ຂ່າວສານ

ທົ່ວປະເທດຕ້ອນຮັບແຂກທ່ອງທ່ຽວຫຼາຍກວ່າ 10,5 ລ້ານເທື່ອຄົນໃນ 5 ວັນພັກ

06/05/2025

ຕາມກົມການທ່ອງທ່ຽວແຫ່ງຊາດແລ້ວ, ສ່ວນຫຼາຍບັນດາສະຖານທີ່ທ່ອງທ່ຽວຈຸດສຸມໃນທົ່ວປະເທດລ້ວນແຕ່ຮັບຮູ້ສັນຍານທີ່ຕັ້ງໜ້າດ້ວຍຈຳນວນແຂກທ່ອງທ່ຽວເພີ່ມຂຶ້ນຫຼາຍ, ນັບແຕ່ 50 ເຖິງ 100% ເມື່ອທຽບໃສ່ກັບໄລຍະດຽວກັນຂອງປີ 2024.

(ພາບປະກອບ)

ຕາມແຈ້ງການຂອງກົມການທ່ອງທ່ຽວແຫ່ງຊາດ, ທົ່ວປະເທດໄດ້ຕ້ອນຮັບແຂກທ່ອງທ່ຽວປະມານ 10,5 ລ້ານເທື່ອຄົນໃນ 5 ວັນພັກບູນຜ່ານມາ, ໃນນັ້ນມີຫຼາຍທ້ອງຖິ່ນຕ້ອນຮັບຈຳນວນແຂກທ່ອງທ່ຽວເປັນຈຳນວນຫຼາຍທີ່ສຸດນັບແຕ່ກ່ອນມາຮອດປັດຈຸບັນໃນວັນພັກບູນໃນໂອກາດວັນທີ 30 ເມສາ ແລະ ວັນທີ 1 ພຶດສະພາ. ຕາມນັ້ນແລ້ວ, ໃນໂອກາດນີ້ ກໍ່ໄດ້ສ້າງຂີດໝາຍກ່ຽວກັບຈຳນວນແຂກທ່ອງທ່ຽວທີ່ມາຢ້ຽມຢາມ, ມາທ່ອງທ່ຽວຫຼາຍກ່ວາອີກນັບແຕ່ພາຍຫຼັງພະຍາດໂຄວິດ - 19, ດ້ວຍຈຳນວນແຂກທ່ອງທ່ຽວກ່ວາ 10,5 ລ້ານເທື່ອຄົນ, ເພີ່ມຂຶ້ນກ່ວາ 31% ເມື່ອທຽບໃສ່ໄລຍະດຽວກັນຂອງປີ 2024. ຕາມກົມການທ່ອງທ່ຽວແຫ່ງຊາດແລ້ວ, ສ່ວນຫຼາຍບັນດາສະຖານທີ່ທ່ອງທ່ຽວຈຸດສຸມໃນທົ່ວປະເທດລ້ວນແຕ່ຮັບຮູ້ສັນຍານທີ່ຕັ້ງໜ້າດ້ວຍຈຳນວນແຂກທ່ອງທ່ຽວເພີ່ມຂຶ້ນຫຼາຍ, ນັບແຕ່ 50 ເຖິງ 100% ເມື່ອທຽບໃສ່ກັບໄລຍະດຽວກັນຂອງປີ 2024. ນະຄອນ ໂຮ່ຈີມິນ ເຊິ່ງແມ່ນສະຖານທີ່ດຳເນີນພິທີສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ (30/04/1975 - 30/04/2025) ໄດ້ດຶງດູດແຂກທ່ອງທ່ຽວຫຼາຍກ່ວາ 3 ລ້ານເທື່ອຄົນ. ບັນດາແຂວງ, ນະຄອນອື່ນກໍ່ຕ້ອນຮັບແຂກທ່ອງທ່ຽວຫຼາຍກ່ວາ 1 ລ້ານເທື່ອຄົນເຊິ່ງແມ່ນ ແທັງຮ່ວາ (1,6 ລ້ານເທື່ອຄົນ), ກ໋ວາງນິງ (1,1 ລ້ານເທື່ອຄົນ), ແຄ້ງຮ່ວາ (1 ລ້ານເທື່ອຄົນ).

(ແຫຼ່ງຄັດຈາກ VOV)

ເວທີປາໄສ ແຊງຊາງ ປັກກິ່ງ ປີ 2026 ມຸ່ງໄປເຖິງບັນດາຈຸດຮ້ອນເຮັ່ງດ້ານຄວາມໝັ້ນຄົງທົ່ວໂລກ

10/05/2026
ຂ່າວສານ

ວັນທີ 08 ພຶດສະພາ, ມີເຈົ້າໜ້າທີ່ປ້ອງກັນຊາດ, ນັກຮຽນຮູ້ ແລະ ຜູ້ຕາງໜ້າກວ່າ 120 ທ່ານທີ່ມາຈາກກວ່າ 40 ປະເທດ ພ້ອມດ້ວຍບັນດາອົງການຈັດຕັ້ງສາກົນ ໄດ້ເຂົ້າຮ່ວມກອງປະຊຸມຈັດກຽມເວທີປາໄສແຊງຊາງ ປັກກິ່ງ ແນໃສ່ປຶກສາຫາລືກ່ຽວກັບບັນດາຈຸດຮ້ອນເຮັ່ງດ້ານຄວາມໝັ້ນຄົງໃນພາກພື້ນ ແລະ ສາກົນ, ກໍຄືໃນອະນາຄົດຂອງການບໍລິຫານທົ່ວໂລກ.