• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ການ​ເຈ​ລະ​ຈາ Shangri La ຄັ້ງ​ທີ 19 ເລິ່ມ​ຕົ້ນເຮັດ​ວຽກ​ມື້ທຳ​ອິດ

ຕອນເຊົ້າວັນທີ 11 ມິຖຸນາ, ຢູ່ສິງກະໂປ, ການເຈລະຈາ Shangri La ຄັ້ງທີ 19 ໄດ້ເລິ່ມຕົ້ນເຮັດວຽກມື້ທີ 1 ຢ່າງເປັນທາງການດ້ວຍ 9 ວາລະປະຊຸມສຳຄັນ.

ຕາມແຜນການ, ວາລະປະຊຸມດ້ວຍຫົວຂໍ້ “ບັນດາບາດກ້າວເດີນຕໍ່ໄປໃນຍຸດທະສາດມະຫາສະໝຸດອິນເດຍ-ປາຊີຟິກ ຂອງອາເມລິກາ” ໄດ້ເປີດສາກໃຫ້ມື້ເຮັດວຽກທາງການທຳອິດຂອງການເຈລະຈາ Shangri La ຄັ້ງທີ 19. ໃນວາລະປະຊຸມຄັ້ງນີ້, ທ່ານລັດຖະມົນຕີກະຊວງປ້ອງກັນປະເທດອາເມລິກາ Lloyd Austin ມີບົດກ່າວປາໄສເຮັດແຈ້ງນະໂຍບາຍຂອງອາເມລິກາ ທີ່ມີຕໍ່ພາກພື້ນ. ຕໍ່ຈາກນັ້ນ, ບັນດາ ລັດຖະມົນຕີກະຊວງປ້ອງກັນປະເທດອິນໂດເນເຊຍ, ຝະລັ່ງ, ຍີ່ປຸ່ນ ປຶກສາຫາລືຫົວຂໍ້ “ການບໍລິຫານແກ່ງແຍ້ງພູມສາດດ້ານການເມືອງໃນໂລກຫຼາຍຂົ້ວ”.

ຄາດວ່າ, ທ່ານພົນເອກ ຟານວັນຢາງ, ລັດຖະມົນຕີກະຊວງປ້ອງກັນປະເທດຫວຽດນາມ ຈະມີບົດກ່າວປາໄສສຳຄັນ ໃນວາລະປຶກສາຫາລືດ້ວຍຫົວຂໍ້ “ຫັນການທະຫານ ແລະ ກຳລັງຄວາມສາມາດດ້ານການປ້ອງກັນຊາດ ເປັນທັນສະໄໝ”.

  ທ່ານລັດຖະມົນຕີກະຊວງປ້ອງກັນປະເທດ ອາເມລິກາ Lloyd Austin  

 ຄືຕາມທຳນຽມແລ້ວ, ເມື່ອເປີດສາກວາລະປະຊຸມຄົບຄະນະແມ່ນກ່າວບົດຄຳເຫັນຂອງຜູ້ຕາງໜ້າ ອາເມລິກາ. ໃນບົດກ່າວຄຳເຫັນຂອງຕົນ, ທ່ານລັດຖະມົນຕີກະຊວງປ້ອງກັນປະເທດ ອາເມລິກາ Lloyd Austin ໄດ້ຮຽກຮ້ອງໃຫ້ ທະວີບອາຊີປອດ “ການຮຸກຮານ ແລະ ຖືກນາບຂູ່” ພ້ອມທັງຍົກອອກວິໄສທັດຂອງ ອາເມລິກາ ຕໍ່ພາກພື້ນ.

ດ້ວຍຫົວຂໍ້ວ່າ “ບັນດາບາດກ້າວຕໍ່ໄປໃນຍຸດທະສາດ ມະຫາສະໝຸດອິນເດຍ - ປາຊີຟິກ”,  ໃນບົດກ່າວຄຳເຫັນຂອງ ທ່ານລັດຖະມົນຕີກະຊວງປ້ອງກັນປະເທດ ອາເມລິກາ Lloyd Austin ໄດ້ຢັ້ງຢືນຄືນໃໝ່ ແລະ ເດີນຕາມບັນດາທັດສະນະ, ຍຸດທະສາດທີ່ວົງການເຈົ້າໜ້າທີ່ ອາເມລິກາ ໃຫ້ຄຳໝັ້ນສັນຍາຕໍ່ພາກພື້ນ, ຖືນີ້ແມ່ນຈຸດສຸມໃນຍຸດທະສາດຂອງ ອາເມລິກາ, ພ້ອມທັງເນັ້ນໜັກວ່າ ອາເມລິກາ ຈະເປີດກ້ວາງການລົງທຶນ ແລະ ຮຽງບ່າຮຽງໄຫຼ່ກັບບັນດາປະເທດພັນທະມິດ ແລະ ຄູ່ຮ່ວມມື.

(ແຫຼ່ງຄັດຈາກ VOV)

ປະຊາຄົມນັກທຸລະກິດຊາວ ຫວຽດນາມ ອາໄສຢູ່ ເອີລົບ ນັບມື້ນັບພັດທະນາ

ປະຊາຄົມນັກທຸລະກິດຊາວ ຫວຽດນາມ ອາໄສຢູ່ ເອີລົບ ນັບມື້ນັບພັດທະນາ

ທ່ານປະທານສະພາແຫ່ງຊາດ ເວືອງດິ່ງເຫວະ ເນັ້ນໜັກວ່າ: ດ້ວຍ 15 ສະມາຊິກ, 15 ປີແຫ່ງການສ້າງຕັ້ງ ແຕ່ສະຫະພັນບັນດາສະມາຄົມວິສາຫະກິດ ຫວຽດນາມ ຢູ່ເອີລົບໄດ້ຈັດຕັ້ງບັນດາເວທີປາໄສວິສາຫະກິດໄດ້ 12 ເທື່ອເຊິ່ງສະແດງໃຫ້ເຫັນການພັດທະນາຢ່າງໄວ.

Top