• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຊຸກຍູ້ຄວາມສະເໝີພາບລະຫວ່າງຍິງ - ຊາຍ ແລະ ມອບສິດໃຫ້ແກ່ແມ່ຍິງ ແມ່ນນະໂຍບາຍສະເໝີຕົ້ນສະເໝີປາຍ ແລະ ລຸລ່ວງຂອງລັດ ຫວຽດນາມ

      ໂດຍໄດ້ຮັບຄໍາເຊີນຂອງທ່ານປະທານ ສະຫະພັນລັດຖະສະພາສາກົນ (IPU) ແລະ ປະທານສະພາແຫ່ງຊາດ ໂອຕາລິດ, ຕອນຄໍ່າວັນທີີ 17 ສິງຫາ (ຕາມເວລາຫວຽດນາມ), ຢູ່ຮ່າໂນ້ຍ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ເຂົ້າຮ່ວມກອງປະຊຸມອອນລາຍບັນດາປະທານສະພາແຫ່ງຊາດເພດຍິງໃນໂລກ ຄັ້ງທີ 13. 
            ກອງປະຊຸມດັ່ງກ່າວ ໂດຍ IPU ສົມທົບກັບສະພາແຫ່ງຊາດ ໂອຕາລິດ ແລະ ສະຫະພາບເອີຣົບຈັດຕັ້ງ, ເຊິ່ງຖືກດໍາເນີນໃນລະຫວ່າງວັນທີ 17 – 18 ສິງຫາ ດ້ວຍຫົວຂໍ້ “ການນໍາພາຂອງແມ່ຍິງຢູ່ສະພາແຫ່ງຊາດໃນໄລຍະໂລກລະບາດໂຄວິດ - 19 ແລະ ການຟື້ນຟູພາຍຫຼັງໂລກລະບາດ.   
   

ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ກ່າວຄໍາເຫັນທີ່ກອງປະຊຸມ (ພາບ: quochoi.vn)
      ໃນຫົວເລື່ອງ 1 ກ່ຽວກັບເນື້ອໃນ: “ຍົກສູງກໍາລັງຄວາມສາມາດໃນການຄຸ້ມຄອງວິກິດການຂຶ້ນສູ່ລະດັບສູງໃໝ່”, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ຖືວ່າ: ຫວຽດນາມ   ຍາມໃດກໍຊຸກຍູ້ບັນດາບຸລິມະສິດກ່ຽວກັບໂຄງການດໍາເນີນງານ ແລະ ບັນດາຂໍ້ລິເລີ່ມຂອງ ຫວຽດນາມ ທີ່ກ່ຽວຂ້ອງເຖິງແມ່ຍິງ ແລະ ເດັກຍິງ, ພິເສດແມ່ນໃນສະພາບການເກີດວິກິດການດ້ານສາທາລະນະສຸກທົ່ວໂລກ ພ້ອມກັບຜົນຮ້າຍຢ້ອນຫຼັງຂອງໄພທໍາມະຊາດ ແລະ ການປ່ຽນແປງຂອງດິນຟ້າອາກາດ. ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ເນ້ັນໜັກວ່່າ ການຊຸກຍູ້ຄວາມສະເໝີພາບລະຫວ່າງຍິງ - ຊາຍ ແລະ ມອບສິດໃຫ້ແກ່ແມ່ຍິງ ແມ່ນນະໂຍບາຍສະເໝີຕົ້ນສະເໝີປາຍ ແລະ ລຸລ່ວງຂອງລັດຫວຽດນາມ. ທ່ານນາງກ່າວວ່າ:
        “ຕ້ອງເພີ່ມທະວີບັນດາການເຄື່ອນໄຫວຂອງລັດຖະສະພາ, ການສ້າງກົດໝາຍ, ຕິດຕາມໜູນຊ່ວຍຍົກສູງກໍາລັງຄວາມສາມາດຂອງແມ່ຍິງໃຫ້, ກຽມພ້ອມຮັບມືກັບໂລກລະບາດ ແລະ ຊຸກຍູ້ບົດບາດນໍາພາຂອງແມ່ຍິງໃນບັນດາກໍລະນີທີ່ຮີບດ່ວນ; ເພີ່ມທະວີການເຂົ້າຮ່ວມຂອງທຸກພາກສ່ວນໃນສັງຄົມ, ໂດຍສະເພາະແມ່ນເພດຊາຍໃນການປະຕິບັດຄວາມສະເໝີພາບລະຫວ່າງຍິງ - ຊາຍ, ຜັນຂະຫຍາຍບັນດາຂໍ້ລິເລີ່ມໃນການຄວບຄຸມວິກິດການ; ສືບຕໍ່ເປີດກວ້າງການຮ່ວມມືຫຼາຍຝ່າຍໃນຂອດສ້າງກົດໝາຍ ແລະ ປະຕິບັດກົດໝາຍ, ປະກອບສ່ວນຍົກສູງແຫຼ່ງກໍາລັງ, ແບ່ງປັນປະສົບການ ແລະ ຕົວຢ່າງຕົວຈິງທີ່ປະຕິບັດຄວາມສະເໝີພາບລະຫວ່າງຍິງ - ຊາຍໄດ້ເປັນຢ່າງດີ, ມຸ່ງໄປເຖິງການບັນລຸເປົ້າໝາຍພັດທະນາແບບຍືນຍົງ”.
        ກອງປະຊຸມສຸດຍອດບັນດາປະທານສະພາແຫ່ງຊາດເພດຍິງໃນໂລກ ຖືກດໍາເນີນກ່ອນກອງປະຊຸມສຸດຍອດຂອງປະທານສະພາແຫ່ງຊາດໂລກຄັ້ງທີ 5 ເຊ່ິງຕາມແຜນການແມ່ນຈະດໍາເນີນໃນວັນທີ 19 – 20 ສິງຫານີ້. 
(ແຫຼ່ງຄັດຈາກ VOV)

ມະຕິເລກທີ 43 ກ່ຽວກັບການຟື້ນຟູເສດຖະກິດ - ສັງຄົມໄດ້ນຳມາເຊິ່ງປະສິດທິຜົນ

ມະຕິເລກທີ 43 ກ່ຽວກັບການຟື້ນຟູເສດຖະກິດ - ສັງຄົມໄດ້ນຳມາເຊິ່ງປະສິດທິຜົນ

ຕອນເຊົ້າວັນທີ 25 ພຶດສະພາ, ສືບຕໍ່ ກອງປະຊຸມສະໄໝສາມັນເທື່ອທີ 7 ຂອງສະພາ ແຫ່ງຊາດຊຸດທີ 15, ບັນດາ ສ.ສ.ຊ ໄດ້ປຶກສາຫາລືຢູ່ຫໍປະຊຸມກ່ຽວກັບບົດລາຍງານຂອງຄະນະຕິດຕາມກວດກາ ແລະ ຮ່າງມະຕິຂອງ ສະພາແຫ່ງຊາດກ່ຽວກັບໝາກຜົນການຕິດຕາມກວດກາຫົວເລື່ອງ “ການປະຕິບັດມະຕິເລກທີ 43 ກ່ຽວກັບນະໂຍບາຍປີການເງິນ, ເງິນຕາເພື່ອໜູນຊ່ວຍໂຄງການຟື້ນຟູ ແລະ ພັດທະນາເສດຖະກິດ - ສັງຄົມ ແລະ ມະຕິຂອງສະພາແຫ່ງຊາດກ່ຽວກັບບາງໂຄງການສຳຄັນຂອງຊາດຮອດທ້າຍປີ 2023”.

Top