ຂ່າວສານ

ກຸ່ມທະນາຄານໂລກ ເພີ່ມມູນຄ່າບ້ວງເງິນໜູນຊ່ວຍ ເພື່ອຮັບມືກັບໂລກລະບາດ Covid –19 ຂຶ້ນເປັນ 14 ຕື້ USD

19/03/2020

ກຸ່ມທະນາຄານໂລກ (WBG) ປະກາດວ່າ ໄດ້ຍົກມູນຄ່າບ້ວງເງິນໜູນຊ່ວຍດ້ານການເງິນໂດຍດ່ວນ ແຕ່ 12 ຕື້ USD ຂຶ້ນເປັນ 14 ຕື້ USD.

(ພາບປະກອບ: THX/TTXVN)

ວັນທີ 17 ມີນາ, ກຸ່ມທະນາຄານໂລກ (WBG) ປະກາດວ່າ ໄດ້ຍົກມູນຄ່າບ້ວງເງິນໜູນຊ່ວຍດ້ານການເງິນໂດຍດ່ວນ ແຕ່ 12 ຕື້ USD ຂຶ້ນເປັນ 14 ຕື້ USD ເພື່ອແນໃສ່ຊ່ວຍບັນດາປະເທດ ແລະ ວິສາຫະກິດ “ປົວແປງກຳລັງຄວາມສາມາດແຫ່ງຊາດ ເພື່ອປ້ອງກັນ ແລະ ຮັບມືກັບໂລກລະບາດ”. ບ້ວງເງິນໜູນຊ່ວຍລວມມີ ນະໂຍບາຍສະກັດກັ້ນໂລກລະບາດ,ກວດພົບພະຍາດ ແລະ ປິ່ນປົວ, ພ້ອມທັງສະໜອງການໜູນຊ່ວຍໂດຍດ່ວນໃຫ້ແກ່ບັນດາວິສາຫະກິດ ແລະ ແຮງງານ ເພື່ອຫຼຸດຜ່ອນຜົນສະທ້ອນຈາກໂລກລະບາດ Covid – 19 ຕໍ່ຂົງເຂດການເງິນ ແລະ ເສດຖະກິດ.

ກ່ອນໜ້ານັ້ນ, ຕົ້ນເດືອນມີນາ, WBG ໄດ້ແຈ້ງໃຫ້ຊາບວ່າ ພ້ອມແລ້ວທີ່ຈະສະໜອງບັນດາບ້ວງເງິນໜູນຊ່ວຍໃນເບື້ອງຕົ້ນ ທີ່ມີມູນຄ່າ 12 ຕື້ USD ເພື່ອແນໃສ່ໜູນຊ່ວຍບັນດາປະເທດທີ່ພວມຖືກຜົນສະທ້ອນຈາກໂລກລະບາດ Covid – 19.

(ແຫຼ່ງຄັດຈາກ VOV)

ການຖະແຫຼງຂ່າວລັດຖະບານນັດສາມັນ: ໃຫ້ບຸລິມະສິດແກ່ການຊຸກຍູ້ການເຕີບໂຕ

02/10/2023
ຂ່າວສານ

ລັດຖະບານໄດ້ເຫັນດີເປັນເອກະພາບເລືອກເອົາແຜນການເຕີບໂຕສູງທີ່ສຸດໃນປີນີ້ ແມ່ນການເຕີບໂຕເສດຖະກິດທົ່ວປີ ບັນລຸລະດັບປະມານ 6%, ໄຕມາດທີ IV ຕ້ອງເພີ່ມຂຶ້ນ 10,6% ເພື່ອສືບຕໍ່ສຸຊົນບັນລຸໄດ້ໝາກຜົນສູງທີ່ສຸດທີ່ສາມາດບັນລຸໄດ້ໃນທົ່ວປີ.