• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຄະ​ນະ​ຜູ້​ແທນ​ຂັ້ນ​ສູງ ພັກ​ກອມ​ມູ​ນິດ ຫວຽດ​ນາມ ໄປ​ຢ້ຽມ​ຢາມ ແລະ ເຮັດ​ວຽກ​ຢູ່ ນີ​ກາ​ຣາກວາ

ໃນລະຫວ່າງ ວັນທີ 8 – 11 ກຸມພາ, ຄະນະຜູ້ແທນຂັ້ນສູງພັກກອມມູນິດ ຫວຽດນາມ ໂດຍທ່ານນາງ ເຈືອງທິມາຍ, ຫົວໜ້າຄະນະຂົນຂວາຍປະຊາຊົນສູນກາງພັກ, ເປັນຫົວໜ້າຄະນະໄດ້ໄປຢ້ຽມຢາມ ແລະ ເຮັດວຽກຢູ່ ນີກາຣາກວາ, ຕາມຄຳເຊື້ອເຊີນຂອງພັກແນວໂຮມປົດປ່ອຍຊາດ Sandino (FSLN) ກຳອຳນາດ.

ທ່ານນາງ ເຈືອງທິມາຍ, ຫົວໜ້າຄະນະຂົນຂວາຍປະຊາຊົນສູນກາງພັກພົບປະກັບ ທ່ານ ເລຂາທິການໃຫຍ່ ພັກFSLN, ປະທານາທິບໍດີ ນີກາຣາກວາ Daniel Ortega (ພາບ: TTXVN)

ທີ່ບັນດາການພົບປະກັບທ່ານ ເລຂາທິການໃຫຍ່ ພັກFSLN, ປະທານາທິບໍດີ ນີກາຣາກວາ Daniel Ortega, ທ່ານ ຮອງປະທານາທິບໍດີ Rosario Murrillo, ທ່ານ ປະທານສະພາແຫ່ງຊາດ Gustavo Porras, ທ່ານນາງ ເຈືອງທິມາຍ ໄດ້ຢັ້ງຢືນວ່າ ພັກ, ລັດ ແລະ ປະຊາຊົນ ຫວຽດນາມ ມີຄວາມປາດຖະໜາຢາກສືບຕໍໍ່ຊຸກຍູ້ ແລະ ເຮັດໃຫ້ການພົວພັນມິດຕະພາບທີ່ເປັນມູນເຊື້ອອັນດີງາມກັບພັກ , ລັດ ແລະ ປະຊາຊົນ ນີກາຣາກວາ ໃຫ້ເລິກເຊິ່ງກ່ວາອີກ. ສ່ວນການນຳພັກ, ລັດ, ສະພາແຫ່ງຊາດນີກາຣາກວາ ໄດ້ສະແດງຄວາມປາດຖະໜາຢາກຊຸກຍູ້, ເປີດກ້ວາງການຮ່ວມມືດ້ານເສດຖະກິດ, ການຄ້າ ແລະ ການລົງທຶນ, ເປັນຕົ້ນແມ່ນບັນດາຂົງເຂດທີ່ສອງຝ່າຍມີທ່າແຮງ ແລະ ມີຄວາມສາມາດບົ່ມຊ້ອນຄື: ກະສິກຳ, ສ້າງພື້ນຖານໂຄງລ່າງ, ການຄ້າ…

ໃນຂອບເຂດການຢ້ຽມຢາມ, ຜູ້ຕາງໜ້າພັກກອມມູນິດ ຫວຽດນາມ ແລະ ພັກ FSLN ໄດ້ລົງນາມໃນຂໍ້ຕົກລົງຮ່ວມມືໄລຍະ 2020 – 2025 ເພື່ອແນໃສ່ເພີ່ມທະວີ, ຊຸກຍູ້ການພົວພັນມິດຕະພາບ, ຄວາມສາມັກຄີ ແລະ ການຮ່ວມມືຮອບດ້ານລະຫວ່າງ ສອງພັກ, ສອງລັດຕື່ມອີກ.

(ແຫຼ່ງຄັດຈາກ VOV)

ການເຈລະຈາຂັ້ນສູງລະຫວ່າງຫວຽດນາມ ແລະ ບຸນກາຣີ

ການເຈລະຈາຂັ້ນສູງລະຫວ່າງຫວຽດນາມ ແລະ ບຸນກາຣີ

ຕອນເຊົ້າວັນທີ 25 ກັນຍາ, ຕາມເວລາທ້ອງຖິ່ນ, ໃນຂອບເຂດການຢ້ຽມຢາມບຸນກາຣີຢ່າງເປັນທາງການ, ພິທີຕ້ອນຮັບທ່ານປະທານສະພາແຫ່ງຊາດ ເວືອງດິ່ງເຫວະ ໄດ້ຖືກຈັດຂຶ້ນຢ່າງສົມກຽດຢູ່ນະຄອນຫຼວງ Sofia ໂດຍພາຍໃຕ້ການເປັນປະທານຂອງທ່ານປະທານສະພາແຫ່ງຊາດ ບຸນກາຣີ Rosen Zhelyazkov. ພາຍຫຼັງພິທີຕ້ອນຮັບ, ທ່ານປະທານສະພາແຫ່ງຊາດສອງປະເທດໄດ້ດຳເນີນການພົບປະເຈລະຈາ.

Top