ຂ່າວສານ

ຂົນຂວາຍທົ່ວປວງຊົນຕັ້ງໜ້າເຂົ້າຮ່ວມການຟື້ນຟູ ແລະ ພັດທະນາເສດຖະກິດ-ສັງຄົມ

04/07/2020

ແນວໂຮມປະເທດຊາດ ຫວຽດນາມ ໄດ້ຂົນຂວາຍທົ່ວປວງຊົນຕັ້ງໜ້າແກ້ໄຂຜົນກະທົບຈາກໂລກລະບາດໂຄວິດ-19 ເພື່ອຟື້ນຟູ ແລະ ພັດທະນາເສດຖະກິດ, ສັງຄົມຂອງປະເທດຊາດ.

ທີ່ກອງປະຊຸມ (ພາບ: sggp.org.vn)

ຕອນເຊົ້າວັນທີ 03 ກໍລະກົດ, ທີ່ຮ່າໂນ້ຍ, ຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ຈັດຕັ້ງກອງປະຊຸມສະຫລຸບວຽກງານແນວໂຮມ 6 ເດືອນຜ່ານມາ ແລະ ປຶກສາຫາລືຫົວເລື່ອງສະເພາະ “ແນວໂຮມປະເທດຊາດ ຫວຽດນາມ ຂົນຂວາຍທົ່ວປວງຊົນຕັ້ງໜ້າເຂົ້າຮ່ວມການຟື້ນຟູ ແລະ ພັດທະນາເສດຖະກິດ, ສັງຄົມຂອງປະເທດຊາດ”. ກ່າວຄຳເຫັນທີ່ກອງປະຊຸມ, ທ່ານ ເຈິ່ນແທງເໝີນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຢັ້ງຢືນວ່າ:

“ແນວໂຮມປະເທດຊາດ ຫວຽດນາມ ໄດ້ຂົນຂວາຍທົ່ວປວງຊົນຕັ້ງໜ້າແກ້ໄຂຜົນກະທົບຈາກໂລກລະບາດໂຄວິດ-19 ເພື່ອຟື້ນຟູ ແລະ ພັດທະນາເສດຖະກິດ, ສັງຄົມຂອງປະເທດຊາດ. ແນວໂຮມໄດ້ປະຕິບັດຖືກຕ້ອງຕາມເນື້ອໃນຈິດໃຈ, ບົດສະຫລຸບເລກທີ 77 ຂອງກົມການເມືອງ ແລະ ມະຕິເລກທີ 84, ຕ້ອງເສີມຂະຫຍາຍຢ່າງສູງກຳລັງແຮງມະຫາສາມັກຄີທົ່ວປວງຊົນໃນຂະບວນການຂົນຂວາຍຊາວ ຫວຽດນາມ ໃຫ້ບຸລິມະສິດຊົມໃຊ້ສິນຄ້າ ຫວຽດນາມ, ຟື້ນຟູການຜະລິດເສດຖະກິດຂອງປະເທດຊາດ. ສືບຕໍ່ປຸກລະດົມຢ່າງແຮງຂະບວນການທົ່ວປວງຊົນປະຢັດມັດທະຍັດ ເພື່ອສະຫງວນແຫຼ່ງກຳລັງໃຫ້ແກ່ການສ້າງສາປະເທດຊາດ ໃນເງື່ອນໄຂຫຍຸ້ງຍາກ.”

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.