ທ່ານປະທານປະເທດຈີນ ສີຈິ້ນຜິງ ແລະ ທ່ານນາງປະທານາທິບໍດີ ສິງກະໂປ Halimah Yacob (ພາບ: mfa.gov.cn)
ທ່ານປະທານປະເທດຈີນ ເນັ້ນໜັກວ່າ ສອງຝ່າຍຄວນຮ່ວມມືກັນຢ່າງເລິກເຊິ່ງກ້ວາງຂວາງໃນການພັດທະນາຂຽວ ແລະ ຍູ້ແຮງການຮ່ວມມືໃນບັນດາຂົງເຂດຄື: ເສດຖະກິດເຕັກນິກດີຈີຕອນ, ນະຄອນອັດສະລິຍະ ແລະ ປ່ຽນແປງໃໝ່ວິທະຍາສາດເຕັກໂນໂລຢີ.
ແລະກໍ່ໃນວັນດຽວກັນ, ເມື່ອພົບປະກັບທ່ານນາຍົກລັດຖະມົນຕີ ປາກິດສະຖານ Imran Khan, ທ່ານປະທານປະເທດ ຈີນ ສີຈິ້ນຜິງ ເນັ້ນໜັກວ່າ ຈີນ ເດັດດ່ຽວສະໜັບສະໜູນປາກິດສະຖານ ໃນການປົກປັກຮັກສາເອກະລາດແຫ່ງຊາດ, ອະທິປະໄຕ ກໍ່ຄືໃນການຕໍ່ສູ້ຕ້ານການກໍ່ການຮ້າຍ. ຈີນພ້ອມແລ້ວທີ່ຈະສົມທົບກັບປາກິດສະຖານ ໃນການຊຸກຍູ້ບັນດາຍຸດທະສາດພັດທະນາ.
ທ່ານ ສີຈິ້ນຜິງ ກໍ່ໄດ້ພົບປະກັບທ່ານປະທານາທິບໍດີ ອັກຊັງຕິນ Alberto Fernandez. ທີ່ການພົບປະ, ການນຳສອງຝ່າຍໄດ້ຖະແຫຼງເລີ່ມຕົ້ນປີຮ່ວມມືມິດຕະພາບ ເພື່ອແນໃສ່ສະເຫຼີມສະຫຼອງການສ້າງຕັ້ງສາຍພົວພັນທາງການທູດ ລະຫວ່າງສອງປະເທດ ຄົບຮອບ 50 ປີ.
(ແຫຼ່ງຄັດຈາກ VOV)
