• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ການ​ແກ້​ໄຂ​ບັນ​ຫາ ໄຕ້​ຫວັນ ແມ່ນ​ເລື່ອງ​ຂອງ ຈີນ, ບໍ່​ມີ​ອິດ​ທິກຳ​ລັງ​ປໍ​ລະ​ປັກ​ໃດ​ຢູ່​ພາຍ​ນອກ​ມີ​ສິດ​ແຊກ​ແຊງ

“ການແກ້ໄຂບັນຫາ ໄຕ້ຫວັນ ແມ່ນເລື່ອງຂອງ ຈີນ, ບໍ່ມີອິດທິກຳລັງປໍລະປັກໃດຢູ່ພາຍນອກມີສິດແຊກແຊງ”. ນີ້ແມ່ນຄຳຢັ້ງຢືນຂອງທ່ານລັດຖະມົນຕີກະຊວງປ້ອງກັນປະເທດ ຈີນ ເວີຍເຟີ້ງເຫີ ໃນວັນທີ 22 ພະຈິກ, ໃນການພົບປະເຈລະຈາກັບທ່ານລັດຖະມົນຕີກະຊວງປ້ອງກັນປະເທດ ອາເມລິກາ Lloyd Austin ຢູ່ນອກກອງປະຊຸມລັດຖະມົນຕີກະຊວງປ້ອງກັນປະເທດ ອາຊຽນ ເປີດກວ້າງຢູ່ ນະຄອນຫຼວງພະນົມເປັນ, ປະເທດ ກຳປູເຈຍ.
  ການພົບປະເຈລະຈາລະຫວ່າງສອງຝ່າຍ (ພາບ: ສຳນັກຂ່າວສານ ຊິນຮວາ)  

ທ່ານລັດຖະມົນຕີກະຊວງປ້ອງກັນປະເທດ ຈີນ ກໍໄດ້ເນັ້ນໜັກວ່າ ກອງທັບ ຈີນ ມີກຳລັງແຮງທັງກາຍ ແລະ ໃຈ, ມີຄວາມເຊື່ອໝັ້ນ ແລະ ມີຄວາມສາມາດເດັດດ່ຽວປົກປັກຮັກສາຄວາມເປັນເອກະພາບຂອງປະເທດຊາດ. ຈີນ ຖືເປັນສຳຄັນການພັດທະນາສາຍພົວພັນລະຫວ່າງສອງປະເທດ ແລະ ກອງທັບ 2 ປະເທດ, ແຕ່ ອາເມລິກາ ຕ້ອງເຄົາລົບຜົນປະໂຫຍດຫຼັກແຫຼ່ງຂອງ ຈີນ ແລະ ມີຄວາມຮັບຜິດຊອບຕໍ່ສະພາບການປັດຈຸບັນໃນສາຍພົວພັນລະຫວ່າງ ຈີນ - ອາເມລິກາ  ແມ່ນຂຶ້ນກັບ ອາເມລິກາ. ທ່ານ ເວີຍເຟີ້ງເຫີ ຫວັງວ່າ ອາເມລິກາ ຈະປະຕິບັດຄຳໝັ້ນສັນຍາເຊິ່ງປະມຸກລັດສອງປະເທດ ບັນລຸໄດ້, ນຳການພົວພັນລະຫວ່າງ ຈີນ - ອາເມລິກາ ກັບຄືນສູ່ວົງໂຄຈອນແຫ່ງການພັດທະນາຢ່າງປອດໃສ ແລະ ມີສະຖຽນລະພາບ.

ໃນການເຈລະຈານີ້, ລັດຖະມົນຕີ 2 ທ່ານກໍເຫັນດີເປັນເອກະພາບວ່າ ກອງທັບສອງປະເທດ ຄວນຮັກສາການຕິດຕໍ່ພົວພັນ ແລະ ພົບປະກັນເປັນປະຈຳ, ເພີ່ມທະວີການຄຸ້ມຄອງ ແລະ ຄວບຄຸມຄວາມສ່ຽງ, ມານະພະຍາຍາມຮັກສາຄວາມໝັ້ນຄົງ ແລະ ສະຖຽນລະພາບຢູ່ພາກພື້ນ.

(ແຫຼ່ງຄັດຈາກ VOV)

ໄຂງານບຸນດອກບັກວິດ ພະລັງຊີວິດເຂດພູພຽງຫີນ

ໄຂງານບຸນດອກບັກວິດ “ພະລັງຊີວິດເຂດພູພຽງຫີນ”

ຕອນຄຳວັນທີ 26 ພະຈິກ ຢູ່ເມືອງ ດົ່ງວັນ ແຂວງ ຮ່າຢາງ ງານບຸນດອກບັກວິດຄັ້ງທີ 8 ປີ 2022 ໄດ້ໄຂຂຶ້ນຢ່າງເປັນທາງການ ເຊິ່ງມີການເຂົ້າຮ່ວມຂອງແຂກທ່ອງທ່ຽວຈາກທຸກສາລະທິດ.

Top