຮັບການພັດທະນາຢ່າງແຮງ. ຈີນ ແມ່ນຄູ່ຮ່ວມມືດ້ານເສດຖະກິດການຄ້າແຖວໜ້າຂອງ ຫວຽດນາມ. ໃນ 5 ເດືອນທີ່ຜ່ານມາ, ຈີນ ແມ່ນປະເທດລົງທຶນໃຫຍ່ທີ່ສຸດຢູ່ ຫວຽດນາມ.
ທ່ານ ເຈົາໜ໋າຍຊ໊ຽງ ເລຂາຄະນະພັກນະຄອນ ຊູເຈົາ ຢັ້ງຢືນວ່າ: ນະຄອນ ຊູເຈົາ ໃຫ້ຄຳໝັ້ນສັນຍາວ່າຈະປະຕິບັດການຊີ້ນຳຂອງການນຳຂັ້ນສູງສອງປະເທດກ່ຽວກັບແຜນນະໂຍບາຍເພີ່ມທະວີການຮ່ວມມືລະຫວ່າງບັນດານະຄອນໃຫຍ່ຂອງ ຫວຽດນາມ ແລະ ຈີນ. ທ່ານ ເຈົາໜ໋າຍຊ໊ຽງ ຢັ້ງຢືນຕື່ມອີກວ່າ: ຈີນ ຖືການພົວພັນຄູ່ຮ່ວມມືຍຸດທະສາດຮອບດ້ານກັບ ຫວຽດນາມເປັນສຳຄັນທີ່ສຸດ. ພ້ອມທັງຕີລາຄາສູງພື້ນຖານເສດຖະກິດ ຫວຽດນາມ ທີ່ມີການພັດທະນາຢ່າງວ່ອງໄວໃນໄລຍະຜ່ານມາ, ທ່ານ ເຈົາໜ໋າຍຊ໊ຽງ ໃຫ້ຮູ້ວ່າ ບັນດາວິສາຫະກິດ ຊູເຈົາ ມີຄວາມປາດຖະໜາຢາກຮ່ວມມືກັບ ຫວຽດນາມ. ທ່ານ ເຈົາໜ໋າຍຊ໊ຽງ ເຊື່ອໝັ້ນວ່າ, ການຢ້ຽມຢາມຄັ້ງນີ້ຂອງທ່ານນາງປະທານສະພາແຫ່ງຊາດ ຫງວຽນທິກິມເງິນ ແລະ ຄະນະຜູ້ແທນຂັ້ນສູງຂອງສະພາແຫ່ງຊາດ ຫວຽດນາມ ຈະຊຸກຍູ້ການພົວພັນຂອງສອງປະເທດ ຫວຽດນາມ - ຈີນເຂົ້າສູ່ລວງເລິກ ແລະ ມີປະສິດທິຜົນກ່ວາອີກ.
(ແຫຼ່ງຄັດຈາກ VOV)