ຕອນເຊົ້າວັນທີ 18 ຕຸລາ, ທີ່ສຳນັກງານລັດຖະບານ (ຮ່າໂນ້ຍ), ທ່ານ ເລມິງຮຶງ, ນາຍົກລັດຖະມົນຕີ ຫວຽດນາມ ໄດ້ເປັນປະທານພິທີຕ້ອນຮັບທ່ານນາງ Brigitte Haas ນາຍົກລັດຖະມົນຕີ Liechtenstein ທີ່ພວມຢ້ຽມຢາມ ຫວຽດນາມ ຢ່າງເປັນທາງການ ແຕ່ວັນທີ 17-19 ຕຸລາ ແລະ ເປັນປະທານຮ່ວມ ການພົບປະສົນທະນາເພື່ອແນໃສ່ຊຸກຍູ້ການຮ່ວມມືລະຫວ່າງ ຫວຽດນາມ ແລະ Liechtenstein ໃຫ້ຫຼາຍກວ່າເກົ່າ.
ທີ່ການພົບປະສົນທະນາ, ທ່ານນາຍົກລັດຖະມົນຕີ ເລມິງຮຶງ ໄດ້ເນັ້ນໜັກເຖິງຄວາມໝາຍພິເສດ ຂອງວິວັດການເຈລະຈາສັນຍາການຄ້າເສລີ (FTA) ລະຫວ່າງ ຫວຽດນາມ ແລະ ສະມາຄົມການຄ້າເສລີ ເອີລົບ (EFTA) ພາຍຫຼັງ 14 ປີ ດ້ວຍການຈັດວາງລະປຶກສາຫາລື 21 ຄັ້ງ. ການລົງນາມໃນສັນຍາຮ່ວມມືສຳຄັນສະບັບນີ້ ຄາດວ່າຈະເປີດພາກໃໝ່ທີ່ເຕັມໄປດ້ວຍແງ່ຫວັງ, ປະກອບສ່ວນຢ່າງຕັ້ງໜ້າເຂົ້າໃນຄວາມວັດທະນະທຳຖາວອນລວມຂອງ ຫວຽດນາມ ແລະ ບັນດາປະເທດ EFTA.
ໂດຍເນັ້ນໜັກວ່າ ການເງິນສາມາດກາຍເປັນເສົາຄ້ຳໃໝ່ຂອງການພົວພັນສອງຝ່າຍ, ທ່ານນາຍົກລັດຖະມົນຕີ ເລມິງຮຶງ ໄດ້ສະເໜີໃຫ້ Liechtenstein ແບ່ງປັນປະສົບການໃນການສ້າງ, ຄຸ້ມຄອງກອງທຶນລົງທຶນ, ລະບົບທະນາຄານ, ການເງິນສີຂຽວ... ສົ່ງເສີມບັນດາການກຳນົດດ້ານການເງິນ ແລະ ນັກລົງທຶນເຂົ້າຮ່ວມສູນການເງິນສາກົນ ແລະ ຕະຫຼາດທຶນຂອງຫວຽດນາມ.
ສ່ວນທ່ານນາງ Brigitte Haas ເນັ້ນໜັກວ່າ ນີ້ແມ່ນການຢ້ຽມຢາມ ຫວຽດນາມຢ່າງເປັນທາງການຄັ້ງທຳອິດຂອງລັດຖະບານ Liechtenstein, ສ້າງຂີດໝາຍປະຫວັດສາດສຳຄັນໃນການສ້າງ ແລະ ປັບປຸງການພົວພັນພົວພັນທາງການທູດສອງຝ່າຍໃຫ້ແໜ້ນແຟ້ນກວ່າລະຫວ່າງສອງປະເທດ. ຜ່ານນັ້ນ, ສ້າງກຳລັງໜູນໃໝ່ເພື່ອຊຸກຍູ້ການຮ່ວມມືນຫຼາຍດ້ານລະຫວ່າງ ຫວຽດນາມ ແລະ Liechtenstein ໃຫ້ນັບມື້ນັບເຂົ້າສູ່ລວງເລິກ, ມີປະສິດທິຜົນ ແລະ ແທດຈິງ.
ສິນສຸດການພົບປະສົນທະນາ, ການນຳສອງທ່ານ ໄດ້ເປັນສັກຂີພິຍານໃນພິທີລົງນາມ ໃນສັນຍາຫຼີກລ່ຽງການເກັບພາສີຊ້ອນລະຫວ່າງ ຫວຽດນາມ ແລະ Liechtenstein.
