ຂ່າວສານ

ຄະນະປະຈຳສະພາແຫ່ງຊາດຄາດວ່າຈະຈັດຕັ້ງກອງປະຊຸມໃນວັນທີ 20 ເມສາຈະມາເຖິງ

15/04/2020

ຕາມການຄາດຄະເນແລ້ວ, ກອງປະຊຸມຄັ້ງທີ 44 ຂອງຄະນະປະຈຳສະພາແຫ່ງຊາດ ຈະໄດ້ໄຂຂຶ້ນໃນຕອນເຊົ້າວັນທີ 20 ເມສາ.

ພາບປະກອບ: QUOCHOI.VN

ຄະນະປະຈຳສະພາແຫ່ງຊາດຈະປະກອບຄຳເຫັນໃສ່ຮ່າງກົດໝາຍວ່າດ້ວຍການລົງທຶນຕາມຮູບການການຄູ່ຮ່ວມມືພາກລັດ - ເອກະຊົນ, ຮ່າງກົດໝາຍວ່າດ້ວຍຊາວໜຸ່ມ (ສະບັບປັບປຸງ), ຮ່າງກົດໝາຍວ່າດ້ວຍຜູ້ອອກແຮງງານ ຫວຽດນາມໄປເຮັດວຽກຢູ່ຕ່າງປະເທດຕາມສັນຍາ (ສະບັບປັບປຸງ)…

ຄະນະປະຈຳສະພາແຫ່ງຊາດກໍ່ຈະປະກອບຄຳເຫັນກ່ຽວກັບການກະກຽມໃຫ້ແກ່ກອງປະຊຸມສະໄໝສາມັນຄັ້ງທີ 9 ຂອງສະພາແຫ່ງຊາດ, ຮ່າງໂຄງການສ້າງກົດໝາຍ, ລັດຖະບັນຍັດ ປີ 2021 ຂອງສະພາແຫ່ງຊາດ, ບົດລາຍງານຂອງ ລັດຖະບານກ່ຽວກັບ ການປະຢັດ, ຕ້ານການຟຸມເຟືອຍໃນປີ 2019. ຄະນະປະຈຳສະພາແຫ່ງຊາດ ຄາດວ່າຈະປະກອບຄຳເຫັນໃສ່ໃບຍື່ນສະເໜີຕໍ່ສະພາແຫ່ງຊາດໃຫ້ສັດຕະຍາບັນ: ສັນຍາການຄ້າເສລີ ຫວຽດນາມ - EU (EVFTA) ແລະ ສັນຍາອາລັກຂາການລົງທຶນ ຫວຽດນາມ - EU (EVIPA)…
ຄະນະປະຈຳສະພາແຫ່ງຊາດຍັງຈະຕໍ່ເວລາ ປະຊຸມຕື່ມອີກ 2 ມື້ເຄິ່ງ ເພື່ອພິຈາລະນາບັນດາເນື້ອໃນ ຖ້າຫາກມີເງື່ອນໄຂຄົບຖ້ວນ ທີ່ກ່ຽວຂ້ອງເຖິງຮ່າງກົດໝາຍ, ຮ່າງມະຕິຂອງສະພາແຫ່ງຊາດ.

(ແຫຼ່ງຄັດຈາກ VOV)

ສປຊ ຢັ້ງຢືນບັນດາການປະກອບສ່ວນຂອງກຳລັງຮັກສາສັນຕິພາບ ຫວຽດນາມ

09/05/2025
ຂ່າວສານ

ນີ້ແມ່ນການຢັ້ງຢືນບັນດາການປະກອບສ່ວນຂອງກຳລັງຮັກສາສັນຕິພາບຫວຽດນາມ ເວົ້າລວມ, ໂຮງໝໍກາງສະໜາມຂັ້ນ 2 ເລກ 6 ເວົ້າສະເພາະ, ໃນວິວັດການປະຕິບັດພາລະກິດຢູ່ ຄະນະປົກປັກຮັກສາສັນຕິພາບຂອງ ສປຊ ຢູ່ ຊູດັງໃຕ້ (UNMISS).