ທ່ານຟຸ່ງກວ໊ກຫຽນຮອງປະທານສະພາແຫ່ງຊາດຫວຽດນາມໃຫ້ການຕ້ອນຮັບທ່ານ Yasushi Tanaka ຮອງປະທານອົງການຮ່ວມມືສາກົນຍີ່ປຸ່ນ (JICA) (Quochoi.vn)
ທ່ານຟຸ່ງກວ໊ກຫຽນຮອງປະທານສະພາແຫ່ງຊາດຫວຽດນາມຢັ້ງຢືນວ່າການຊ່ວຍເຫຼືອຂອງ JICA ໄດ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຫວຽດນາມ, ພິເສດໃນແມ່ນການພັດທະນາພື້ນຖານໂຄງລ່າງ. ທ່ານຮອງປະທານສະພາແຫ່ງຊາດຫວຽດນາມເນັ້ນໜັກວ່າສະພາແຫ່ງຊາດຫວຽດນາມຕີລາຄາສູງຕໍ່ສາຍພົວພັນຄູ່ຮ່ວມຍຸດທະສາດອັນເລິກເຊິ່ງກວ້າງຂວາງລະຫວ່າງຫວຽດນາມ-ຍີ່ປຸ່ນທີ່ພວມພັດທະນາຢ່າງເຂັ້ມແຂງ, ຮອບດ້ານແລະແທດຈິງ. ທ່ານຟຸ່ງກວ໊ກຫຽນສະເໜີໃຫ້ JICAສືບຕໍ່ຮວ່ມມືດ້ານເສດຖະກິດກັບຫວຽດນາມ.
ສ່ວນທ່ານຮອງປະທານJICAYasushi Tanakaກໍ່ໃຫ້ຮູ້ວ່າ: JICA ໄດ້ມີສາຍພົວພັນອັນດີງານກັບສະພາແຫ່ງຊາດຫວຽດນາມ. ໃນໄລຍະຈະມາເຖິງນີ້, JICAຈະສືບຕໍ່ໃຫ້ການຊ່ວຍເຫຼືອຫວຽດນາມໃນຂົງເຂດບຳລຸງສ້າງຊັບພະຍາກອນມະນຸດ, ປົວແປງສະພາບແວດລ້ອມ ແຫ່ງການລົງທຶນດຳເນີນທຸລະກິດ, ການລົງທຶນດ້ານພື້ນຖານໂຄງລ່າງ.
(ແຫຼ່ງຄັດຈາກ VOV)
