ທ່ານນາງ ຈີ້ງທິເຕີມ ອັກຄະລັດຖະທູດ ພ້ອມດ້ວຍຄະນະຖະຫວາຍທູບທຽນ
ວັນທີ 26 ກໍລະກົດ ເນື່ອງໃນໂອກາດສະເຫລີມສະຫລອງ 73 ປີແຫ່ງວັນທະຫານເສຍອົງຄະ ນັກຮົບເສຍສະຫລະຊີວິດເພື່ອຊາດ, ສະຖານທູດຫວຽດນາມ ປະຈຳ ສປປ ລາວ ແລະ ສະຫະສະມາຄົມນັກຮົບເກົ່າແຫ່ງຊາດ ລາວ ໄດ້ຈັດຕັ້ງພິທີຖະຫວາຍທູບທຽນອາໄລຫາບັນດານັກຮົບເສຍສະຫລະຊີວິດເພື່ອຊາດ ຢູ່ ເຂດປູຊະນີຍະສະຖານ ບ້ານ ເກີນ, ເມືອງ ທຸລະຄົມ ແຂວງວຽງຈັນ. ເຂົ້າຮ່ວມມີພະນັກງານ, ລັດຖະກອນ, ຜູ້ຕາງຫນ້າສະຖານທູດ ຫວຽດນາມ ປະຈຳ ສປປ ລາວ ພ້ອມດ້ວຍສະມາຄົມໃຫຍ່ຊາວຫວຽດນາມ ອາໄສຢູ່ລາວ, ຜູ້ຕາງຫນ້າອຳນາດການປົກຄອງແຂວງ ວຽງຈັນ… ເຂົ້າຮ່ວມຢ່າງພ້ອມພຽງ.
ກ່າວຄຳເຫັນທີ່ພິທີ, ທ່ານນາງ ຈີ້ງທິເຕີມ ອັກຄະລັດຖະທູດ ເນັ້ນຫນັກວ່າ: ພິທີແມ່ນໂອກາດເພື່ອໃຫ້ປະຊາຄົມຊາວຫວຽດນາມ ຢູ່ ລາວ ແລະ ປະຊາຊົນ ລາວ ອາໄລຫາ, ເຊີດຊູ ແລະ ສະແດງຄວາມຮູ້ບຸນຄຸນບັນດານັກຮົບວິລະຊົນ ຫວຽດນາມ ແລະ ລາວ ທີ່ໄດ້ເສຍສະຫລະຊີວິດເພື່ອຊາດ. ນີ້ກໍ່ແມ່ນໂອກາດເພື່ອໃຫ້ປະຊາຊົນສອງປະເທດ ທົບທວນຄືນມູນເຊື້ອສາມັກຄີໃນການຕໍ່ສູ້ກູ້ຊາດ, ຮຽງບ່າຮຽງໄຫລ່ຕ້ານສັດຕູໂຕດຽວ, ຍາດເອົາເອກະລາດ, ທ້ອນໂຮມປະເທດຊາດເປັນເອກະພາບໃນໄລຍະກ່ອນນີ້ ແລະ ພ້ອມກັນສ້າງສາປະເທດຊາດ ປະຈຸບັນ.
(ແຫຼ່ງຄັດຈາກ VOV)
