• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຄຳເຫັນຂອງປະຊາຊົນຕໍ່ເລື່ອງທ່ານເລຂາທິການໃຫຍ່ພັກກອມມູນິດຫວຽດນາມຫງວຽນຟູຈ້ອງໄດ້ຮັບເລືອກຕັ້ງເປັນປະທານປະເທດ

ເລື່ອງທ່ານ ຫງວຽນຟູຈ້ອງ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ໄດ້ຮັບການເລືອກຕັ້ງຈາກສະພາແຫ່ງຊາດ ດຳລົງຕຳແຫນ່ງປະທານປະເທດທີ່ວາລະປະຊຸມຂອງສະພາແຫ່ງຊາດໃນຕອນບ່າຍວັນທີ 23 ຕຸລາ ແມ່ນຕອບສະຫນອງໄດ້ຄວາມຮຽກຮ້ອງຕ້ອງການຂອງການປະຕິວັດ, ຂອງພັກ ແລະ ໄດ້ຮັບຄວາມເຫັນດີເຫັນພ້ອມ ແລະ ສະຫນັບສະຫນູນຈາກປະຊາຊົນ.

ສະມາຊິກສະພາແຫ່ງຊາດປ່ອນບັດເລືອກຕັ້ງປະທານປະເທດ

ທ່ານ Y Khien Nie ຢູ່ ຕາແສງ Ea Tam ນະຄອນ ບວນມາທວດ ແຂວງ ດັກລັກ ໃຫ້ຮູ້ວ່າ:

        “ພວກຂ້າພະເຈົ້າຫາກໍ່ຕິດຕາມຂ່າວທາງຄື້ນວິທະຍຸກະຈາຍສຽງຫວຽດນາມ ແລະ ໄດ້ຮູ້ວ່າ ທ່ານເລຂາທິການໃຫຍ່ ຫງວຽນຟູຈ້ອງໄດ້ຮັບເລືອກຕັ້ງດຳລົງຕຳແຫນ່ງເປັນປະທານປະເທດ. ພວກຂ້າພະເຈົ້າມີຄວາມປິຕິຊົມຊື່ນ ເພາະການເລືອກຕັ້ງປະທານປະເທດແມ່ນການສະແດງໃຫ້ເຫັນຄວາມໄວ້ເນື້ອເຊື່ອໃຈຂອງບັນດາສະມາຊິກສະພາແຫ່ງຊາດ ທີ່ໄດ້ຄັດເລືອກຜູ້ສຸດຈິດສຸດໃຈຕໍ່ພັກ, ຕໍ່ລັດ,ຕໍ່ກັບປະຊາຊົນ ເພື່ອປະຕິບັດການຫັນປະເທດຊາດເປັນປະເທດອຸດສາຫະກຳ ແລະ ທັນສະໄຫມ, ປະຕິບັດເປົ້າໝາຍ ປະເທດຊາດຮັ່ງມີເຂັ້ມແຂງ ສັງຄົມຍຸຕິທຳປະຊາທິປະໄຕສິວິໄລ.”

ທ່ານ ຫງວຽນແທງບີງ ນັກຮົບເກົ່າ ຢູ່ ແຂວງ ຫວີງລອງ ໃຫ້ຮູ້ວ່າ:

“ຂ້າພະເຈົ້າມີຄວາມປິຕິຊົມຊື່ນ ແລະ ເຊື່ອໝັ້ນວ່າ ທ່ານເລຂາທິການໃຫຍ່ ໄດ້ຮັບການເລືອກຕັ້ງເປັນປະທານປະເທດ ຈະນຳພາປະເທດຊາດ, ນຳພາປະຊາຊົນປະຕິບັດຫນ້າທີ່ຊື່ງພັກ ແລະ ລັດໄດ້ວາງອອກເປັນຢ່າງດີ, ປະຕິບັດຫນ້າທີ່ສ້າງສາປະເທດຫວຽດນາມ ມີຄວາມສັນຕິພາບ ແລະ ພັດທະນາ ຢ່າງມີໄຊ, ນຳປະເທດຊາດກ້າວຂຶ້ນ.”

ໃນຂະນະນັ້ນ ທ່ານ ເຢືອງວັນແບ ຢູ່ ນະຄອນ ເກີນເທີ ຖືວ່າ: ບໍ່ພຽງແຕ່ທ່ານເອງເທົ່ານັ້ນ ຫາກປະຊາຊົນຫລາຍໆຄົນລ້ວນແຕ່ເຫັນດີເຫັນພ້ອມ ແລະ ສະຫນັບສະຫນູນ ທ່ານເລຂາທິການໃຫຍ່ ຫງວຽນຟູຈ້ອງ ໄດ້ຮັບເລືອກຕັ້ງເປັນປະທານປະເທດ. ໄລຍະຜ່ານມາ ທ່ານເລຂາທິການໃຫຍ່ຫງວຽນຟູຈ້ອງ ໄດ້ມີລັດຖະນະໂຍບາຍສຳຄັນຫລາຍຢ່າງເພື່ອນຳປະເທດຊາດພັດທະນາ.

(ແຫຼ່ງຄັດຈາກ VOV)

 

ທ່ານນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ ເຮັດ​ວຽກ​ກັບ​ສະ​ພາ​ດຳ​ເນີນ​ທຸ​ລະ​ກິດ ອາ​ເມ​ລິ​ກາ - ອາ​ຊຽນ

ທ່ານນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ ເຮັດ​ວຽກ​ກັບ​ສະ​ພາ​ດຳ​ເນີນ​ທຸ​ລະ​ກິດ ອາ​ເມ​ລິ​ກາ - ອາ​ຊຽນ

ຕອນບ່າຍວັນທີ 11 ກໍລະກົດ, ຢູ່ສຳນັກງານລັດຖະບານ (ທີ່ ຮ່າໂນ້ຍ), ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ຕ້ອນຮັບ ແລະ ເຮັດວຽກກັບຄະນະວິສາຫະກິດຂອງສະພາດຳເນີນທຸລະກິດ ອາເມລິກາ - ອາຊຽນ (USABC) ເຊິ່ງພວມຢ້ຽມຢາມ ແລະ ເຮັດວຽກຢູ່ ຫວຽດນາມ.

Top